နိုင်ငံခြားကြွေးမြီ

March 8, 2020

ကြွေးမြီများ မဆပ်နိုင်ဟု လက်ဘနွန်ကြေညာ

ဘဏ္ဍာရေးအကျပ်အတည်းနဲ့ရင်ဆိုင်နေရတဲ့ လက်ဘနွန်နိုင်ငံဟာ သမိုင်းမှာ ပထမဆုံးအကြိမ်အဖြစ် နိုင်ငံခြားကြွေးမြီတွေကို ပေးဆပ်နိုင်တော့မှာမဟုတ်ဘူးလို့ မတ်လ ၈ ရက်မှာ ထုတ်ပြန်လိုက်ပါတယ်။  ဝန်ကြီးချုပ် ဟတ်ဆန်ဒီယတ်က လက်ဘနွန်ဟာ ဒီတနင်္လာနေ့မှာ ပေးရမယ့်ငွေချေးစာချုပ်အကြွေး ဒေါ်လာ ၁ ဒဿမ ၂ ဘီလျံကို ပေးနိုင်တော့မှာမဟုတ်ကြောင်း ပြောခဲ့တာပါ။  “ဒီအကြွေးက လက်ဘနွန်က တတ်နိုင်တာထက် ပိုကြီးနေပါတယ်။ လက်ဘနွန်က ပေးဆပ်နိုင်တဲ့ အတိုးနှုန်းထက်လည်း ပိုကြီးနေတယ်” လို့ ဝန်ကြီးချုပ်က ပြောပါတယ်။  လက်ဘနွန်နိုင်ငံဟာ လက်ဘနွန်ပေါင်ငွေ တန်ဖိုးကျဆင်းနေမှုကို ရင်ဆိုင်နေရပြီး အမေရိကန်ဒေါ်လာနဲ့ယှဉ်ရင် လပေါင်းများစွာ ငွေတန်ဖိုးကျနေခဲ့ပါတယ်။  ဆယ်စုနှစ်နဲ့ ချီပြီး အဆိုးဆုံး စီးပွားရေးအကျပ်အတည်းကိုရင်ဆိုင်နေရတဲ့ လက်ဘနွန်မှာ လူဦးရေရဲ့ ၄၀ ရာခိုင် နှုန်းကျော်ဟာ ဆင်းရဲမွဲတေမှုကို ခံစားရတော့မယ်လို့လည်း ဝန်ကြီးချုပ်က ပြောပါတယ်။ စီးပွားရေးပညာရှင်တွေကတော့ ဘဏ္ဍာရေးကယ်ဆယ်မှု စာချုပ်တရပ်ကို နိုင်ငံတကာ ငွေကြေးရန်ပုံငွေအဖွဲ့ အိုင်အမ်အက်ဖ်နဲ့ တွဲဖက်လုပ်ဆောင်ခြင်းကသာ တခုတည်းသော ဖြေရှင်းနည်း ဖြစ်ပြီး  ဒီလိုဖြစ်ဖို့ကလည်း နိုင်ငံမှာ လက်တွေ့ကျတဲ့ အပြောင်းအလဲတွေ လိုအပ်နေတယ်လို့ ပြောထားကြောင်း ရိုက်တာသတင်းက ဖော်ပြထားပါတယ်။ 
2 years Ago
Up