နာနီသုံးသပ်

November 27, 2020

အမှားလုပ်မိမည်ကို မကြောက်သည့်စိတ်က ဖာနန်ဒက်စ်၏ အားသာချက်ဟု နာနီသုံးသပ်

အမှားလုပ်မိမှာကို မကြောက်တက်တဲ့စိတ်က ဘရူနိုင်ဖာနန်ဒက်စ်ရဲ့ အားသာချက်ဖြစ်တယ်လို့ မန်ယူကစားသမားဟောင်း နာနီက သုံးသပ်ပါတယ်။ ဖာနန်ဒက်စ်နဲ့ နာနီတို့ဟာ စပို့တင်းလစဘွန်းမှာ အတူကစားခဲ့ဖူးပါတယ်။ ဖာနန်ဒက်စ်ရဲ့ ဘောလုံးကစားပုံက စွန့်စားမှုတွေနဲ့ ဘောလုံးကို လက်ခံရယူသလို  ခက်ခဲတဲ့ ပေးပို့မှုတွေ၊ ဆွဲယူပြေးမှုတွေနဲ့ ကန်သွင်းချက်တွေကိုလည်; တာဝန်ရှိရှိနဲ့ လုပ်ဆောင်တတ်တာက ပရိသတ်တွေအတွက် ချီးကျူးစရာဖြစ်တယ်လို့ နာနီက သုံးသပ်ပါတယ်။  ဒါ့အပြင် အမှားလုပ်မှာ မကြောင်တက်သူဖြစ်ပြီး အသင်းအောင်မြင်မှု ရဖို့အတွက်ပဲ စဉ်းစား လုပ်ဆောင်တတ်သူလို့လည်း နာနီက ဖာနန်ဒက်စ်ကို ချီးကျူးပါတယ်။  စပို့တင်းလစ္စဘွန်းမှာ ကတည်းက ဖာနန်ဒက်စ်ရဲ့ ခြေစွမ်းခြေစကို မြင်တွေ့ခဲ့ရပြီး တခြား လိဂ်ကိုပြောင်းရွှေ့မယ်ဆိုရင် အင်္ဂလန်ကိုသွားသင့်ကြောင်း တိုက်တွန်းခဲ့ဖူးတယ်လို့လည်း နာနီကပြောပါတယ်။  ဖာနန်ဒက်စ်ဟာ မန်ယူအသင်းအတွက် စုစုပေါင်း ၃၅ ပွဲမှာ ၂၁ ဂိုးသွင်းပြီး ၁၃ကြိမ် ဂိုးဖန်တီးနိုင်ခဲ့ပါတယ်။
4 months Ago
Up