နာဆာ

July 5, 2022

တာဝန်မဲ့ မှတ်ချက်မချရန် နာဆာကို တရုတ်အစိုးရ သတိပေး

အာကာသအတွင်း တရုတ်နိုင်ငံရဲ့ ပုံမှန်လုပ်ဆောင်ချက်တွေနဲ့ ပတ်သက်ပြီး တာဝန်မဲ့ မှတ်ချက်တွေမချဖို့ တရုတ်အစိုးရက အမေရိကန် အမျိုးသားအာကာသသိပ္ပံ နာဆာကို ဇူလိုင် ၄ ရက်က တိုက်တွန်းခဲ့ပါတယ်။

တရုတ်အစိုးရရဲ့ စစ်ရေးဆိုင်ရာ အာကာသအစီအစဉ်ရဲ့ တစိတ်တပိုင်းအဖြစ် လ ကို သိမ်းပိုက်ဖို့ တရုတ်က စဉ်းစားနေတယ်လို့ နာဆာရဲ့ စီမံခန့်ခွဲသူ ဘီလ်နယ်လ်ဆင်က ဂျာမန်သတင်းစာ ဘစ်ဒ်ကို မှတ်ချက်ပေးခဲ့တဲ့အပေါ် တုံ့ပြန်လိုက်တာပါ။

တရုတ်အာကာသယာဉ်မှူးတွေက အခြားနိုင်ငံပိုင် ဂြိုဟ်တုတွေကို ဘယ်လို ဖျက်ဆီးရမယ်ဆိုတာ သင်ယူနေတယ်လို့လည်း နယ်လ်ဆင်က အဲဒီတွေ့ဆုံမေးမြန်းခန်းမှာ အခိုင်အမာ ပြောကြားခဲ့ပါတယ်။

“အမေရိကန်ရဲ့ နာဆာက အဖြစ်မှန်တွေကို လျစ်လျူရှုပြီး သူတို့ သဘောကျသလို ပြောဆိုပြီး တရုတ်ကို အပုပ်ချတာ ဒါ ပထမဆုံးအကြိမ်တော့ မဟုတ်ပါဘူး။ အမေရိကန် အရာရှိတချို့က အချက်အလက်တွေကို ဆက်ပြီးဖန်တီးနေတယ်” လို့ တရုတ် နိုင်ငံခြားရေးဝန်ကြီးဌာနက ပြောရေးဆိုခွင့်ရှိသူ ကျောက်လိကျန်းက တုံ့ပြန်ပြောဆိုပါတယ်။

1 month Ago

June 8, 2022

နာဆာသိပ္ပံသုတေသနအတွက် ဒုံးကျည် ၃ စင်း ပစ်လွှတ်မည်

အမေရိကန်အမျိုးသားအာကာသသိပ္ပံ နာဆာက သိပ္ပံသုတေသနအတွက် ဩစတြေးလျနိုင်ငံ မြောက်ပိုင်းကနေ ဒုံးကျည် ၃ စင်းကို သီတင်းပတ်တွေအတွင်း ပစ်လွှတ်မယ်လို့ အာဏာပိုင်တွေက ဇွန် ၈ ရက်မှာ ပြောပါတယ်။

ဒါဟာ နာဆာအနေနဲ့ အမေရိကန်ပြင်ပ စီးပွားရေးလုပ်ငန်းသုံး ဒုံးလွှတ်စင်ကနေ ဒုံးပျံတွေ ပထမဆုံး ပစ်လွှတ်မယ့် အစီအစဉ်လည်း ဖြစ်ပါတယ်။

ပုဂ္ဂလိကပိုင် အီကွေတိုရီယယ် လောင့်ချ် ဩစတြေးလျ ကုမ္ပဏီ (ELA) ရဲ့ အာ့နမ် အာကာသစခန်းကနေ ဒုံးပျံတွေပစ်လွှတ်ဖို့ တရားဝင်ခွင့်ပြုချက်ကို ဩစတြေးလျအစိုးရက ထုတ်ပေးခဲ့တာလို့ ဝန်ကြီးချုပ် အန်ထော်နီ အယ်လ်ဘာနိစ်က ဒါဝင်မြို့မှာကျင်းပတဲ့ သတင်းစာရှင်းလင်းပွဲအတွင်း ပြောပါတယ်။

နာဆာရဲ့ အထူးတာဝန်ဟာ တောင်ကမ္ဘာခြမ်းကနေ ကြည့်မှ မြင်ရမယ့် နေအဖွဲ့အစည်းရဲ့ သံလိုက်စက်ကွင်းဆိုင်ရာ ရူပဗေဒ၊  ရူပနက္ခတ္တဗေဒနဲ့ ​ဂြိုဟ်တွေရဲ့ သိပ္ပံဖြစ်စဉ်တွေကို စုံစမ်းစစ်ဆေးမှာပါ။

ပထမဒုံးပျံကို ဇွန် ၂၆ ရက်မှာ လွှတ်တင်မှာဖြစ်ပြီး နောက်ထပ်ဒုံးပျံတွေကိုတော့ ဇူလိုင် ၄ ရက်နဲ့ ၇ ရက်နေ့တွေမှာ ပစ်လွှတ်မှာဖြစ်ပါတယ်။

ဩစတြေးလျနိုင်ငံမြောက်ပိုင်းနယ်မြေ အစိုးရဟာ ဒီစီမံကိန်းကို စတင်လုပ်ဆောင်ချိန်ကတည်းက ကျောထောက်နောက်ခံပေးထားပြီး အာ့နမ် အာကာသစခန်း ဖွံ့ဖြိုးတိုးတက်ရေးအတွက် ELA ကုမ္ပဏီမှာ အမေရိကန်ဒေါ်လာ ၃ ဒသမ ၆ သန်းနဲ့ညီမျှတဲ့ ဩစတြေးလျဒေါ်လာ ၅ သန်း ရင်းနှီးမြှုပ်နှံထားတယ်လို့ ကုမ္ပဏီက ပြောခဲ့ပါတယ်။

2 months Ago
More News
Up