နာဂလက်နက်ကိုင်အဖွဲ့

April 11, 2019

နာဂလက်နက်ကိုင်ခေါင်းဆောင် ၅ ဦးကို တပ်မတော်က တရားစွဲပြီး ၅ ဦးပြန်လွှတ်ပေး (မေးမြန်းချက်)

နာဂအမျိုးသားဆိုရှယ်လစ်ကောင်စီ (NSCN-K) အဖွဲ့က ထိပ်ပိုင်းခေါင်းဆောင် ၁၀ ဦးကို တပ်မတော်က တလနီးပါး ထိန်းသိမ်းထားပြီးတဲ့နောက် ၅ ဦးကို ပြန်လွှတ်ပြီး ကျန်တဲ့ ၅ ဦးကို မတရားအသင်း ဥပဒေပုဒ်မ ၁၇ (၁) နဲ့ ခန္တီးရဲစခန်းမှာ အမှုဖွင့်ပြီး ဆက်ဖမ်းဆီးထားပါတယ်။ တပ်မတော်က ခန္တီးမြို့မှာ ငြိမ်းချမ်းရေးနဲ့ပတ်သက်တဲ့ အစည်းအဝေး ရှိတယ်ဆိုပြီး  NSCN-K အဖွဲ့က ခေါင်းဆောင် ၁၀ ဦးကို ဖိတ်ကြားပြီး မတ်လ ၉ ရက်နေ့ကတည်းက ခလရ ၅၂ မှာ ဖမ်းဆီးထိန်းသိမ်းခဲ့တာပါ။ မတ်လ ၂၆ ရက်မှာတော့ NSCN-K အဖွဲ့ရဲ့ ငြိမ်းချမ်းဖော်ဆောင်ရေးကော်မတီ ဥက္ကဋ္ဌ ဦးအန်ကန့်၊ ဒုဥက္ကဋ္ဌ ဦးကျော်ဝမ်းစိန်၊ ဦးအန်းမိုင်၊ ဦးစောထင်နဲ့ ဦးအောင်ဆိုင်းတို့ ၅ ဦးကို မတရားသင်း ဥပဒေပုဒ်မ ၁၇ (၁) နဲ့ တရားစွဲဆိုပြီး ခန္တီးရဲစခန်းကို ပို့ဆောင်ဖမ်းဆီး ထိန်းသိမ်းထားခဲ့တာပါ။ ကျန်တဲ့ ၅ ဦးကိုတော့ ဧပြီ ၂ ရက်နေ့မှာ ခံဝန်လက်မှတ် ရေးထိုးခိုင်းပြီး ပြန်လွှတ်ပေးခဲ့ပါတယ်။ ပြန်လွတ်လာသူတဦးဖြစ်တဲ့ NSCN-K ရဲ့ ခန္တီးဆက်ဆံရေးရုံး တာဝန်ခံ ဦးကျောင်းထောင်းကို ဒီဗွီဘီက ဆက်သွယ်မေးမြန်းထားပါတယ်။ မေး - ဦးကျောင်းထောင်းတို့ကို တပ်မတော်ကနေ ဖမ်းပြီးတော့ လွှတ်ပေးလိုက်တယ်လို့ သိရပါတယ်။ ဦးကျောင်းထောင်းတို့ကို ဘာတွေ စစ်ဆေးမေးမြန်းခဲ့ပါသလဲ။ ဖြေ - “ကျနေ်ာတို့ကို ဖမ်းဆီးတဲ့အချိန်မှာ ဒီ နာဂငြိမ်းချမ်းရေး ကော်မတီရေးရာထဲက ဦးစီးဦးဆောင်ပြီးတော့ အစည်းအဝေးခေါ်တယ်။ ၁၀ ယောက်အဖွဲ့ခေါ်တယ်။ ခေါ်သူက သူ့ရဲ့ခွင့်ပြုချက် မရဘဲ သူတို့လည်း နှုတ်နဲ့ပဲ ပြောတယ်ထင်တယ်။ အဲဒါကြောင့် တရားမဝင်ဘူး။ ငြိမ်းချမ်းရေးကော်မတီဆိုတာက အခုမှပဲ လုပ်ထားတယ်။ တရားမဝင်ဘူး ဆိုပြီးတော့ ပြောတယ်။ အဲဒါနဲ့ သူ့ရဲ့ခွင့်ပြုချက်မရဘဲ အစည်းအဝေးတွေ လုပ်ယူတယ်ဆိုပြီးတော့ ကျနော်တို့ကို ဖမ်းချုပ်တယ်။ နောက်ပြီးတော့ သူတို့ ၅ ယောက်အဖွဲ့ကျတော့ သူတို့ တကားမှာ တပ်မတော်ကို အသိမပေးဘဲ နာဂလက်နက်ကိုင် အဖွဲ့အစည်းက အဲဒီမှာပဲ အခြေချပြီး နေထားတယ်။ နောက် အာသံကသည်းတွေကို နာဂတွေကလည်း နေထိုင်ခိုင်းတယ်ဆိုပြီးတော့ ကျနေ်ာတို့ကို အပြစ်ဒဏ်ခတ်တဲ့ပုံစံ ဖြစ်သွားတာပေါ့။” မေး - ဦးကျောင်းထောင်းတို့ကို ဘယ်မှာဖမ်းတာလဲ။ ဖြေ - “ကျနော်တို့ကို ဒီ ငြိမ်းချမ်းရေးရုံးမှာပဲ လာခေါ်သွားတာ၊ ခန္တီးမှာ။ ဗျူဟာကတော့ အဲဒီမှာ စစ်ကြောင်းထိုးနေတဲ့ ဒကစကပဲ ခဏလာတွေ့ပါဆိုပြီးတော့ မတ်လ ၉ ရက်နေ့ နေ့လယ်မှာ ခဏလာတွေ့ပါဆိုပြီးတော့ လာခေါ်သွားတယ်။ ခေါ်သွားတော့ ကျနော်တို့လည်း ဒါ ခဏဆွေးနွေးပြီးတော့ ပြန်လာမယ်ထင်ပြီးတော့ လိုက်သွားတယ်။ ဟိုမှာရောက်တာနဲ့ ကျနေ်ာတို့ ၁၀ ယောက်ဖုန်းကို အကုန်လုံးသိမ်းလိုက်တယ်။ သိမ်းပြီးတော့ ကျနော်တို့ ဟိုမှာ ၂၅ ရက် ကြာသွားတယ်။ ကျနေ်ာတုိ့အဖွဲ့ ၅ ယောက်၊ နောက် ၅ ယောက်က ကျနော် အခုထိ ဒီ ခန္တီးရဲစခန်း အချုပ်ခန်းမှာ ရှိတယ်။” မေး - ဦးကျောင်းထောင်းတို့ ဘယ်နေရာမှာ ထိန်းသိမ်းခံထားရတာလဲ။ ထိန်းသိမ်းခံရတဲ့ ၂၅ ရက်အတွင်း ဘာလုပ်ရလဲ။ ဖြေ - “ခလရ ၅၂ မှာပဲ။ ကျနော်တို့ကို တယောက်ချင်း တယောက်ချင်း စစ်ဆေးတယ်။ စစ်ဆေးတော့ အဓိက သူတို့က ဒီ ခင်ဗျားတို့ အန်စီအေ လက်မှတ်ထိုးမလား၊ ဘယ်လိုပုံစံ ဘယ်လိုသဘောထားရှိလဲဆိုတာ ကျနော်တို့ကို ပြောတဲ့အခါကျတော့ ကျနော်တို့ ၁၀ ယောက် အဖွဲ့ကလည်း ဒါကတော့ ကျနေ်ာတို့လာတာက ပြည်သူရဲ့အကြီးအကဲ၊ ခေါင်းဆောင်ပိုင်းတွေနဲ့ ကျနော်တို့က ဆွေးနွေးဖို့လာတယ်။ ဒါပေမယ့် ကျနေ်ာတို့ ၁၀ ယောက်အနေနဲ့ကတော့ အတိအကျတော့ အန်စီအေလက်မှတ်ထိုးဖို့ဆိုတာ ကျနော်တို့ မပြောနိုင်ဘူး။ ကျနေ်ာတို့ ပါတီကိုလည်း ကျနေ်ာတို့က အကျေအလည်ညှိပြီးမှပဲ အားလုံးသဘောတူမှပဲ လုပ်ရမယ်လို့ ကျနော်တို့က အဲလိုပဲဖြေတယ်။” မေး - ထိန်းသိမ်းထားတဲ့ အချိန်အတွင်းမှာ တစုံတရာ ဖိအားပေးတာ၊ နှိပ်စက်တာတွေကော ရှိလား။ ဖြေ - “အဲလိုတော့ မရှိဘူး။ ဒါပေမယ့် မတ်လ ၂၆ ရက်နေ့က သူတို့ မနက်ပိုင်း တခါလာတယ်။ လာပြီးတော့ ခင်ဗျားတို့ အန်စီအေကို ဘယ်လိုသဘောထားရှိသလဲ၊ ဘယ်လိုစဉ်းစားသလဲ လာပြောတဲ့အခါကျတော့ ကျနေ်ာတို့က တတ်နိုင်ရင်တော့ အန်စီအေ လမ်းကြောင်းနဲ့ပဲ သွားဖုိ့ အဲလိုတော့ ဆုံးဖြတ်တယ်ဆိုပြီး ပြောလိုက်တယ်။ ဒါဆိုရင် စောစောကတည်းက ဘာဖြစ်လို့ ဒီလိုမပြောသလဲဆိုပြီး ပြောသွားတယ်။ နေ့လယ်ကျတော့ အဲဒီ ၅ ယောက်အဖွဲ့ကို ခေါ်သွားတယ်။ ခေါ်တော့ ကျနော်တို့ ၅ ယောက်အဖွဲ့က ဒီဟာနဲ့ပတ်သက်ပြီး ဆွေးနွေးဖို့ ခေါ်သွားတယ်ထင်တယ်ဆိုပြီးတော့ ကျနော်တို့ အဲလိုပဲစဉ်စားတာ။ ဒါပေမယ့် ညမှာလည်း ပြန်မလာဘူး။ နောက်ထပ် ဘာသတင်းမှ မကြားရတဲ့အခါကျတော့ နောက်ပိုင်း ရဲစခန်းမှာရှိတယ်ဆိုပြီး အဲလို သတင်းရလာတယ်။” မေး - ကျန် ၅ ယောက်ကို ခန္တီးရဲစခန်းကို ခေါ်သွားပြီး ဦးတို့ ၅ ယောက်ကို ဘယ်တုန်းက ပြန်လွှတ်ပေးလိုက်တာလဲ။ ဖြေ - “ကျနေ်ာတို့ကို မတ်လ ၉ ရက်နေ့မှာ ခေါ်သွားတယ်။ ၂၅ ရက်ကြာတယ်။ ကျနော်တို့ ၄ လပိုင်း  ၂ ရက်နေ့မှာ လွတ်လာခဲ့တယ်။” မေး - သူတို့ ဘာပြောပြီးတော့ ဘာကြောင့် လွှတ်ပေးလိုက်တာလဲ။ ဖြေ - “အဲဒါကျတော့ ဒီလိုပါ။ သူတို့က ကျနော်တို့ ရေးတဲ့ပုံစံနဲ့ အကုန်လုံး တပ်ကပဲ သူတို့ စာရေးပြီးတော့ ယူလာပြီး လက်မှတ်ထိုးပါတဲ့။ ဒီနေ့ကတော့ ခင်ဗျားတို့ ထွက်ရမယ်၊ ဒါပေမယ့် လက်မှတ်ထိုးပြီးမှ လွှတ်ရမယ်ဆိုတော့ ဒါနဲ့ ကျနော်ပြောလိုက်တယ်။ လက်မှတ်ရေးထိုးဖို့ ဘယ်လို ဘယ်လို ရေးထားလဲဆိုတာ သိချင်တယ်။ ဖတ်ပြပါဆိုပြီးတော့ ပြောတော့ ဖတ်ပြတယ်။ ဖတ်ပြတဲ့အခါမှာ ဒီ ၈ ရက်နေ့ကို ခင်ဗျားတို့ အစည်းအဝေး ကျင်းပလုပ်တာက ဗျူဟာကို အသိမပေးဘဲ၊ ဗျူဟာရဲ့ခွင့်ပြုချက်မရဘဲ အစည်းအဝေးလုပ်တယ်။ အဲဒါကြောင့်မို့လို့ ခင်ဗျားတို့ အခုလို ရက်ပေါင်း ၂၅ ရက်တိတိကို ဒဏ်ခတ်တယ်။ နှစ်အချက် အနေနဲ့ကတော့ ခင်ဗျားတို့ နာဂ လက်နက်ကိုင် အဖွဲ့အစည်းဟာ တပ်မတော်ကို အသိမပေး၊ အကြောင်းမကြားဘဲ အခြေချတယ်။ သုံးအနေနဲ့က ကသည်းအာသံကို ခင်ဗျားတို့ နာဂ လက်နက်ကိုင်အဖွဲ့အစည်းက ခင်ဗျားတို့ အတူပူးပေါင်းပြီး ခင်ဗျားတို့အနေနဲ့ ဆက်သွယ်ကြတယ် ဆိုတဲ့ဟာတွေ၊ အချက်လေး အရေးကြီးတာက ကသည်းအာသံကြောင့်မို့လို့ ကျနော်တို့ အခုလို ပြဿနာတွေ ဖြစ်လာတယ်။ အဲဒါနဲ့ သူတို့စာထဲမှာ ရေးထားတာက ဒီနေ့မှာစပြီးမှ ကျနော်တို့ ကသည်းအာသံကို လုံးလုံးမှ မပတ်သက်တော့ဘူး ဆိုပြီးတော့ လက်မှတ်ထိုးခိုင်းတယ်။ အဲဒါနဲ့ ကျနော်တို့ ဒီလိုပဲ လက်မှတ်ထိုးလိုက်ရတယ်။” မေး - ဆိုတော့ နာဂလက်နက်ကိုင်အဖွဲ့အနေနဲ့ ကသည်းအာသံအဖွဲ့နဲ့ ပူးပေါင်းဆောင်ရွက်မှုတွေ ရှိနေတာလား။ ဖြေ - “ အရင်တုန်းက အဘ ဦးခမ်းလျန်ကတော့ ဘယ်လိုဆက်သွယ်ပြီး လုပ်လာခဲ့လဲတော့ မသိဘူး။ ဒါပေမယ့် အခုနောက်ပိုင်း ပြောရရင်တော့ သူတို့ ကသည်းအာသံ လာနေခြင်းအားဖြင့် ကျနော်တို့ နာဂတွေကို အကျိုးလည်းမပေးဘူး။ သူတို့ရဲ့ အထောက်အကူတွေ၊ အကူအညီတွေ တခါမှတော့ မယူဘူး။ သူတို့ကို နာဂနယ်မြေမှာ နှစ်ပေါင်း ၄၀ ရှိပြီး ကျနေ်ာတို့က သူတို့ကို ထားပေးရတယ်။ အဲလိုပေါ့။” မေး - NSCN-K ရဲ့ ခေါင်းဆောင်တွေကို ပုဒ်မ ၁၇ (၁) နဲ့ ဖမ်းဆီးထားတဲ့အပေါ်မှာ ဦးကျောင်းထောင်းအနေနဲ့ ဘာပြောချင်လဲ။ ဖြေ - “ကျနော်တို့ကတော့ ဘယ်လိုပဲဖြစ်ဖြစ် ပါတီ ၅ ယောက်အဖွဲ့ကိုတော့ လွှတ်ပေးစေချင်တယ်။ ဆိုတော့ ပြည်သူအနေနဲ့လည်း ဝိုင်းပြီး ကူညီပြီးတော့ ကျနော်တို့ ဒီ ၅ ယောက်အဖွဲ့က တကယ်လည်း အရေးကြီးတယ်။ ဒီ ၅ ယောက်အဖွဲ့ ထွက်လာမှ ကျနေ်ာတို့ NSCN-K အဖွဲ့က အကျေအလည် ပြန်လည်ဆွေးနွေးပြီး ကျနော်တို့ရဲ့ ငြိမ်းချမ်းရေး ဖွံ့ဖြိုးတိုးတက်ဖို့ကို လုပ်ချင်တယ်။” မေး - သူတို့ကို ပုဒ်မ ၁၇ (၁) နဲ့ စွဲထားတယ်ဆိုတော့ ဘယ်တော့ တရားရုံးထုတ်ဖို့ ရက်ချိန်းရှိလဲ။ ဖြေ - “သူတို့ကို ဧပြီလ ၉ ရက်နေ့က ချိန်းတယ်။ ပြီးတော့ လာမယ့် ၁၉ ရက်နေ့ ပြန်ချိန်းတယ်။”
2 years Ago

February 1, 2019

နာဂလက်နက်ကိုင်အဖွဲ့ NSCN-K ဌာနချုပ်ကို တပ်မတော်က ၀င်ရောက်သိမ်းပိုက်

တိုင်းရင်းသားလက်နက်ကိုင်အဖွဲ့တဖွဲ့ဖြစ်တဲ့ နာဂအမျိုးသားဆိုရှယ်လစ်ကောင်စီ (NSCN-K)ရဲ့  ဌာနချုပ်ကို တပ်မတော်က ဇန်နဝါရီ ၂၉ ရက် မနက် ၁၁ နာရီလောက်မှာ နယ်မြေရှင်းလင်းရေးအကြောင်းပြပြီး ဝင်ရောက် နေရာယူထားလိုက်ပါတယ်။ နာဂကိုယ်ပိုင်အုပ်ချုပ်ခွင့်ရဒေသ၊ နန်ယွန်းမြို့နယ်ရှိ တကားကျေးရွာအနီးရှိ နာဂအမျိုးသား ဆိုရှယ်လစ်ကောင်စီ (NSCN-K) ဌာနချုပ်ကို အနောက်မြောက်တိုင်း စစ်ဌာနချုပ်လက်အောက်ခံ ခန္တီးအခြေစိုက်ဗျုဟာက အင်အား ၄၀၀ လောက်နဲ့ ဝင်ရောက်ခဲ့တာလို့  ငြိမ်းချမ်းရေးဖော်ဆောင်ရေးကော်မတီဝင် ဦးကျော်ဝမ်းစိန်က ပြောပါတယ်။ “သူတို့က ၂ နာရီလောက် ကြိုပြီးတော့မှ ပြောတယ်။  ကျနော်တို့ဘက်က လက်နက်ကိုင်ထားတဲ့ ၁၀၀ ကျော်ကလည်း ဌာနချုပ်ကနေ ရှောင်ပေးလိုက်တာပါ။ ပစ်ခတ်တာ မရှိပါဘူး။ ဘာလို့လဲဆိုတော့ ကျနော်တို့က တိုင်းအဆင့် ပစ်ခတ်တိုက်ခိုက်မှုရပ်စဲရေး ယူထားတာကို မဖျက်ချင်ဘူး။ ပြည်သူတွေကတော့ အထိတ်တလန့်ဖြစ်တာတော့ ရှိတာပေါ့။ ဒါနဲ့ပတ်သက်ပြီး NRPC တို့၊ ကာချုပ်တို့ကိုလည်း အကြောင်းကြားသွားမယ်။” အိန္ဒိယနိုင်ငံဘက်က သောင်းကျန်းသူ လက်နက်ကိုင်အဖွဲ့တွေ နာဂဒေသကို ဝင်ရောက် ခြေကုပ်ယူနေတာကို နှစ်နိုင်ငံသဘောတူညီချက်အရ အစိုးရစစ်တပ်က နယ်မြေရှင်းလင်းရေး ဆောင်ရွက်နေတာလို့ သိရပါတယ်။ အိန္ဒိယ-မြန်မာနယ်စပ်မှာရှိတဲ့ NSCN-K စစ်စခန်းတွေ  မီးရှို့ခံရတာ အရင်က အကြိမ်ကြိမ်ရှိခဲ့ပြီး အခုလည်း အိမ် ၅ လုံးကို မီးရှို့ခံရတယ်လို့ သတင်းကြားရကြောင်း ဦးကျော်ဝမ်းစိန်က ပြောပါတယ်။ ဒါ့အပြင် လဟယ်မြို့နယ်ကနေ ဒုံဟီးမြို့နယ်အထိ တနေရာမှာ အင်အား ၃၀၊ ၄၀ နဲ့ တပ်က နေရာယူနေတာတွေ ရှိတယ်လို့လည်း ဆိုပါတယ်။ တကားကျေးရွာမှာ လွန်ခဲ့တဲ့ ၁ နှစ်လောက်ကစပြီး တပ်မတော်တပ်ရင်း တရင်း NSCN-K ဌာနချုပ်နဲ့ ၂ ဖာလုံလောက်အကွာမှာ လာရောက်အခြေချနေတာ ရှိခဲ့ဖူးပါတယ်။ ဒီကိစ္စနဲ့ပတ်သက်ပြီး တိုင်းဒေသကြီးအစိုးရရုံးကို သွားရောက်မေးမြန်းခဲ့ပေမယ့် တပ်ကလုပ်တာဖြစ်လို့ မသိဘူးလို့ ဆိုပါတယ်။ အနောက်မြောက်တိုင်းစစ်ဌာနချုပ် ပြောရေးဆိုခွင့်ရှိသူ ဗိုလ်မှူးကြီး သန်းနိုင်ကို ဆက်သွယ်မေးမြန်းခဲ့ပေမယ့်လည်း ဒီကိစ္စ တာဝန်ခံ ဖြေကြားပေးခဲ့ခြင်း မရှိပါဘူး။ နာဂအမျိုးသားဆိုရှယ်လစ်ကောင်စီ (NSCN-K)က စစ်ကိုင်းတိုင်းဒေသကြီးအစိုးရနဲ့ ၂၀၁၂ ဧပြီလကတည်းက တိုင်းအဆင့် အပစ်ရပ်စဲဖို့ သဘောတူထားတာဖြစ်ပြီး အပစ်ရပ်ပြီး ၆ နှစ်ကျော် ၇ နှစ်အတွင်းမှာ ဌာနချုပ်ကို အင်အားသုံး ဝင်ရောက် သိမ်းပိုက်ခံရတာ ပထမဆုံးအကြိမ်ဖြစ်ပါတယ်။ စစ်ကိုင်းတိုင်းဒေသကြီးဟာ  တပ်မတော်ရဲ့ စစ်ရေးလှုပ်ရှားမှု ရက်ပေါင်း ၁၂၀ ရပ်ဆိုင်းထားတဲ့ စစ်ဒေသတွေထဲမှာ တခုအပါအ၀င် ဖြစ်ပါတယ်။ သတင်းနှင့်ဓာတ်ပုံ - အောင်ကိုလတ်
2 years Ago
Up