နယ်သာလန်

February 8, 2021

နယ်သာလန်တွင် ကိုဗစ်ပိုးတွေ့ ၁ သန်းကျော်လာ၊ ကမ္ဘာတဝန်း ၂၁ နိုင်ငံ သန်းချီကူးစက်ခံထားရ

နယ်သာလန်နိုင်ငံမှာ ကိုဗစ်-၁၉ ရောဂါ ကူးစက်ခံရသူ အရေအတွက် ၁ သန်း ကျော် ရှိလာခဲ့ပြီးနောက် ကမ္ဘာတဝန်း သန်းချီကူးစက်ခံရတဲ့ နိုင်ငံပေါင်း ၂၁ နိုင်ငံထိ ရှိ လာခဲ့ပြီ ဖြစ်ပါတယ်။

တကမ္ဘာလုံးအတိုင်းအတာနဲ့ ကိုဗစ်-၁၉ ရောဂါကူးစက်ခံရသူ စုစုပေါင်း ၁၀၆ ဒသ မ ၇ သန်းကျော်ရှိနေပြီး ရောဂါကူးစက်ခံရပြီး သေဆုံးသူ ၂ ဒသမ ၃ သန်း ကျော်နဲ့ ရောဂါ ပြန်လည်ပျောက်ကင်းလာသူအရေအတွက် ၇၈ ဒသမ ၄ သန်းကျော် ရှိနေတာပါ။

ရောဂါဖြစ်ပွားမှု အမြင့်ဆုံးနိုင်ငံတွေထဲမှာတော့ အမေရိကန်နိုင်ငံက ကူးစက်ခံရသူ ၂၇ ဒသမ ၆ သန်းကျော်၊ သေဆုံးသူ ၄ သိန်း ၇ သောင်းကျော်၊ အိန္ဒိယနိုင်ငံက ကူးစက်ခံရ သူ ၁၀ ဒသမ ၈ သန်းကျော်၊ သေဆုံးသူ ၁ သိန်းခွဲကျော်၊ ဘရာဇီးနိုင်ငံက ကူးစက်ခံရသူ ၉ ဒသမ ၅ သန်းကျော်၊ သေဆုံးသူ ၂ သိန်း ၃ သောင်းကျော်စီနဲ့ ထိပ်ဆုံး ၃ နိုင်ငံအနေနဲ့ အသီးသီး ရပ်တည်နေပါတယ်။

အဲဒီ ၃ နိုင်ငံနောက်မှာတော့ ရုရှား၊ ယူကေနဲ့ ပြင်သစ်နိုင်ငံတွေက ကူးစက်ခံရသူ ၃ သန်းကျော်စီ၊ စပိန်၊ အီတလီ၊ တူရကီ၊ ဂျာမနီ၊ ကိုလံဘီယာနိုင်ငံတွေက ကူးစက်ခံရသူ ၂ သန်းကျော်စီ ရှိနေတာ ဖြစ်ပါတယ်။

အဲဒီနောက်မှာတော့ အာဂျင်တီးနား၊ မက္ကဆီကို၊ ပိုလန်၊ တောင်အာဖရိက၊ အီရန်၊ ယူကရိန်း၊ ပီရူး၊ အင်ဒိုနီးရှား၊ ချက်နိုင်ငံတွေနဲ့အတူ နယ်သာလန်နိုင်ငံမှာလည်း ကိုဗစ်-၁၉ ရောဂါကူးစက်ခံရသူ အရေအတွက် ၁ သန်းကျော်လာခဲ့ပြီ ဖြစ်တာမို့ ခုချိန်ထိ ကမ္ဘာ တဝန်း ကိုဗစ်-၁၉ ရောဂါ ကူးစက်ခံရသူဦးရေ ၁ သန်းကျော်လာခဲ့တဲ့ နိုင်ငံပေါင်း ၂၁ နိုင်ငံ ထိ ရှိလာခဲ့ပြီလို့ Worldometers ဝက်ဘ်ဆိုက်ဒ်မှာ ဖော်ပြထားပါတယ်။

ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အ ရေအတွက် ၈၉,၇၀၆ ယောက်၊ စုစုပေါင်း သေဆုံးသူ ၄,၆၃၆ ယောက်နဲ့ နိုင်ငံအလိုက် အမှတ်စဉ် ၈၃ နေရာထိ ကျဆင်းသွားခဲ့ပါတယ်။

       အာရှဒေသတွင်း နိုင်ငံတွေထဲမှာတော့ ကိုဗစ်-၁၉ ရောဂါကူးစက်ပြန့်ပွားမှု အမြင့် ဆုံး အိန္ဒိယ၊ တူရကီ၊ အီရန်၊ အင်ဒိုနီးရှားနိုင်ငံတွေပြီးရင် အစ္စရေးနဲ့ အီရတ်နိုင်ငံတွေက ရောဂါကူးစက်ခံရသူဦးရေ  ၆ သိန်းကျော်စီနဲ့ အသီးသီး ရှိနေပါတယ်။

အာဆီယံနိုင်ငံတွေထဲမှာတော့ အင်ဒိုနီးရှားနိုင်ငံပြီးရင် ဖိလစ်ပိုင်နိုင်ငံက ကိုဗစ်-၁၉ ရောဂါကူးစက်ခံရသူဦးရေ ၅ သိန်းကျော်နဲ့ သေဆုံးသူ ၁၁,၂၃၁ ယောက်နဲ့ ဒုတိယနေ ရာမှာ ရှိနေပါတယ်။

မြန်မာနိုင်ငံမှာတော့ ဖေဖော်ဝါရီ ၇ ရက်ည ၈ နာရီအထိ ကိုဗစ်-၁၉ အတည်ပြုလူ နာစုစုပေါင်း ၁၄၁,၃၀၄ ယောက်၊ သေဆုံး သူ ၃,၁၆၈ ယောက်နဲ့ ဆေးရုံက ဆင်းခွင့်ရသူ ပေါင်း ၁၂၇,၂၂၉ ယောက်ရှိပြီလို့ ကျန်းမာရေးဝန်ကြီးဌာနက ထုတ်ပြန်ထားပြီး အာဆီယံ နိုင်ငံတွေထဲမှာ ကိုဗစ်-၁၉ ရောဂါကူးစက်ခံရပြီး သေဆုံးမှုအများဆုံး ၃ နိုင်ငံထဲမှာ ပါဝင် နေပါတယ်။

မလေးရှားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၂၄၂,၄၅၂ ယောက်နဲ့ သေဆုံးသူ ၈၇၂ ယောက် ရှိပါတယ်။

စင်ကာပူနိုင်ငံကတော့ ရောဂါကူးစက်ခံရသူအရေအတွက် ၅၉,၇၂၁ ယောက်နဲ့ ခု ရက်ပိုင်း သေဆုံးသူအရေအတွက် ထပ်တိုးမလာဘဲ ၂၉ ယောက် ရှိနေတာ ဖြစ်ပါတယ်။

မြန်မာနဲ့ အိမ်နီးချင်းနိုင်ငံတနိုင်ငံဖြစ်တဲ့ ထိုင်းနိုင်ငံမှာတော့ ကိုဗစ်-၁၉ ရောဂါကူး စက်ခံရသူ အရေအတွက် ၂၃,၅၅၇ ယောက်နဲ့ သေဆုံးသူ ၇၉ ယောက် ရှိနေပါတယ်။

ဗီယက်နမ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၂,၀၀၁ ယောက်နဲ့ သေဆုံးသူအရေအတွက် ခုရက်ပိုင်းမှာ တိုးမလာဘဲ ၃၅ ယောက် ရှိနေပြီး ဘရူ နိုင်းနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၁၈၁ ယောက်နဲ့ သေ ဆုံးသူ ၃ ယောက် ရှိနေတာပါ။

ကမ္ဘောဒီးယားနဲ့ လာအိုနိုင်ငံတွေမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၄၇၄ ယောက်နဲ့  ၄၅ ယောက်စီ အသီးသီးရှိနေပေမယ့် သေဆုံးလူနာ ခုချိန်ထိ မရှိသေးပါဘူး။

2 months Ago

January 27, 2021

နယ်သာလန်တွင် လော့ဒေါင်းဆန့်ကျင် ဆန္ဒပြ

နယ်သာလန်နိုင်ငံမှာ ကိုရိုနာဗိုင်းရပ်စ် ကူးစက်မှု ထိန်းချုပ်ရေး အစိုးရက အသွားအလာ ကန့်သတ် လော့ဒေါင်းလုပ်ထားတာကို  ဆန့်ကျင်ပြီး ပြည်သူလူထုတွေက  ၄ ညဆက်တိုက် ဆန္ဒပြနေကြပါတယ်။

ဟီလ်ဗာဆမ်မြို့မှာ ဇန်နဝါရီ ၂၆ ရက်က ဆန္ဒပြသူတွေ လမ်းတွေပေါ်မှာ ပြေးလွှားနေတာ တွေ့ရပါတယ်။ နောက်ပိုင်းမှာတော့ ခါတိုင်းညတွေထက် ပိုငြိမ်သက်လာပုံရတဲ့ ရုပ်သံကို ရိုက်ကူးပြီး ရဲတွေက တွစ်တာ လူမှုကွန်ရက်ပေါ် တင်ခဲ့ကြပါတယ်။

နယ်သာလန်ဟာ ကပ်ရောဂါ ကူးစက်မှုကျဆင်းရေးအတွက် ဒုတိယကမ္ဘာစစ်နောက်ပိုင်းမှာ ပထမဆုံးအနေနဲ့ ညမထွက်ရအမိန့်ကို ဇန်နဝါရီ ၂၃ ရက်က စတင်ကျင့်သုံးခဲ့ပါတယ်။

ဥပဒေရေးရာ အာဏာပိုင်တွေကလည်း ဆယ်ကျော်သက်တွေ အိမ်ထဲမှာပဲနေအောင် ထိန်းဖို့ မိဘတွေကို အင်္ဂါနေ့ ညနေကစပြီး ဆော်သြခဲ့ပါတယ်။

တကယ်လို့ အိမ်ပြင်ထွက်ခဲ့ရင် ရာဇဝတ်သားအဖြစ် မှတ်တမ်းဝင်မယ့်အပြင် ကားတွေ၊ ဆိုင်တွေနဲ့ အများပြည်သူပိုင် နေရာတွေက အပျက်အစီးတွေအတွက် လျော်ကြေးပေးရမယ်လို့ ပြည်လုံးကျွတ် အကျုံးဝင်တဲ့ အသိပေးချက်ကို ထုတ်ပြန်ခဲ့ပါတယ်။

နယ်သာလန်မှာ  ဒီဇင်ဘာလလယ်ကစ ကျောင်းတွေနဲ့ မရှိမဖြစ် မဟုတ်တဲ့ ဆိုင်တွေကို ပိတ်ထားခဲ့ရပြီး လွန်ခဲ့တဲ့သုံးလကတည်းက ဘားတွေ၊ စားသောက်ဆိုင်တွေကို ပိတ်ထားရတာပါ။

နယ်သာလန်မှာ ဇန်နဝါရီ ၂၆ ရက်အထိ အတည်ပြုချက်အရ ကိုဗစ်-၁၉ ကပ်ရောဂါ ကူးစက်ခံ ၉၅၇,၀၀၀ နီးပါးရှိပြီး ကူးစက်ခံ သေဆုံးသူ ၁၃,၆၆၄ ယောက် ရှိပါတယ်။

3 months Ago
More News
Up