နယ်ခြားစောင့်တပ်

June 21, 2019

နယ်ခြားစောင့်တပ်နှင့်တပ်မတော်က မိဇိုင်းတောင်ပေါ်ကို လက်နက်ကြီးများဖြင့် ပစ်ခတ်

ကရင်ပြည်နယ် ဘားအံမြို့နယ်၊ မိဇိုင်းတောင်ခြေရွာ၊ မိဇိုင်းတောင်ပေါ်ကို ဇွန် ၂၁ ရက် မနက် ၈ နာရီလောက်က ဘီဂျီအက်ဖ်နဲ့ တပ်မတော်တို့က လက်နက်ကြီး လက်နက်ငယ်တွေနဲ့ ပစ်ခတ်ခဲ့တယ်လို့ မိဇိုင်းတောင်ခြေ ဂေါပက ဦးစောတင်မြင့်က ဒီဗွီဘီကို ပြောပါတယ်။ မိဇိုင်းဆံတော်ရှင်တည်ရှိရာ တောင်ပေါ်မှာ ဒီကေဘီအေခွဲထွက်အဖွဲ့ ခိုအောင်း ရောက်ရှိနေတယ်လို့ သတင်းတွေအရ နယ်ခြားစောင့်တပ်ဖွဲ့ (ဘီဂျီအက်ဖ်) အမှတ်၂၀၁၄ တပ်ရင်း ဗိုလ်မှူးမောင်ချစ် ဦးစီးတပ်ဖွဲ့နဲ့ ကမမောင်းဗျူဟာတို့ ပူးပေါင်းပြီး အခုလို ပစ်ခတ်ခဲ့တာလို့ ဆိုပါတယ်။ ဘားအံမြို့နယ်၊ မိဇိုင်းတောင်ခြေရွာ၊ ဂေါပက ဦးစောတင်မြင့်က “BGF ကနေ တဖက်သတ် ပစ်နေတယ်။ ဗိုလ်မှူးမောင်ချစ်တို့က စပစ်တာ။ ဒီမနက် ၈ နာရီကနေ စပစ်တာ။ သူက ဒီမိဇိုင်းတောင်ပေါ်ကို လှမ်းပစ်တာ။ လက်နက်ကြီးနဲ့လည်း ပစ်တယ်။ သေနတ်လေးတွေနဲ့လည်း ပစ်တယ်။ အခုထိလည်း တအောင့်ခြား တအောင့်ခြားပစ်နေတုန်းပဲ။ မိဇိုင်းရွာကနေ လှမ်းပစ်တာ။ တပ်မတော်လည်းပါတယ်” လို့ ပြောပါတယ်။ ဘားအံမြို့နယ်၊ မိဇိုိင်းဆံတော်ရှင်တောင်ပေါ်ကျောင်းတိုက်၊ ဆရာတော် စန္ဒာဝရက “ဒီက မူလဆရာတော်ချန်ထားတဲ့ ဒီကေဘီအေအဖွဲ့တွေကတော့ သူတို့ပြန်မပစ်ပါဘူး။ ပစ်စရာလည်း အကြောင်းမရှိဘူးလေ။ ငြိမ်းချမ်းရေးလိုလားတာပဲ။ အားလုံးက ငြိမ်းချမ်းရေးဆွေးနွေးလို့ရှိရင် ရပါတယ်။ မိဇိုင်းဆံတော်ရှင်ဖြစ်တဲ့ အတွက်ကြောင့်မို့လို့ မဖြစ်သင့်ဘူး” လို့ မိန့်ကြားပါတယ်။ ဖြစ်စဉ်နဲ့ပတ်သက်ပြီး တပ်မတော် သတင်းမှန်ပြန်ကြားရေးအဖွဲ့၊ အရှေ့တောင်တိုင်း စစ်ဌာနချုပ် ဗိုလ်မှူးကြီး မောင်မောင်လတ်ကို ဒီဗွီဘီက ဆက်သွယ်မေးမြန်းကြည့်ရာ ဖြစ်စဉ်ကို မသိသေးကြောင်းနဲ့ သူအနေနဲ့ သစ်ပင်စိုက်ပွဲတော်ကို ရောက်ရှိနေတာဖြစ်လို့ ဆက်သွယ်မေးမြန်းကြည့်မယ်လို့ ပြောပါတယ်။ နေ့လယ် ၂ နာရီခွဲလောက်အထိ လက်နက်ကြီး လက်နက်ငယ်တွေ ပစ်ခတ်နေစဲပဲလို့ ဒေသခံတွေက ဒီဗွီဘီကို ပြောပါတယ်။ ဒီကေဘီအေ ခွဲထွက်အဖွဲ့ ခိုအောင်းရောက်ရှိနေတယ်လို့ သတင်းတွေ ထွက်ပေါ်နေတဲ့ မီးဇိုင်းတောင်ပေါ်ကို အဓိက ထိုးစစ်ဆင်သွားမှာဖြစ်လို့ တောင်ခြေအနီးက မိဇိုင်း၊ ဖားပေါင်၊ တုတ်ကြီး ကျေးရွာသားတွေကို ဘေးလွတ်ရာတိမ်းရှောင်ပေးဖို့ ဇွန်လ ၇ ရက်နေ့ကတည်းက နယ်ခြားစောင့်တပ်က အသိပေးအကြောင်းကြားထားပါတယ်။ ပစ်ခတ်မှုတွေကြောင့် မိဇိုင်းတောင်ခြေ၊ ဖားပေါင်၊ တုတ်ကြီးကျေးရွာသားတွေ စိုးရိမ်ကြောက်လန့်ပြီး ထွက်ပြေးတိမ်းရှောင်ကုန်ပြီလို့ ဒေသခံတွေက ပြောပါတယ်။ ရဲမင်းခေါင်
2 years Ago

May 22, 2019

နယ်ခြားစောင့်တပ် ဦးထုပ် ၁ လုံးနှင့်အတူ ကျပ်သိန်း ၆၀၀၀ တန်ဖိုးရှိ မူးယစ်ဆေးများ ဖမ်းမိ

စစ်ကိုင်းတိုင်း၊ ဖောင်းပြင်မြို့နယ်မှာ မေလ ၂၁ ရက် ညနေပိုင်းက ကရင်ပြည်နယ်၊ နယ်ခြားစောင့်တပ်ရဲ့ ပြောက်ကျားဦးထုပ်တလုံးနဲ့အတူ ပီနံအိတ်ထဲ ထည့်ထားတဲ့ ကျပ်သိန်းပေါင်း ၆၀၀၀ နီးပါး တန်ဖိုးရှိ ဘိန်းဖြူလို့ ယူဆရတဲ့ မူးယစ်ဆေးဝါးတွေ ဖမ်းဆီးရမိခဲ့ပါတယ်။ ပင်လည်ဘူးမြို့မှာ မူးယစ်ဆေးဝါး သယ်ဆောင်မယ်ဆိုတဲ့ ကြိုတင်သတင်းအရ မိုးသောက်ကြယ် မူးယစ်တားအဖွဲ့နဲ့ ရဲတပ်ဖွဲ့တို့ စောင့်ဆိုင်းနေစဉ် HARRIER အမျိုးအစား ယာဉ်တစီးဟာ ရပ်တန့်မပေးဘဲ ဖောင်းပြင်-ပင်လည်ဘူး ကားလမ်းအတိုင်း ဖောင်းပြင်ဘက်ကို မောင်းထွက်ပြေးခဲ့တာပါ။ ဒါကြောင့် ဖောင်းပြင်ရဲစခန်းနဲ့ ချိတ်ဆက်စောင့်ဆိုင်းနေစဉ် ရဲဝတ်စုံမြင်ပြီး ကားက နောက်ကြောင်းပြန်လှည့် ထွက်ပြေးတဲ့အတွက် ပင်လည်ဘူးအဖွဲ့၊ ဖောင်းပြင်အဖွဲ့ ပေါင်းပြီး လိုက်လံစစ်ဆေးရှာဖွေရာ ဗျူဟာလမ်းနဲ့ တမိုင်လောက်အကွာ တောလမ်းမှာ ကားကို တွေ့ရှိခဲ့တာပါ။ မိုးသောက်ကြယ် မူးယစ်တားအဖွဲ့ခေါင်းဆောင် ဦးခင်ဇော်ဝင်းက “ကားကိုတွေ့တော့ ခဏစောင့်ကြည့်သေးတယ်။ မထူးတော့ ကားနားသွားရှာတာ။ ကားထဲမှာ ဘာမှမရှိတော့ဘူး။ ကားဒက်ရ်ှဘုတ်ပေါ်မှာ ကရင်ပြည်နယ် နယ်ခြားစောင့်တပ် ဦးထုပ်တွေ့တယ်။ ဘေးပတ်ဝန်းကျင်ကို လှည့်ရှာတော့ ပီနံအိတ်ထုပ် ၅ ထုပ်ကို တနေရာစီတွေ့တယ်။ ဖွင့်စစ်တော့ ဘိန်းဖြူတွေ တွေ့တာပါ။ ကားပေါ်တော့ လူဘယ်နှစ်ယောက်ပါတယ် ဘာညာတော့ မဖမ်းမိတဲ့အတွက် မသိရဘူးပေါ့” လို့ ပြောပါတယ်။ ပီနံအိတ် ၅ အိတ်အထဲက ရောင်စုံဆပ်ပြာခွက် ၆၆၀ ခွက်အတွင်း အလေးချိန် ၅၉၄၀ ဂရမ်၊ ကာလတန်ဖိုး ၅၄၉၀ သိန်းရှိတဲ့ မူးယစ်ဆေးဝါးတွေ ဖမ်းမိခဲ့တာ ဖြစ်ပါတယ်။ “ကသာခရိုင်မှာ ပင်လည်ဘူးက မူးယစ်ဆေး အဓိက သိုလှောင်ဖြန့်ဖြူးတဲ့ နေရာလို ဖြစ်လာတယ်။ ရှမ်းပြည်ဘက်ကလာတာ၊ ကချင်ပြည်နယ်ဘက်က လာတာတွေက ပင်လည်ဘူးမှာ စုရပ်လိုဖြစ်နေတယ်။ ပြီးခဲ့တဲ့ လွတ်ငြိမ်းမှာဆို အရင်ဖမ်းမိတဲ့ ၅၀ ရာခိုင်နှုန်းလောက်က ပြန်လွတ်လာတယ်။ အဲဒါတွေက အကုန်ပြန်လုပ်နေကြတာပဲ” လို့ ဦးခင်ဇော်ဝင်းက ပြောပါတယ်။ ၂၀၁၈ ခုနှစ်အတွင်းမှာ မိုးသောက်ကြယ် ပါဝင်ဖမ်းဆီးခဲ့တဲ့ မူးယစ်ဆေးဝါးအမှု ၁၀၀ ကျော်ရှိခဲ့ပြီး သမ္မတရဲ့ လွတ်ငြိမ်းသက်သာခွင့် ၂ ကြိမ်မှာ ထက်ဝက်လောက် ပြန်လွတ်လာတယ်လို့ ဆိုပါတယ်။ ဒါ့အပြင် အခုဖမ်းဆီးရမိတဲ့ မူးယစ်ဆေးဝါးနဲ့အတူ နယ်ခြားစောင့်တပ်ဦးထုပ် တွေ့တဲ့အပေါ်မှာလည်း နယ်ခြားစောင့်တပ်က ပါဝင်ပတ်သက်မှု ရှိမရှိဆိုတာ အတိအကျ မပြောနိုင်သေးပါဘူး။ အခုဖမ်းဆီးရမိတဲ့ ဖြစ်စဉ်နဲ့ပတ်သက်လို့ ဖောင်းပြင်မြို့မစခန်း ရဲတပ်ဖွဲ့ကတော့ မူး/စိတ်ပုဒ်မ ၁၉(က) နဲ့ အမှုဖွင့်ထားပြီး တရားခံ ဖော်ထုတ်ဖမ်းဆီးရမိရေး လုပ်ဆောင်နေပါတယ်။ အခုဖမ်းဆီးရမိတာက ပင်လည်ဘူး၊ ဖောင်းပြင်မြို့နယ်မှာ ၂၀၁၉ ခုနှစ်အတွင်း ပမာဏ အများဆုံး ဖြစ်ပါတယ်။
2 years Ago
More News
Up