နယ်ခြားစည်းရိုး

August 17, 2015

နယ်ခြားစည်းရိုးတည်ဆောက်မှု ပထမအဆင့်ပြီးစီးဟု ဟန်ဂေရီ ပြော

အရှေ့အလယ်ပိုင်းက ရွှေ့ပြောင်းဒုက္ခသည်တွေ အီးယူနိုင်ငံတွေကို ၀င်ရောက်မှု တားဆီးဖို့ နယ်ခြားစည်းရိုး တည်ဆောက်ရေးလုပ်ငန်း ပထမအဆင့် ပြီးစီးပြီလို့ ဟန်ဂေရီအစိုးရက ပြောပါတယ်။ ၁၇၅ ကီလို ရှည်လျားတဲ့ ဆားဘီးယားနဲ့ နယ်နိမိတ်မှာ ပထမအဆင့် ကီလို ၇၀ ကို သံဆူးကြိုး ၂ ထပ် ကာရံနေတာပါ။ ဒီ  ဆားဘီးယားနိုင်ငံကနေ ဟန်ဂေရီကိုဖြတ်ပြီး ဥရောပကို ၀င်ရောက်သူ ရွှေ့ပြောင်းဒုက္ခသည် တနေ့ကို ၁၅၀၀ လောက် ကြိုးစားနေကြပြီး အများစုဟာ အာဖဂန်နဲ့ ဆီးရီးယားဒုက္ခသည်တွေ ဖြစ်ကြပါတယ်။ ၀င်ရောက်လာသူတွေကို ဟန်ဂေရီအာဏာပိုင်တွေက စာရင်းကောက်ယူ ၀င်ခွင့်ပေးခဲ့ပြီး အများစုကတော့ ဥရောပအနောက်ပိုင်းနိုင်ငံတွေကို တခါတည်း ခရီးဆက်ကြတာပါ။ နယ်စပ် သံဆူးကြိုးကာရံရေး စီမံကိန်းအစ အခက်အခဲ အနည်းငယ်ရှိခဲ့တာကလွဲလို့ အစီအစဉ်အတိုင်း အကောင်အထည်ဖော်ဖြစ်နေတယ်လို့ ဟန်ဂေရီအစိုးရရဲ့ ပြောခွင့်ရက ပြောဆိုပါတယ်။ ရွှေ့ပြောင်းဒုက္ခသည်တွေ ဟန်ဂေရီနိုင်ငံကို ၀င်ရောက်နေရတဲ့ အဓိက အကြောင်းရင်းကတော့ ဟန်ဂေရီနိုင်ငံထဲ ရောက်ရှိတာနဲ့ အီးယူထဲ ရောက်ရှိသွားပြီး တခြား အီးယူနိုင်ငံတွေကို အစစ်အဆေးမရှိ သွားရောက်နိုင်လို့ ဖြစ်ပါတယ်။ ဒီနယ်နိမိတ်စည်းရိုး စီမံကိန်းဟာ အီးယူနဲ့ ဟန်ဂေရီ အမျိုးသားလက္ခဏာကိုပါ ကာကွယ်ထိန်းသိမ်းဖို့ ဖြစ်တယ်လို့ ဟန်ဂေရီဝန်ကြီးချုပ်က ပြောဆိုပါတယ်။
6 years Ago
Up