နယ်သာလန်မိဖုရား

June 9, 2018

နယ်သာလန်မိဖုရား၏ အစ်မ ဆွဲကြိုးချသေဆုံး

နယ်သာလန်မိဖုရား ကွင်းစ်မက်ဇီမာရဲ့ အစ်မဖြစ်သူကို အာဂျင်တီးနား မြို့တော်ဗျူနိုအေရိစ်မှာရှိတဲ့ သူမရဲ့တိုက်ခန်းမှာ ဆွဲကြိုးချ သေဆုံးနေတယ်လို့ The Sun သတင်းမှာ ဖော်ပြပါတယ်။ ကိုယ့်ကိုယ်ကိုယ် အဆုံးစီရင်ခဲ့သူ အသက် ၃၃ နှစ်အရွယ် အင်းနက်ဇော်ရီဂွီတာဟာ အာဂျင်တီးနားနိုင်ငံ လူမှုဖွံ့ဖြိုးရေးဌာမှာ အလုပ်လုပ်နေတဲ့အရာရှိတဦးပါ။ သူဟာ စိတ်ကျရောဂါနဲ့ အခြားသောစိတ်ပိုင်းဆိုင်ရာ ကျန်းမာရေးပြဿနာတွေကြောင့် ဒီလိုအဆုံးစီရင်ခဲ့တာလို့ ယူဆရပြီး သူမရဲ့ဆွေမျိုးအသိုင်းအဝိုင်းကလည်း အခင်းဖြစ်ရာနေရာ ကို ရောက်ရှိနေပါပြီ။ နယ်သာလန် မိဖုရားကွင်းစ်မက်ဇီမာကလည်း သူမရဲ့မွေးရပ်မြေကို မကြာမီရောက်ရှိလာတော့မယ်လို့ ယူဆရပါတယ်။ ကိုယ့်ကိုယ်ကိုယ် အဆုံးစီရင်ခဲ့တဲ့ အင်းနက်ဟာ ကွင်းစ်မက်ဇီမာရဲ့အငယ်ဆုံးသမီးဖြစ်သူ အသက် ၁၁ နှစ်အရွယ် မင်းသမီးလေး အရီယာနီရဲ့ ခေါင်းကိုင်မိခင်ဖြစ်ပါတယ်။ အခုချိန်မှာတော့ အခင်ဖြစ်ရာနေရာကို ဗျူနိုအေးရိစ်ရဲတပ်ဖွဲ့က ထိန်းချုပ်ထားပြီလို့ ဒေသတွင်းသတင်းတွေမှာ ဖော်ပြပါတယ်။ အစ်မဖြစ်သူရဲ့ နာရေးသတင်းကြောင့် ကွင်းစ်မက်ဇီမာဟာ ကြိုတင်စီစဉ်ထားတဲ့ အခမ်းအနားတွေကို တက်ရောက်နိုင်တော့မှာ မဟုတ်ဘူးလို့လည်း Hello! မဂ္ဂဇင်းက ဆိုပါတယ်။ ဒီနာရေးသတင်းမတိုင်မီ နယ်သာလန်မိဖုရားဟာ ဟော်လန်တေးဂီတပွဲတော်ကို တက်ရောက်ဖို့အပြင် ခင်ပွန်းဖြစ်သူ နယ်သာလန်ဘုရင် ကင်းဝီလီယမ် အလက်ဇန္ဒြားရဲ့ နိုင်ငံခြားခရီးစဉ်တွေကိုပါ လိုက်ပါဖို့ စီစဉ်ထားတာဖြစ်ပါတယ်။ ၂၀၁၈ ခုနှစ်ဟာ နယ်သာလန်မိဖုရားအတွက် ကံမကောင်းတဲ့ နှစ်တနှစ်ဖြစ်ပြီး မိဖုရားဟာ ပြီးခဲ့တဲ့နွေရာသီတုန်းကလည်း ဖခင်ဖြစ်သူကို ဆုံးရှုံးခဲ့ရပါသေးတယ်။
3 years Ago
Up