နယူးယောက်မြို့

A d v e r t i s e m e n t With Us

August 12, 2020

နယူးယောက်မြို့က လူ ၁ သိန်းကျော်အတွက် အလုပ်ခန့်ထားရန် ကုမ္ပဏီကြီးများ စုပေါင်းကြိုးပမ်း 

အမေရိကန်နိုင်ငံက ဘဏ်တွေနဲ့ နည်းပညာလုပ်ငန်းကြီးတွေအပါအဝင် အကြီးစား ကုမ္ပဏီတွေရဲ့ အကြီးအကဲတွေဟာ နယူးယောက်မြို့က လူနည်းစု လူ့အဖွဲ့အစည်းဝင်တွေကို ပိုတိုးပြီးအလုပ်ခန့်ဖို့ အဖွဲ့တဖွဲ့ ဖွဲ့စည်းလိုက်တယ်လို့ နယူးယောက် မြို့တော်ဝန် ဘီလ်ဒေဘလာစီယိုက ပြောပါတယ်။ လုပ်ငန်းကြီး ၂၇ ခုက အမှုဆောင်အရာရှိချုပ်တွေ စုပေါင်းထားတဲ့ The New York Jobs CEO ကောင်စီဟာ ဝင်ငွေနည်းတဲ့ လူမည်းတွေ၊ လက်တင်အမေရိကတိုက်သားတွေနဲ့ အာရှ လူ့အဖွဲ့အစည်းတွေက လူအယောက် ၁ သိန်းကို အလုပ်ခန့်ဖို့ ရည်မှန်းထားပါတယ်။ ဒါဟာ အင်မတန် ဝမ်းသာအံ့သြစရာ ကတိပါပဲလို့ မြို့တော်ဝန်က ပြောပါတယ်။ “လူတိုင်း ပါဝင်နိုင်တဲ့ စီးပွားရေးကို လိုချင်တယ်။ နယူးယောက်မြို့ကြီးမှာ အရာအားလုံး ရှိတယ်။ ကျနော်တို့ဟာ ပိုအားကောင်းကောင်း ခိုင်ခိုင်မာမာ ပြန်ရပ်တည်နိုင်စွမ်းရှိတယ်” လို့လည်း မြို့တော်ဝန်က ပြောပါတယ်။ ဒီအုပ်စုကို JPMorgan Chase & Co၊ IBMနဲ့ Goldman Sachs လုပ်ငန်းတွေက အမှုဆောင်အရာရှိတွေက ပူးတွဲဥက္ကဋ္ဌအနေနဲ့ တာဝန်ယူကြမှာပါ။ အုပ်စုတွင်း တခြားကုမ္ပဏီတွေထဲမှာ အမေဇုံ၊ ဂူဂဲလ်၊ မိုက်ခရိုဆော့ဖ်နဲ့ ဂိုးလ်မဲန်းဆခ်စ် လုပ်ငန်းတွေလည်း ပါတယ်လို့ ကြေညာချက် ထုတ်ပြန်ထားပါတယ်။ အမေရိကန်နိုင်ငံအတွင်း ကိုဗစ်-၁၉ ကူးစက်ကပ်ဘေးမှာ သေဆုံးသူတွေထဲမှာ လူနည်းစု လူ့အဖွဲ့အစည်းဝင် အချိုးအစား များနေပြီး ဝင်ငွေနိမ့် လူ့အဖွဲ့အစည်းက စီးပွားရေးအရ ပိုထိခိုက်နေလို့ ဆန္ဒပြပွဲတွေလည်း ပေါ်ပေါက်ခဲ့ပါတယ်။
7 months Ago

May 6, 2020

နယူးယောက်မြို့တွင်း ရင်ခွဲရုံများနှင့် ဈာပနဂေဟာများတွင် အလောင်းသိမ်းစရာနေရာမရှိဖြစ်နေ 

အမေရိကန်ပြည်ထောင်စု၊ နယူးယောက်မြို့မှာ COVID-19 ရောဂါကူးစက်ခံရပြီး သေဆုံးတဲ့ လူနာတွေရဲ့ အလောင်းတွေကို သိမ်းဖို့ ရေခဲခန်းပါတဲ့ ကုန်ကားတွေကို သုံးနေရတယ်လို့ ကျန်းမာရေး စစ်ဆေးရေးမှူးက အတည်ပြု ပြောဆိုပါတယ်။ လူထောင်သောင်းချီ သေဆုံးစေခဲ့တဲ့ ကူးစက်ရောဂါ ကပ်ဘေးကြောင့် မြို့တွင်း ရင်ခွဲရုံတွေနဲ့ ဈာပနဂေဟာတွေမှာ အလောင်းသိမ်းစရာ နေရာမရှိတော့တာမို့ မြို့အစိုးရဟာ မကြုံစဖူး ဆောင်ရွက်ချက်တွေကို လုပ်နေရပါတယ်။ ဘရွတ်ကလင်းရပ်ကွက်က ကောင်းကင်ဓာတ်ပုံမှာတော့ ကူးစက်ခံ လူနာအလောင်းတွေကို ကာလကြာရှည် သိမ်းထားနိုင်ဖို့ ကုန်ကားဖြူတွေ ရပ်ထားတာ မြင်ရပါတယ်။ ဈာပန ဒါရိုက်တာ ဝင်ရန်အတွက်သာလို့ ရေးထားတဲ့ ဆိုင်းဘုတ်နဲ့အတူ ယာယီတဲနဲ့ အအေးခန်းကားတွေကို တွေ့ရတာပါ။ ဒါဟာ နယူးယောက်မြို့အတွင်း အလောင်းထားဖို့ ယာယီနေရာ လေးရပ်ထဲက တနေရာလို့ အစိုးရရုံးက ရိုက်တာသတင်းဌာနကို ပြောပါတယ်။ မေ ၄ ရက်မှာ ကုန်ကား ၃၀ ရာခိုင်နှုန်းအတွင်း အလောင်းတွေ ပြည့်နေပြီလို့ NBC သတင်းဌာနက ကြေညာပါတယ်။ မေ ၆ ရက် မွန်းတည့်ချိန်ထိ အတည်ပြုချက်အရ အမေရိကန်နိုင်ငံထဲမှာ ကိုရိုနာဗိုင်းရပ်စ် ကူးစက်ခံ ၁ ဒသမ ၂ သန်းကျော်ခဲ့ပြီး ကူးစက်ခံ ၇၂,၀၀၀ ကျော် သေဆုံးခဲ့ပါတယ်။
10 months Ago
Up