နယူးကာဆယ်နည်းပြ

October 18, 2021

နည်းပြရာထူးကိစ္စ အသင်းပိုင်ရှင် ဆုံးဖြတ်လိမ့်မည်ဟု နယူးကာဆယ်နည်းပြပြော

နည်းပြရာထူးနဲ့ ပတ်သက်လို့ ကိုယ်တိုင်ဆုံးဖြတ်လို့မရဘဲ အသင်းပိုင်ရှင်တွေကသာ ဆုံးဖြတ်ပေး လိမ့်မယ်လို့ နယူးကာဆယ်နည်းပြ စတိဘရုက ပြောပါတယ်။ 

နယူးကာဆယ်အသင်းကို ဆော်ဒီအိမ်ရှေ့မင်းသားနဲ့ အဖွဲ့ကဝယ်ယူပြီးနောက် ပထမဆုံးကစားခဲ့တဲ့ ပွဲစဉ်မှာ စပါးအသင်းကို ၃ ဂိုး ၁ ဂိုးနဲ့ အရေးနိမ့်ခဲ့ရပါတယ်။ 

ပွဲစဉ် ၈ အပြီးမှာ ၃ ပွဲသရေ ၅ ပွဲရှုံးနိမ့်ခဲ့တာကြောင့် နည်းပြစတိဘရုရဲ့ ရာထူး ဟာလည်း မတည်မငြိမ်ဖြစ်လာခဲ့ပါတယ်။ 

ပရီးမီးယားလိဂ်မှာ ၇ ပွဲ၊ ၈ ပွဲ ကစားပြီးတဲ့အထိ နိုင်ပွဲမရဖြစ်နေမယ်ဆိုရင် နည်းပြတိုင်းမှာ ဖိအားရှိမှာဖြစ်ပြီး ရလဒ်ကောင်းရဖို့ပဲ အာရုံစိုက်သွားမယ်လို့ နည်းပြစတိဘရုက ပြောပါတယ်။ 

အနာဂတ်နဲ့ ပတ်သက်ပြီး အသင်းက တခြားသူတွေကသာ ဆုံးဖြတ်နိုင်ကြောင်း၊ အသင်းပိုင်ရှင်သစ်တွေဘက်ကတော့ လေးစားမှုအပြည့်အဝရှိကြောင်း ဆိုပါတယ်။ 

ရောမမြို့ကို တစ်နေ့တည်းနဲ့ မတည်ဆောက်နိုင်သလို နယူးကာဆယ်အသင်းဟာလည်း အချိန်တိုအတွင်းမှာ တောင့်တင်းတဲ့အသင်း မဖြစ်နိုင်သေးဘူးလို့ နည်းပြစတိဘရုက သုံးသပ်ခဲ့ပါတယ်။ 

3 months Ago

May 18, 2020

ကစားသမားများ ကြံ့ခိုင်ရေးအပြည့်အဝရှိရန် အချိန်လိုအပ်နေသေးဟု နယူးကာဆယ်နည်းပြပြော

ပရီးမီးယားလိဂ်ပြိုင်ပွဲ ပြန်လည်စတင်ချိန်မှာ ကစားသမားတွေအနေနဲ့ ကိုရိုနာဗိုင်းရပ်စ်နဲ့ ပတ်သက်တဲ့ စိုးရိမ်မှုတွေကြောင့် ကစားပေးဖို့ ငြင်းဆန်ခဲ့မယ်ဆိုရင် ကစားသမားတွေရဲ့ ဆုံးဖြတ်ချက်ကို လေးစားမှု ထားရှိသွားမယ်လို့ နယူးကာဆယ်နည်းပြ စတိဗ်ဘရုစ်က ပြောပါတယ်။  အဆင်သင့်မဖြစ်သေးခင် ကစားဖို့တောင်းဆိုမှု ရှိလာမယ်ဆိုရင် ဒီဆုံးဖြတ်ချက်အပေါ် တုံ့ပြန်သွားမယ်လို့ ဝီလီယမ်၊ အဂွေရို၊ ဒီနေးနဲ့ ဒန်နီရို့စ်တို့လို ကစားသမားတွေက ပြောဆိုထား ပါတယ်။  ဒီလိုအခြေအနေမှာ ဘရုစ်က ဝတ်ဖို့ဒ်အသင်းနည်းပြ နီဂယ်ပီယာဆန်နည်းတူ ကစားသမားတွေအနေနဲ့ အကန့်အသတ်နဲ့ လေ့ကျင့်ရေးပြုလုပ်ရမယ့်အခြေအနေအပေါ် တုံ့ပြန်လာနိုင်မှုကို ထုတ်ဖော်ပြောဆိုလာတာပါ။ “အလုပ်တွေပြန်လုပ်ဖို့ အဆင့်တစ်ကို စတင်ဖို့လုပ်ချိန်မှာ ကျနော်တို့အပေါ်ချမှတ်ထားတဲ့ သတ်မှတ်ချက်တွေနဲ့ ကြိုတင်ကာကွယ်မှု နည်းလမ်းတွေကို ပြန်ကြည့်သွားမှာပါ။ အဆင့်တစ်က ကစားသမား လေး၊ ငါးယောက်လောက်ကို ကွင်းထဲထည့်ပြီး ကြံ့ခိုင်ရေးကို အဓိကထား စောင့်ကြည့်မယ့်အခြေအနေဖြစ်ပါတယ်”  လို့ နယူးကာဆယ်နည်းပြကပြောပါတယ်။  ကစားသမားအားလုံး ကြံ့ခိုင်ရေးအပြည့်အဝရှိနေစေဖို့ အချိန်လိုအပ်နေသေးပြီး ကိုဗစ် - ၁၉ ရောဂါနဲ့  ပတ်သက်လို့ ဘယ်လိုအခြေအနေမျိုးပဲရှိသည်ဖြစ်စေ ဘောလုံးကစားပွဲတွေကို အစောဆုံးအနေနဲ့ ဇွန်လ နောက်ပိုင်းမှသာ ပြန်လည်စတင်သင့်တယ်လို့လည်း သူက ထပ်ပြောပါတယ်။ ကစားသမားတွေကို လုံလောက်တဲ့ ကြံ့ခိုင်မှုရဖို့ အချိန်မပေးပါက အလွယ်တကူ ပြိုလဲသွားနိုင်ကြောင်း၊ တခြားမန်နေဂျာတွေလည်း အခုလို စိုးရိမ်နေကြပြီး ဇွန်လကုန်ပိုင်းထက်စောပြီး ဘောလုံးပွဲတွေ စတင်ဖို့ မဖြစ်နိုင်လောက်ဘူးလို့ စတိဗ်ဘရုစ်က ထပ်မံပြောဆိုပါတယ်။ “ကစားသမားတွေ ကွင်းထဲကိုဝင်ဖို့၊ ကစားဖို့ငြင်းဆန်မယ်ဆိုရင် သူတို့ကို ကိုယ်ချင်းစာပြီး တော့ ဒါကိုနားလည်မှုပေးသွားမှာဖြစ်ပါတယ်။ ကျနော့်ကစားသမားအများစုကလည်း ဒီအနေအ ထားကို  သဘောကျကြပါတယ်။ ခင်ဗျားအနေနဲ့ လူပုဂ္ဂိုလ်တစ်ယောက်ချင်းစီရဲ့ ထင်မြင်ယူဆ ချက်ကို လေးစားပေးရပါမယ်။”   
2 years Ago
Up