နယူးကာဆယ်

January 19, 2021

အူဘာမီယန်းကို လူစားလဲခဲ့ရသည့်အကြောင်း နည်းပြအာတီတာ ရှင်းလင်း

၂ ဂိုးသွင်းခဲ့တဲ့ တိုက်စစ်မှူး အူဘာမီယန်းကို လူစားလဲခဲ့တာက သန့်စင်ခန်းသွားချင်တာကြောင့် ဖြစ်တယ်လို့ နည်းပြအာတီတာက ပြောပါတယ်။  အသင်းခေါင်းဆောင် အူဘာမီယန်းဟာ မနေ့ညက ကစားခဲ့တဲ့ နယူးကာဆယ်နဲ့ပွဲမှစဉ်မှာ အနိုင်ဂိုး ၂ ဂိုး သွင်းယူပြီး ခြေစွမ်းပြခဲ့ပါတယ်။ ဒုတိယဂိုး သွင်းယူပြီး မိနစ်ပိုင်းအတွင်းမှာပဲ နည်းပြအာတီတာ အူဘာမီယန်းကို လူစားလဲခဲ့တာပါ။  ပွဲအပြီးမှာတော့ အူဘာမီယန်းအနေနဲ့ အစာအိမ်ကိစ္စရှိလာပြီး သန့်စင်ခန်းသွားချင်တာကြောင့် လူစားလဲခဲ့တာလို့ နည်းပြ အာတီတာက ပြောပါတယ်။  အူဘာမီယန်းဟာ ပထမဂိုး သွင်းယူအပြီးမှာ ကျွမ်းထိုးအောင်ပွဲခံခဲ့ပြီး ဒုတိယဂိုးသွင်းအပြီးမှာတော့ အသာအယာပဲ အောင်ပွဲခံခဲ့တာပါ။  အူဘာမီယန်းဟာ ဒုတိယဂိုးသွင်းအပြီးမှာ သန့်စင်ခန်းသွားချင်တာကြောင့် အပြောင်းအလဲလုပ်ခဲ့ရပြီး အစာအိမ်ကိစ္စကြောင့်ဖြစ်တယ်လို့ ရယ်ရယ်မောမောနဲ့ ပြောပြသွားခဲ့တာ ဖြစ်ပါတယ်။
3 months Ago

December 31, 2020

နယူးကာဆယ်နှင့်သရေကျသည့်ပွဲတွင် အသင်း၏စွမ်းဆောင်ရည်ကောင်းမွန်ဟု  လီဗာပူးနည်းပြ ပြော

မနေ့ညက ကန်သွားတဲ့ ပရီးမီးယားလိဂ်ပွဲစဉ်မှာ နယူးကာဆယ်အသင်းနဲ့ ဂိုးမရှိ သရေကျခဲ့ပေမဲ့ လီဗာပူးအသင်းရဲ့ စွမ်းဆောင်ရည်ဟာ တကယ်ကို ကောင်းမွန်ခဲ့တယ်လို့ နည်းပြ ကလော့ပ်က ချီးကျူးခဲ့ပါတယ်။ ဒီပွဲမှာ ကလော့ပ်ရဲ့ လီဗာပူးအသင်းဟာ ဂိုးသွင်းခွင့်အများအပြားကို ဖန်တီးနိုင်ခဲ့ပေမဲ့ အဓိက တိုက်စစ်မှူးဖြစ်တွေဖြစ်တဲ့ ဆာလတ်နဲ့မာနေးတို့ဟာ အခွင့်အရေးတွေကို ဂိုးအဖြစ်ပြောင်းလဲဖို့ ပျက်ကွက်ခဲ့ပါတယ်။  ဒီပွဲမှာ နယူးကာဆယ်ဂိုးသမား ဒါလိုးဟာ ပွဲရဲ့ အကောင်းဆုံးကစားသမားအဖြစ် ရွေးချယ်ခံရတဲ့အထိ လီဗာပူးလ်အသင်းရဲ့ ကန်သွင်းမှုတွေကို ကာကွယ်နိုင်ခဲ့တာဖြစ်ပါတယ်။  ကလော့ပ်က အသင်းရဲ့ စွမ်းဆောင်ရည်ကို ကျေနပ်မိတယ်ပြောပေမဲ့ လီဗာပူးပရိတ်သတ် အတွက်တော့ ဒီရလဒ်ဟာ စိတ်ပျက်စရာဖြစ်ပါတယ်။  ဂိုး မရှိ သရေရလဒ်ကြောင့် တစ်ပွဲလျော့ကန်ထားရတဲ့ ယူနိုက်တက်အသင်းဟာ လာမယ့် သောကြာနေ့ ဗီလာကို အနိုင်ရခဲ့မယ်ဆိုရင် လီဗာပူးနဲ့ အမှတ် တူအနေအထားကို ရောက်ရှိ လာတော့မှာလည်း ဖြစ်ပါတယ်။  လိဂ်ပွဲစဉ် ၂၂ ပွဲအတွင်း ပထမဆုံးအဖြစ် ဂိုး မသွင်းနိုင်ခဲ့ပေမဲ့ ကလော့ပ်ကတော့ သူ့ အသင်းသားတွေကို ချီးကျူးခဲ့ပါတယ်။  “ပရီးမီးယားလိဂ်မှာ ညံ့တဲ့အသင်းဆိုပြီး မရှိပါဘူး။ ကျနော်တို့ အခွင့်ရေးကောင်း တချို့ ရှိခဲ့ ပါတယ်။ ပြိုင်ဘက်ဟာ အရမ်းကို ကောင်းမွန်ခဲ့ပြီး အမြဲတမ်းလည်း ဒီလိုပါပဲ” လို့ ကလော့ပ်က ဆိုပါတယ်။  “အသင်းရဲ့ စွမ်းဆောင်ရည်ကို တကယ်သဘောကျပါတယ်။ အရင်တုန်းက အခွင့်အရေး အနည်းငယ်နဲ့တောင် နယူးကာဆယ်အသင်းကို အနိုင်ယူခဲ့ဖူးပြီး ဒီတော့ ဒီလို မဖြစ်ခဲ့ပါဘူး။ ဒါပေမဲ့ ရလဒ်ကို လက်ခံပါတယ်” လို့ ကလော့ပ်က ဆက်ပြောပါတယ်။  ဒီပွဲမှာ သူရဲကောင်းဖြစ်ခဲ့တဲ့ နယူးကာဆယ်ဂိုးသမား ဒါလိုးကလည်း clean sheet ရရှိခဲ့ခြင်း နဲ့ အိမ်ကွင်းမှာ အမှတ်ရယူနိုင်ခဲ့ခြင်းအပေါ် ဝမ်းမြောက်မိတယ်လို့ ပွဲအပြီးမှာ ပြောပါတယ်။
3 months Ago
More News
Up