နမ္မတူ

March 30, 2019

နမ္မတူတွင် တောင်ယာရှင်းနေသူများ မိုင်းပေါက်ကွဲ၍ ၃ ဦးသေဆုံး၊ ၄ ဦး ဒဏ်ရာရ

ဒီနေ့မနက်ပိုင်းက ရှမ်းပြည်နယ် နမ္မတူမြို့မှာ တောင်ယာရှင်းနေသူတွေ မိုင်းပေါက်ကွဲပြီး ကလေး ၂ ယောက် အပါအဝင် ၃ ယောက် သေဆုံး၊ ၄ ယောက် ဒဏ်ရာရသွားပါတယ်။ နမ္မတူမြို့နယ် မန်လီရွာမှာ မနက် ၆ နာရီလောက်က ဖြစ်ခဲ့ပြီး မိုင်းနင်းမိသူ အသက် ၁၅ နှစ်အရွယ် ယောက်ျားလေးက နေရာမှာပဲ သေဆုံးခဲ့ပါတယ်။ မန်လီရွာ အုပ်ချုပ်ရေးမှူး မိုင်းတာဦးက “တောင်ယာက ရွာနဲ့ သိပ်မဝေးဘူး။ မိနစ် ၂၀ လောက်ပဲ လျှောက်ရတာ။ သူတို့က တောင်ယာရှင်းပြီးလို့ ထမင်းစားနားချိန်မှာ ကောင်လေးက နင်းမိတာ။ ကျန်တဲ့ ၆ ယောက်လည်း ဒဏ်ရာရကြတယ်။ ၂ ယောက်ကတော့ ဆေးရုံယူသွားရင်း သေသွားတာ။ သေသွားတဲ့ ကောင်မလေးက မအေးအောင်တဲ့၊ ၄ တန်းဖြေထားတယ်။ နောက်တယောက်က အိုက်ဟိန်း၊ အသက်က ၃၄” လို့ ပြောပါတယ်။ သေဆုံးသွားတဲ့ ယောက်ျားလေး အိုက်လောင်ရဲ့အဖေဟာ RCSS တပ်တွေ ဖမ်းဆီးရာက မနေ့ကမှ ပြန်လွတ်လာတာ ဖြစ်ပါတယ်။ နောက်ထပ် ဒဏ်ရာရသူ ၃ ယောက်ကို သီပေါဆေးရုံမှာ တင်ထားပြီး ဒဏ်ရာပြင်းသူ တယောက်ကိုတော့ လားရှိုးဆေးရုံကို ပို့ထားတယ်လို့ မိုင်းတာဦးက ပြောပါတယ်။ ဒဏ်ရာရသူအားလုံးကတော့ မိန်းကလေးတွေချည်းပဲ ဖြစ်ပါတယ်။ မိုင်းတာဦးက “အခုက မိုးကျရင် တောင်ယာစိုက်လို့ရအောင် သွားရှင်းကြတာ။ ခုလို ဖြစ်တော့ တောင်ယာကို သွားဖို့ ကြောက်နေကြပြီ။ ထွေအုပ်ကိုတော့ အကြောင်းကြားထားတယ်။ သူတို့က တပ်ကို အကြောင်းကြားမယ်လို့ ပြောတယ်” လို့ ပြောပါတယ်။ မန်လီရွာပြီး ပြီးခဲ့တဲ့ ရက်သတ္တပတ်တွေက RCSS (ရှမ်းပြည်တပ်မတော် တောင်ပိုင်း) နဲ့ TNLA (တအာင်းလွတ်မြောက်ရေးတပ်မတော်) SSPP (ရှမ်းပြည်တပ်မတော်မြောက်ပိုင်း) ပူးပေါင်းအဖွဲ့တို့ တိုက်ပွဲတွေ ဖြစ်ခဲ့ပါတယ်။
3 years Ago

March 29, 2019

နမ္မတူမြို့နယ်တွင် ရက်ဆက်တိုက်ပွဲဖြစ်၊ ရဟတ်ယာဉ်ဖြင့် ပစ်ခတ်ဟု တီအန်အယ်လ်အေပြော

ရှမ်းပြည်နယ် နမ္မတူမြို့နယ်မှာ တပ်မတော်နဲ့ မြောက်ပိုင်းမဟာမိတ်တပ်တွေ တိုက်ပွဲရက်ဆက်ဖြစ်ပွားနေပြီး တပ်မတော်က ရဟတ်ယာဉ်နဲ့ ပစ်ခတ်တိုက်ခိုက်ခဲ့တယ်လို့ တီအန်အယ်လ်အေ ပြောခွင့်ရသူ ဗိုလ်မှူးမိုင်အိုက်ကျော်က ပြောပါတယ်။ ရှမ်းပြည်တပ်မတော် SSPP နဲ့ တအာင်းပလောင် တီအန်အယ်အေ ပူးပေါင်းတပ်နဲ့ တပ်မတော်အကြား မတ် ၂၆ ရက်ကနေစပြီး ရက်ဆက်တိုက်ပွဲဖြစ်ပွားနေတာဖြစ်ပြီး  မနေ့က တိုက်ပွဲပြင်းထန်တယ်လို့ ဗိုလ်မှူး မိုင်အိုက်ကျော်က ပြောပါတယ်။ “၂၆၊ ၂၇၊ ၂၈ ပေါ့ သုံးရက်ဆက်တိုက်ပေါ့နော်။ ဒီနမ္မတူမြို့နယ် မိုင်မုကျေးရွာ အထက်ပိုင်းမှာဖြစ်တယ်။  မြန်မာ့တပ်မတော်တပ်မ ၁၀၁ သူ့ရဲ့ လက်အောက်ခံတပ်ရင်း ခမရ ၂၅၉ ရယ်၊ ၂၅၂ ရယ်ဖြစ်တယ်။ မနေ့ကတော့ တိုက်ပွဲပြင်းထန်တယ်။ မနေ့က ၇ နာရီခွဲလောက်ကနေစပြီးမှ ၁၀ နာရီခွဲအထိဖြစ်တယ်။ ၉ နာရီခွဲလောက်မှ ဒီမြန်မာ့တပ်မတော် နမ္မတူတပ်ပေါ့နော်။ အမြောက်နဲ့ လှမ်းပစ်တယ်။ မိုင်းမုဘက်ရော၊ ပန်သပြေဘက်ရော၊ နမ့်တောင်ကုန်းဘက်ရောပေါ့နော်။ ထိခိုက်မှုတွေရှိတယ်။ ဒေသခံတွေလည်း ထွက်ပြေးရတာရှိတယ်။ အသေးစိတ်ကတော့ မသိရဘူး။ နောက် ၉ နာရီခွဲကျော်ကျော်လောက်မှာ တော့ ရဟတ်ယာဉ် ၂ စီးနဲ့ လာပစ်ကူသွားတာလည်းရှိတယ်။” အဆိုပါဒေသမှာ အရင်က ရှမ်းပြည်ပြန်လည်ထူထောင်ရေးကောင်စီ (RCSS) နဲ့ ရှမ်းပြည်တိုးတက်ရေးပါတီ SSPP/ TNLA ပူးပေါင်းတပ်တို့က တိုက်ပွဲဖြစ်ပွားနေတဲ့နေရာဖြစ်ပြီး RCSS က အပစ်ရပ်ကြေညာပြီး အဲဒီကနေထွက်ခွာပြီးနောက်ပိုင်း တပ်မတော်ဝင်လာတာကြောင့် တိုက်ပွဲဖြစ်ပွားရတာလို့ ဗိုလ်မှူး မိုင်အိုက်ကျော်က ပြောပါတယ်။ “RCSS ထွက်သွားတော့ မြန်မာ့တပ်မတော်က စစ်ကြောင်း ၂ ကြောင်းက ၂၆ ရက်နေ့ကစပြီးမှ ကျနော်တို့ ရှိတဲ့ဘက်ကို တပ်တွေ တက်လာတယ်။ တက်လာတော့ လာပစ်တယ်။ လာပစ်တော့ တိုက်ပွဲဖြစ်ပွားရတာဖြစ်တယ်။ ကျနေ်ာတို့ ရှိတဲ့နေရာကို မြန်မာ့တပ်မတော်က လာပစ်တာ။” ရှမ်းပြည်ပြန်လည်ထူထောင်ရေးကောင်စီ (RCSS) အနေနဲ့ ရှမ်းပြည်တိုးတက်ရေးပါတီ (SSPP) နဲ့ ဖြစ်ပွားနေတဲ့ တိုက်ပွဲတွေကို မတ်လ ၂၀ ရက်ကစပြီး အပစ်အခတ် ရပ်ထားတယ်လို့ ထုတ်ပြန်ကြေညာထားပါတယ်။ တနိုင်ငံလုံး ပစ်ခတ်တိုက်ခိုက်မှု ရပ်စဲရေးစာချုပ် (အန်စီအေ) မှာ ပါဝင် လက်မှတ်မထိုးရသေးတဲ့ တိုင်းရင်းသား လက်နက်ကိုင်တပ်ဖွဲ့တွေနဲ့ တဖွဲ့ချင်း ညှိနှိုင်းဆွေးနွေးနိုင်ဖို့အတွက် စစ်တိုင်းဒေသကြီး ၅ ခုမှာ ဒီဇင်ဘာ ၂၁ ရက်မှ ၂၀၁၉ ဧပြီ ၃၀ ရက် အထိ ၄ လကျော်ကြာ စစ်ဆင်ရေးရပ်ဆိုင်းထားဖို့ ဒီဇင်ဘာ ၂၁ ရက်မှာ တပ်မတော်က ကြေညာထားပါတယ်။ မြန်မာ့တပ်မတော်က အပစ်ရပ်ကြေညာပြီးနောက်ပိုင်း သူတို့အဖွဲ့နဲ့ ပစ်ခတ်မှု ၁၅ ကြိမ်လောက်ဖြစ်ပွားခဲ့သလို မတ်လ ၂၁ ရက်နေ့ပြုလုပ်တဲ့ တွေ့ဆုံဆွေးနွေးပွဲနောက်ပိုင်း တိုက်ပွဲ ၄ ကြိမ်ထပ်မံဖြစ်ပွားခဲ့တယ်လို့ ဗိုလ်မှူးမိုင်အိုက်ကျော်က ပြောပါတယ်။ နမ္မတူမြို့နယ် တိုက်ပွဲနဲ့ပတ်သက်ပြီး အရှေ့မြောက်ပိုင်းတိုင်းပြောခွင့်ရသူ ဗိုလ်မှူးကြီး ၀င်းထွဋ်လင်းကို ဆက်သွယ်ခဲ့ပေမယ့် အသံမကြားရကြောင်း ပြောပြီး ပြန်ခြေကြားခြင်းမရှိသလို တပ်မတော်ပြည်သူ့ဆက်ဆံရေးညွှန်ချုပ် ဗိုလ်မှူးချုပ် ဇော်လင်းထွန်းကို ဆက်သွယ်ခဲ့ပေမယ့် ပြန်လည်ဖြေကြားခြင်းမရှိပါဘူး။
3 years Ago
More News
Up