နဗီးလ်

October 23, 2021

စမစ်ရိုးဟာ ဘောလုံးဆွဲပြေးရာ၌ အကောင်းဆုံးကစားသမားဖြစ်ဟု ကာရေဂါနှင့် နဗီးလ်တို့ ချီးကျူး

အာဆင်နယ် ကွင်းလယ်ကစားသမား စမစ်ရိုးဟာ ဘောလုံးနဲ့အတူ ဆွဲပြေးရာမှာ အကောင်းဆုံးကစားသမားဖြစ်တယ်လို့ ကာရေဂါနဲ့ နဗီးလ်တို့က ချီးကျူးပါတယ်။

အာဆင်နယ်က အက်စ်တန်ဗီလာကို ၃ ဂိုး ၁ ဂိုးနဲ့အနိုင်ရတဲ့ပွဲမှာ စမစ်ရိုးက အနိုင်ဂိုးတစ်ဂိုးနဲ့ ဂိုးဖန်တီးမှု တကြိမ် လုပ်ဆောင်နိုင်ခဲ့ပြီး အကောင်းဆုံးကစားသမားဆု ရခဲ့ပါတယ်။

အဲဒီပွဲစဉ်ကို စကိုင်းစပေါ့ကနေ သုံးသပ်တင်ဆက်ခဲ့တဲ့ ကာရေဂါနဲ့ နဗီးလ်တို့ဟာ စမစ်ရိုးရဲ့ခြေစွမ်းကို အထူးတလည် ချီးကျူးခဲ့ပြီး အင်္ဂလန်အသင်းမှာ ရွေးချယ်ခံရသင့်တယ်လို့ သုံးသပ်ခဲ့ပါတယ်။

“အမ်မလီစမစ်ရိုးဟာ အင်္ဂလန်အတွက် ရွေးချယ်ခံရသင့်ပါပြီ။ လုံးဝသံသယဖြစ်စရာမရှိပါဘူး။ တခြားခြေစွမ်းပြနေတဲ့ လူငယ်တွေလည်းရှိပေမဲ့ သူ့ရဲ့အချိန် ရောက်လာပါပြီ။ သူဟာ ဘောလုံးနဲ့အတူ ဆွဲပြေးရာမှာ ပရီးမီးယားလိဂ်ရဲ့ အကောင်းဆုံးကစားသမားပါပဲ” လို့ ကာရေဂါက ချီးကျူးပါတယ်။

နဗီးလ်ကလည်း ကာရေဂါရဲ့သုံးသပ်ချက်ကို ထောက်ခံခဲ့ပြီး စမစ်ရိုးနဲ့ ဆာကာရဲ့ လူပ်ရှားမှုတွေကို ကြည့်နေရတာက ဘောလုံးကို ပိုပြီးချစ်မြတ်နိုးလာလိမ့်မယ်လို့ ချီးကျူးခဲ့ပါတယ်။

အသက်၂၁ နှစ်ရှိ စမစ်ရိုးဟာ အင်္ဂလန် ယူ-၂၁ အသင်းမှာလည်း ခြေစွမ်းပြနေပြီး အသင်းကြီးမှာတော့ ရွေးချယ်ခံရခြင်း မရှိသေးပါဘူး။

2 months Ago

August 29, 2021

စီရော်နယ်ဒိုကို ခေါ်ပေးတာ ဆုဖလားရယူနိုင်ခြင်း မဟုတ်ဟု နဗီးလ်သတိပေး

မန်ယူနိုက်တက် အသင်းပိုင်ရှင်တွေအနေနဲ့ စီရော်နယ်ဒိုကို ခေါ်ယူပေးပြီး ပရိသတ်တွေကို ချွေး သိပ်ထားပေမယ့် ဒါက ဆုဖလားရယူနိုင်သေးတာတော့ မဟုတ်ကြောင်း ဂယ်ရီနဗီးလ်က ဝေဖန်လိုက်ပါတယ်။ 

စကိုင်းစပေါ့ရဲ့ သုံးသပ်ချက်အစီအစဉ်မှာ ယူနိုက်တက်နောက်ခံလူဟောင်း နဗီးလ်က မန်ယူ အသင်းပိုင်ရှင်တွေကို ဝေဖန်စကားဆိုခဲ့တာပါ။ 

ဂလေဇာမိသားဟာ ပရိသတ်တွေရဲ့ ဖိအားနဲ့ရင်ဆိုင်ရချိန်မှာ သူတို့ ပုံမှန်လုပ်ဆောင်နေကျအတိုင်း လုပ်ဆောင်ပေးခဲ့တာဖြစ်ပြီး လူတွေရဲ့ နှုတ်ဖျားကို ခဏတာ ပိတ်ထားနိုင်ပေမယ့် ယူနိုက်တက်အသင်းမှာ ဖြေရှင်းရမယ့်ကိစ္စတွေ ရှိသေးတယ်လို့ နဗီးလ်က ပြောပါတယ်။  

အရင်နှစ်တွေတုန်းကလည်း အာဆင်နယ်က ဆန်းချက်ဇ်ကို မန်စီးတီးဆီမရောက်ဖို့အတွက် ခေါ်ယူခဲ့ဖူးပြီး ဒီတစ်ကြိမ်မှာလည်း ရော်နယ်ဒိုကို မန်စီးတီးဆီမရောက်ဖို့အတွက် ခေါ်ယူခဲ့  တာဖြစ်တယ်လို့ နဗီးလ်က သုံးသပ်ခဲ့တာပါ။ 

ရော်နယ်ဒိုကို ခေါ်ယူလိုက်တဲ့အတွက် ချဲလ်ဆီးအသင်းထက်ပိုကောင်းသွားတယ်လို့ မထင်သလို မနှစ်ကရာသီက အမှတ် ၂ဝ ဖြတ်ခဲ့တဲ့ မန်စီးတီးကို မီဖို့လည်း မထင်သေးကြောင်း ဂယ်ရီနဗီးလ်က သုံးသပ်ခဲ့ပါတယ်။ 

3 months Ago
More News
Up