ATP ပြိုင်ပွဲမှာ ချန်ပီယံဖြစ်အောင် ကြိုးပမ်းပြီး ၂၀၂၀ ကို နှုတ်ဆက်ဖို့ ဂျိုကိုဗစ်နဲ့ ရာဖေးလ်နဒါးလ်တို့က မျှော်မှန်းထားပါတယ်။ ATP တင်းနစ်ပြိုင်ပွဲကို နိုဝင်ဘာ ၁၅ ရက်ကနေ ၂၂ ရက်အထိ လန်ဒန်မှာ ကျင်းပသွားမှာ ဖြစ်ပါတယ်။  အုပ်စု ၂ ခု ခွဲခြားထားပြီး ဂျိုကိုဗစ်နဲ့ နဒါးလ်တို့က အုပ်စုတစ်ခုချင်းစီမှာ ပါဝင်တာပါ။  ဂျိူကိုဗစ်က ရုရှားက မက်ဒ်ဗီဒက်၊ ဂျာမနီက ဇီဗာရက်ဗ်၊ အာဂျင်တီးနားက ရှဝက်ဖ်မန်းတို့နဲ့ တအုပ်စုတည်း တွေ့ဆုံပါတယ်။ နဒါးလ်က သြစတြီးယားက ဒိုမင်နစ်သိမ်၊ ဂရိက စတီဖန်နော့စ်၊ ရုရှားက အန်ဒရေရက်လက်ဗ် တို့နဲ့ တွေ့ဆုံနေပါတယ်။  အခုနှစ်က တခြားနှစ်တွေနဲ့မတူညီဘဲ ပွဲမကစားခဲ့ရတဲ့အချိန် ၅ လ ၆ လခန့်ရှိခဲ့ပေမယ့် နှစ်စပိုင်းနဲ့ ပြီးခဲ့တဲ့ ၃ လအတွင်းမှာ ပွဲအနည်းငယ်ရှိခဲ့တယ်လို့ ဂျိုကိုဗစ်က ပြောပါတယ်။  နဒါးလ်ကတော့ ပဲရစ်မှာ အကောင်းဆုံးလေ့ကျင့်နိုင်ခဲ့တာကြောင့် ATP နောက်ဆုံးအဆင့် ပွဲတွေအတွက် စိတ်လှုပ်ရှားမိပြီး ချန်ပီယံဖြစ်အောင် ကြိုးစားသွားမယ်လို့ ပြောပါတယ်။  အခုနှစ် ATP ပြိုင်ပွဲ ကျင်းပမယ့် လန်ဒန်မှာ ယူကေအစိုးရက လော့ဒေါင်းကာလ သတ်မှတ်ထားလို့ ပရိသတ်တွေတော့ ဝင်ရောက်ကြည့်ရှုခွင့်ရမှာ မဟုတ်ဘူးလို့ သိရပါတယ်။

၂၀၁၉ ခုနှစ် ယူအက်စ် အိုးပင်းတင်းနစ်ပြိုင်ပွဲမှာ စပိန် တင်းနစ်အကျော်အမော် ရာဖေးလ်နဒါးလ် ဗိုလ်စွဲနိုင်ခဲ့ပြီး စံချိန်သစ်‌တွေ ထပ်တင်နိုင်ခဲ့ပါတယ်။ နဒါးလ်ဟာ ၂၀၁၀၊ ၂၀၁၃၊ ၂၀၁၇ တို့မှာ ဗိုလ်စွဲထားပြီး အခုတကြိမ်နဲ့ဆို ၄ ကြိမ် မြောက် ဗိုလ်စွဲခဲ့တာဖြစ်လို့ ယူအက်စ်အိုးပင်းရဲ့ ‌ဖလားအများဆုံး ရရှိထားတဲ့ ကစားသမား ၅ ဦး စာရင်းမှာလည်း ပါလာခဲ့ပါတယ်။ ဆွစ်ဇာလန်တင်းနစ်သမား ‌ရော်ဂျာ ဖက်ဒါရာကတော့ ယူအက်စ်အိုးပင်းမှာ ၅ ကြိမ်အထိ အောင်ပွဲခံထားပါတယ်။ ဒါ့အပြင် စပိန်အနေနဲ့ ဖက်ဒါရာရဲ့ ဂရင်းဆလင်း ဆုဖလားအကြိမ် ၂၀ အထိ ရရှိထားခဲ့တဲ့ စံချိန်ကို လိုက်မီဖို့ ဆုဖလားတလုံးသာ လိုအပ်ပါတယ်။ ဗိုလ်လုပွဲမှာတော့ နဒါးလ်ဟာ ရုရှားက မက်ဗီဒက်ဗ်ကို ၅-၇၊ ၃-၆၊ ၇-၅၊ ၆-၄၊ ၄-၆ နဲ့ ခက်ခက်ခဲခဲ ကစားခဲ့ရပြီးတော့ ပြိုင်ဘက် ကစားသမားဆီက သင်ယူစရာတွေ မြင်တွေ့ခဲ့ရတယ်လို့ ပြောကြားသွားခဲ့ပါတယ်။ ~~~~~~~~~~~~~~~~~~~~~~~ Zawgyi_version ယူအက္စ္ အိုးပင္းတင္းနစ္ၿပိဳင္ပြဲတြင္ နဒါးလ္ ဗိုလ္စြဲ ၂၀၁၉ ခုႏွစ္ ယူအက္စ္ အိုးပင္းတင္းနစ္ၿပိဳင္ပြဲမွာ စပိန္ တင္းနစ္အေက်ာ္အေမာ္ ရာေဖးလ္နဒါးလ္ ဗိုလ္စြဲႏိုင္ခဲ့ၿပီး စံခ်ိန္သစ္‌ေတြ ထပ္တင္ႏိုင္ခဲ့ပါတယ္။ နဒါးလ္ဟာ ၂၀၁၀၊ ၂၀၁၃၊ ၂၀၁၇ တို႔မွာ ဗိုလ္စြဲထားၿပီး အခုတႀကိမ္နဲ႔ဆို ၄ ႀကိမ္ ေျမာက္ ဗိုလ္စြဲခဲ့တာျဖစ္လို႔ ယူအက္စ္အိုးပင္းရဲ႕ ‌ဖလားအမ်ားဆုံး ရရွိထားတဲ့ ကစားသမား ၅ ဦး စာရင္းမွာလည္း ပါလာခဲ့ပါတယ္။ ဆြစ္ဇာလန္တင္းနစ္သမား ‌ေရာ္ဂ်ာ ဖက္ဒါရာကေတာ့ ယူအက္စ္အိုးပင္းမွာ ၅ ႀကိမ္အထိ ေအာင္ပြဲခံထားပါတယ္။ ဒါ့အျပင္ စပိန္အေနနဲ႔ ဖက္ဒါရာရဲ႕ ဂရင္းဆလင္း ဆုဖလားအႀကိမ္ ၂၀ အထိ ရရွိထားခဲ့တဲ့ စံခ်ိန္ကို လိုက္မီဖို႔ ဆုဖလားတလုံးသာ လိုအပ္ပါတယ္။ ဗိုလ္လုပြဲမွာေတာ့ နဒါးလ္ဟာ ႐ုရွားက မက္ဗီဒက္ဗ္ကို ၅-၇၊ ၃-၆၊ ၇-၅၊ ၆-၄၊ ၄-၆ နဲ႔ ခက္ခက္ခဲခဲ ကစားခဲ့ရၿပီးေတာ့ ၿပိဳင္ဘက္ ကစားသမားဆီက သင္ယူစရာေတြ ျမင္ေတြ႕ခဲ့ရတယ္လို႔ ေျပာၾကားသြားခဲ့ပါတယ္။