နတ်ရွာစံ ဘုရင်မင်းမြတ် ဘူမိဘောရဲ့ တော်ဝင် မီးသင်္ဂြိုဟ်ရုံကို နိုဝင်ဘာ ၂ ရက်နေ့က စပြီး ရဟန်းသံဃာတွေနဲ့ အများပြည်သူတွေကို လာရောက်လည်ပတ်ခွင့်ပြုခဲ့ပါတယ်။ ၅ ရက်ကြာ တော်ဝင်ဈာပန အခမ်းအနားကို ကျင်းပပြီးနောက် နိုဝင်ဘာ ၁ ရက်နေ့ကစပြီး တော်ဝင်မီးသင်္ဂြိုဟ်ရုံကို  အများပြည်သူတွေ လာရောက်လည်ပတ်ခွင့်ပြုခဲ့ပါတယ်။ ထိုင်းပြည်သူတွေဟာ မနက်အစောကြီးကတည်းက တော်ဝင်မီးသင်္ဂြိုဟ်ရုံကို လာရောက်ဖို့ တန်းစီ စောင့်ဆိုင်းခဲ့ကြပါတယ်။ လာရောက်သူတွေကို အသုတ်လိုက်ခွဲပြီး အချိန် ၄၅ မိနစ်ကြာ လေ့လာခွင့်ပြုခဲ့ပါတယ်။ “ကျနော် ထင်ထားတာထက် အများကြီး ခမ်းနားတယ်။ သဘောကျပါတယ်။ ဒီကို ရောက်တဲ့အတွက် ပျော်လည်းပျော်တယ်။ ဂုဏ်လည်း ဂုဏ်ယူပါတယ်” ဆိုပြီး လာရောက်သူတဦးက ပြောခဲ့ပါတယ်။ လာရောက်ကြသူတွေဟာ နတ်ရွာစံဘုရင်ကြီးကို ရည်မှန်းပြီး ရှိခိုးကန်တော့ကြပါတယ်။ အဲဒီတော်ဝင် မီးသင်္ဂြိုဟ်ရုံထဲမှာ နတ်ရွာစံ ဘုရင်မင်းမြတ် ဘူမိဘောရဲ့ အရိုးပြာအိုးကို ထားရှိတာ ဖြစ်ပါတယ်။ အနုပညာ လက်ရာမြောက်စွာ တည်ဆောက်ထားတာမို့ လာရောက်သူအားလုံးဟာ အဲဒီမီးသင်္ဂြိုဟ်ရုံရဲ့ ကြီးကျယ်ခမ်းနားမှုကို သဘောကျကြပါတယ်။ အတွင်းမှာလည်း ဗဟုသုတရဖွယ် ပြခန်းသဘော ပြသထားတာကို မြင်တွေ့ရပါတယ်။ “နတ်ရွာစံဘုရင်ကြီး ဂုဏ်ပုဒ်နဲ့ လိုက်အောင်ကို ခမ်းနားပါပေတယ်။ ဈာပန အခမ်းအနားရောပဲ။ အားလုံး ခမ်းနားပါတယ်” လို့ လည်ပတ်သူတဦးက ပြောခဲ့ပါတယ်။ တော်ဝင် မီးသင်္ဂြိုဟ်ရုံကို နိုဝင်ဘာလ ၃၀  ရက်နေ့အထိ အများပြည်သူကို ပြသသွားမှာ ဖြစ်တယ်လို့ သိရပါတယ်။

နတ်ရွာစံသွားတဲ့ ထိုင်းဘုရင်ကြိး ဘူမိဘော အဒူလျာဒက်ကို နောက်ဆုံး လာရောက် ဂါရဝပြု အရိုအသေပေးတဲ့ အခမ်းအနားမှာ ထိုင်းပြည်သူတွေဟာ ညလုံးပေါက်တန်းစီပြီး ပါဝင်ခဲ့ကြပါတယ်။ အောက်တိုဘာ ၅ ရက်နေ့က မြို့တော် ဘန်ကောက်ရှိ ကျောက်ဖယားမြစ်အနီး သမိုင်းဝင်နေရာမှာ ဘုရင့်နန်းတော်အတွင်း ဝင်ရောက်ခွင့်ရဖို့အတွက် ထိုင်းပြည်သူတွေ ထောင်ချီပြီး တန်းစီစောင့်စားခဲ့ကြပါတယ်။ ထိုင်းနိုင်ငံ လူဦးရေရဲ့ ခြောက်ပုံတပုံနီးပါးရှိတဲ့ လူ ၁၂ သန်းနီးပါးဟာ နတ်ရွာစံခဲ့တဲ့ ဘုရင်ကြီး ဘူမိဘောကို လာရောက် အရိုအသေပေးခဲ့ကြပါတယ်။ တန်းစီနေတဲ့ လူတန်းကြီးဟာ တမိုင်ကျော်ရှည်လျားပြီး တန်းစီသူတွေဟာ နေ့ရောညပါ တန်းစီခဲ့ကြတယ်လို့ တာဝန်ရှိသူတွေက ပြောကြားခဲ့ပါတယ်။ ဘန်ကောက်မြို့ခံတဦးက “မနေ့က ညနေ ၆ နာရီကတည်းက ရောက်နေတာပါ။ ဒီမနက် ၇ နာရီမှ ဝင်ခွင့်ရပါတယ်။ ၁၀ နာရီလောက် စောင့်လိုက်ရပေမယ့် ကျေနပ်ပါတယ်” လို့ ပြောပါတယ်။ မြို့ခံ     နောက်တဦးကလည်း “ဒါက ကျမတို့နိုင်ငံရဲ့ ဖခင်ကြီးကို နောက်ဆုံး အရိုအသေပေးခွင့် ရတာပါ။ ထိုင်းပြည်သူတွေကို ဘုရင်ကြီးရဲ့ခြေရာ နင်းစေချင်ပါတယ်။ ဘုရင်ကြီးကို ဂုဏ်ပြုပြီး ကောင်းတာကို လုပ်စေချင်ပါတယ်” လို့ ပြောသွားခဲ့ပါတယ်။ ဘုရင်ကြီး ဘူမိဘော အဒူလျာဒက်ဟာ ပြီးခဲ့တဲ့ အောက်တိုဘာ သက်တေ်ာ ၈၈ နှစ်အရွယ်မှာ နတ်ရွာစံခဲ့တာဖြစ်ပြီး အဲဒီကတည်းက ဘုရင်ကြီးရဲ့ ရုပ်ကလာပ်ကို နန်းတော်အတွင်းရှိ ရွှေခန်းမမှာ ဆေးစိမ်ထားရှိတာပါ။ စေတနာ့ဝန်ထမ်းတွေဟာ လာရောက်အရိုအသေပေးကြသူတွေကို ဘုရင်ကြီးနဲ့အတူ ဓာတ်ပုံတွဲရိုက်ပေးတဲ့ ဝန်ဆောင်မှုကို ပြုလုပ်ပေးနေကြပါတယ်။ ထိုင်းဘုရင်ဟောင်း ဘူမိဘော အဒူလျာဒက်ရဲ့ တော်ဝင်ဈာပန အခမ်းအနားကို လာမယ့် အောက်တိုဘာ ၂၆ ရက်နေ့ ပြုလုပ်မှာဖြစ်ပြီး ဧည့်ပရိသတ် နှစ်သိန်းခွဲလောက် တက်ရောက်မယ်လို့ မျှော်လင့်ကြောင်း ဘုရင့်နန်းတော် တာဝန်ရှိသူတဦးက ပြောကြားခဲ့ပါတယ်။