နည်းပြပြော

October 26, 2019

မန်စီးတီးအသင်းက ဇင်ချင်ကိုနှင့် ရော့ဒရီ ဒဏ်ရာကြောင့် မကစားနိုင်ဟု နည်းပြပြော

မန်ချက်စတာစီးတီးအသင်းက ဘယ်နောက်ခံလူ ဇင်ချင်ကိုနဲ့ ကွင်းလယ်သမား ရော့ဒရီတို့ ဒဏ်ရာကြောင့် ကစားနိုင်မှာ မဟုတ်သေးဘူးလို့ နည်းပြ ပက်ဂွါဒီယိုလာက အတည်ပြုထားပါတယ်။ ဘယ်နောက်ခံလူ ဇင်ချင်ကိုက ဒူးဒဏ်ရာကြောင့် သီတင်း ၄ ပတ်လောက် အနည်းဆုံး နားရမှာ ဖြစ်ပါတယ်။ ကွင်းလယ်သမား ရော့ဒရီက အတလန်တာနဲ့ ချန်ပီယံလိဂ်ပွဲစဉ်မှာ တံကောက်ကြော ဒဏ်ရာရခဲ့ပြီး တပတ်လောက် ကစားနိုင်မှာ မဟုတ်သေးလို့ နည်းပြက ဆိုထားပါတယ်။ အခုလို ကစားသမား နှစ်ယောက် ဒဏ်ရာရပြီး မကစားနိုင်တာဟာ မန်စီးတီးအတွက် ထိုးနှက်ချက်တခုလို့ ဆိုရမှာပါ။
2 years Ago

October 16, 2019

ဆီးဂိမ်းစ် ဗိုလ်လုပွဲတက်ရန် ကြိုးပမ်းမည်ဟု မြန်မာအမျိုးသမီးဘောလုံးအသင်း နည်းပြပြော

ဖိလစ်ပိုင်နိုင်ငံက အိမ်ရှင်အဖြစ် လက်ခံကျင်းပမယ့်  အကြိမ် ၃၀ မြောက် အရှေ့တောင်အာရှ အားကစားပြိုင်ပွဲ(ဆီးဂိမ်းစ်)  အမျိုးသမီးဘောလုံးပြိုင်ပွဲမှာ ဗိုလ်လုပွဲရောက်အောင် ကြိုးပမ်းသွားမယ်လို့  မြန်မာလက်ရွေးစင်အမျိုးသမီးအသင်း နည်းပြချုပ် ဦးဝင်းသူမိုးက ပြောပါတယ်။  "အုပ်စုအနေအထားက ကျေနပ်စရာပါ။ ဖိလစ်ပိုင်နဲ့ အရင်ကစားရမယ် အဲဒီပွဲက အုပ်စုဗိုလ်၊ ဒုတိယလုရမှာပါပဲ။ မလေးရှားနဲ့ ကစားပြီး ဆီမီးဖိုင်နယ် မကန်ခင် ငါးရက် ပြင်ဆင်ချိန်ရတာ တော်တော်ကောင်းပါတယ်။ ဗိုလ်လုပွဲတက်ဖို့ ကြိုးစားသွားပါမယ်"လို့ နည်းပြချုပ် ဦးဝင်းသူမိုးက မြန်မာဘောလုံးအဖွဲ့ချုပ် လူမှုကွန်ရက်မှာ ပြောပါတယ်။  မြန်မာ့လက်ရွေးစင်အမျိုးသမီးအသင်းဟာ အုပ်စု(က)မှာ အိမ်ရှင် ဖိလစ်ပိုင်၊ မလေးရှား၊ အသင်းတို့နဲ့ တအုပ်စုထဲ ယှဉ်ပြိုင်ကစားရမှာပါ။  တဖက် အုပ်စု (ခ) မှာတော့ ဗီယက်နမ်၊ ထိုင်းနဲ့ အင်ဒိုနီးရှားအသင်းတို့ ယှဉ်ပြိုင်ကစားကြမှာပါ။  မြန်မာလက်ရွေးစင်အမျိုးသမီးအသင်းဟာ ဆီးဂိမ်းစ်ပြိုင်ပွဲမတိုင်မီ လာမယ့် နိုဝင်ဘာလအတွင်း တရုတ်နိုင်ငံသို့သွားရောက် လေ့ကျင့်ခြေစမ်းပွဲတွေ ကစားဖို့ရှိနေတယ်လို့ မြန်မာဘောလုံးအဖွဲ့ချုပ်က ထုတ်ပြန်ထားပါတယ်။  ပြီးခဲ့တဲ့ ၂၀၁၇ ခုနှစ်က မလေးရှားနိုင်ငံမှာ အိမ်ရှင်အဖြစ် ကျင်းပခဲ့တဲ့ ၂၉ ကြိမ်မြောက် ဆီးဂိမ်းစ်ပြိုင်ပွဲမှာတော့ မြန်မာအမျိုးသမီးအသင်းက တတိယ ကြေးတံဆိပ်ဆု ရရှိခဲ့ပြီး  ဝင်းသိင်္ဂီထွန်းက ၆ ဂိုး သွင်းယူပေးခဲ့ကာ ပွဲစဉ်တလျောက် ဂိုးအများဆုံးသွင်းသူအဖြစ် မှတ်တမ်းဝင်ခဲ့ပါတယ်။
2 years Ago
Up