နည်းပြဆိုးလ်ရှား

December 13, 2020

သရေရလဒ်အပေါ် ကျေနပ်သင့်ပြီး ဒါဘီပွဲစဉ်တိုင်း ခြေစွမ်းကောင်းခဲ့ဟု နည်းပြဆိုးလ်ရှား ပြော

မန်စီးတီးနဲ့ သရေရလဒ်အပေါ် ကျေနပ်သင့်ပြီး မန်ချက်စတာဒါဘီပွဲတိုင်းမှာ အကောင်းဆုံး ကစားနိုင်ခဲ့တယ်လို့ နည်းပြဆိုးလ်ရှားက ပြောပါတယ်။  မန်ယူအသင်းရဲ့ အိမ်ကွင်းမှာ ကစားခဲ့တဲ့ မန်စီးတီးနဲ့ ပွဲစဉ်မှာ ဂိုးမရှိ သရေရလဒ်နဲ့ ပွဲပြီးဆုံးခဲ့တာပါ။  ပွဲအပြီး သတင်းစာရှင်းလင်းပွဲမှာတော့ သရေရလဒ်အပေါ် ကျေနပ်သင့်ပြီး အားလုံး ပျော်ရွှင်သင့်တဲ့ရလဒ် ဖြစ်တယ်လို့ နည်းပြဆိုးလ်ရှားက ပြောပါတယ်။ အသင်းရဲ့ ခံစစ်ကစားပုံကိုလည်း နည်းပြဆိုးလ်ရှားက ချီးကျူးခဲ့ပြီး ဧရိယာထဲမှာ မန်စီးတီး ကစားသမားတွေကို အခွင့်အရေးမပေးခဲ့ကြဘူးလို့ ပြောပါတယ်။  သူ့ရဲ့ မန်ယူနည်းပြဘဝမှာ မန်စီးတီးနဲ့ ကစားခဲ့တဲ့ ပွဲစဉ်တိုင်း အကောင်းဆုံးစွမ်းဆောင်ရည် ရအောင် လုပ်ဆောင်နိုင်ခဲ့ပြီး ရလဒ်ပိုင်းမှာပဲ အကောင်းဆုံး မဖြစ်ခဲ့ကြောင်း ဆိုးလ်ရှားက ပြောပါတယ်။  ဆိုးလ်ရှားဟာ မန်စီးတီးနဲ့ စုစုပေါင်း ၆ ပွဲ ကိုင်တွယ်ခဲ့ရာမှာ ၃ ပွဲနိုင် ၂ ပွဲ ရှုံးခဲ့ပြီး ၁ ပွဲ သရေ ရလဒ်ရယူနိုင်ခဲ့တာ ဖြစ်ပါတယ်။  မန်စီးတီးနည်းပြ ဂွါဒီယိုလာကတော့ မနှစ်ကပွဲတုန်းကလို တန်ပြန်တိုက်စစ်ကနေ ဂိုးမပေးရဖို့ ပြင်ဆင်ခဲ့ပြီး ဂိုးမပေးရလို့ ကျေနပ်ကြောင်း၊ ဂိုးမရခဲ့ပေမယ့် နောက်လာမယ့် ပွဲစဉ်တွေမှာ တိုးတက်လာလိမ့်မယ်လို့ ပွဲအပြီးမှာ သုံးသပ်ခဲ့ပါတယ်။
5 months Ago

October 25, 2020

ဥရောပပွဲစဉ်များ ကစားခဲ့ရသဖြင့် ပွဲကောင်းတပွဲ မဖြစ်ခဲ့ဟု နည်းပြဆိုးလ်ရှား ပြော

နှစ်သင်းစလုံး ဥရောပပွဲစဉ်တွေ ကစားခဲ့ရလို့ အကောင်းဆုံးပွဲစဉ် မဖြစ်ခဲ့ဘူးလို့ မန်ယူနည်းပြ ဆိုးလ်ရှားက သုံးသပ်ပါတယ်။ မန်ယူနိုက်တက်အသင်းဟာ ချဲလ်ဆီးနဲ့ အိုးထရတ်ဖို့ဒ်မှာ ကစားခဲ့တဲ့ ပရီးမီးယားလိဂ်ပွဲစဉ်မှာ ဂိုးမရှိ သရေကျခဲ့တာပါ။  ချဲလ်ဆီးက ဆီဗီလာနဲ့ ချန်ပီယံလိဂ်ပွဲ ကစားခဲ့ရသလို မန်ယူအသင်းကလည်း ပီအက်စ်ဂျီနဲ့ ချန်ပီယံလိဂ်ပွဲ သွားကစားခဲ့ရတာပါ။ အဲဒီလို ဥရောပပွဲပြိုင်ပွဲတွေ ကစားခဲ့ရတာကြောင့်  နှစ်သင်းစလုံးက ပထမပိုင်းမှာ အကောင်းဆုံး မကစားနိုင်ခဲ့ကြကြောင်း နည်းပြဆိုးလ်ရှားက ပြောပါတယ်။  ဒါပေမဲ့ ဒုတိယပိုင်းမှာ ယူနိုက်တက်အသင်းက အခွင့်အရေးကောင်းတွေ ပိုမိုဖန်တီးနိုင်ခဲ့ပြီး အနိုင်ရခဲ့သင့်တယ်လို့ ဆိုးလ်ရှားက ပြောပါတယ်။ ခက်ခဲတဲ့ ရက်သတ္တပတ်မှာ ၂ ပွဲနိုင်၊ ၁ ပွဲ သရေရလဒ် ရယူနိုင်ခဲ့တယ်လို့လည်း ချဲလ်ဆီးနဲ့ ပွဲအပြီးမှာ နည်းပြဆိုးလ်ရှားက ပြောပါတယ်။  ချဲလ်ဆီးနည်းပြ လမ်းပတ်ကတော့ ဂိုးမပေးခဲ့ရတဲ့အပေါ်မှာ ပျော်ရွှင်ပြီး သရေ ၁ မှတ်ထက်ပိုတဲ့ရလဒ် ရယူချင်ပေမယ့်လည်း ယူနိုက်တက်ကွင်းမှာ အမှတ်ပြည့်ရဖို့ ခက်ခဲကြောင်း ပွဲအပြီးမှာ ပြောပါတယ်။ 
7 months Ago
More News
Up