နည်းပြချုပ်

A d v e r t i s e m e n t With Us

January 23, 2021

ခင်မင်ရင်းနှီးမှုကြောင့် နဗီးလ်ကို နည်းပြချုပ် ခန့်အပ်ခြင်းမဟုတ်ဟု ဘက်ခမ်းဖြေရှင်း

ဖီးလ်နဗီးလ်ကို ခင်မင်ရင်းနှီးမှုကြောင့် နည်းပြချုပ်အဖြစ် ခန့်အပ်ခဲ့တာမဟုတ်ကြောင်း မီယာမီအသင်းပိုင်ရှင် ဒေးဗစ်ဘက်ခမ်းက ပြောပါတယ်။  အမေရိကန် မေဂျာလိဂ်ကလပ် အင်တာမီယာမီအသင်းကို အင်္ဂလန်ကစားသမားဟောင်း ဘက်ခမ်းက ပူးတွဲပိုင်ဆိုင်ပြီး အသင်းဥက္ကဋ္ဌအဖြစ် တာဝန်ယူနေတာပါ။  လစ်လပ်နေတဲ့ နည်းပြချုပ်နေရာမှာ အင်္ဂလန်ကစားဖော်ဟောင်း ဖီးလ်နဗီးလ်ကို တာဝန်ပေးခဲ့တာနဲ့ပတ်သက်ပြီး ခင်မင်ရင်းနှီးမှုကြောင့်ဆိုပြီး ဝေဖန်နေကြတဲ့အပေါ် ဘက်ခမ်းက ပြန်လည်ဖြေရှင်းခဲ့တာပါ။  အသင်းပိုင်ရှင်အဖွဲ့က မိတ်ဆွေတစ်ဦးကို ခန့်အပ်တာမျိုးမဟုတ်ဘဲ ကွင်းတွင်းကွင်းပြင်မှာ အကောင်းဆုံးလူပုဂ္ဂိုလ်ဖြစ်တဲ့ ဖီးလ်နဗီးလ်ရဲ့ အရည်အချင်းတွေကြောင့် ခန့်အပ်ခဲ့တာလို့ ဘက်ခမ်းက ပြောပါတယ်။  အသင်းနည်းပြ ရာထူးအတွက် မှန်ကန်သင့်တော်တဲ့ နည်းပြဖြစ်တယ်လို့လည်း အင်္ဂလန်အမျိုးသမီး နည်းပြ ရာထူးကနေ နုတ်ထွက်လာခဲ့တဲ့ နဗီးလ်ကို ဘက်ခမ်းက ချီးကျူးခဲ့ပါတယ်။ 
1 month Ago

January 19, 2021

ဒေးဗစ်ဘက်ခမ်းပိုင် အင်တာမီယာမီအသင်း၏ နည်းပြချုပ်အဖြစ် ဖီးလ်နဗီးလ် တာဝန်ယူမည်

အင်္ဂလန်နောက်ခံလူဟောင်း ဖီးနဗီးလ်ဟာ ဒေးဗစ်ဘက်ခမ်းရဲ့ အင်တာမီယာမီအသင်းကို နည်းပြချုပ်အဖြစ် တာဝန်ယူမှာဖြစ်ပါတယ်။ အင်္ဂလန်အမျိုးသမီးအသင်း နည်းပြရာထူးကနေ နှစ်ဦးသဘောတူ လမ်းခွဲခဲ့တဲ့ ဖီးလ်နဗီးလ်ဟာ အသင်းကို အောင်မြင်မှုရအောင် လုပ်ဆောင်နိုင်ခဲ့ပါတယ်။ နဗီးလ်ရဲ့ နေရာမှာတော့ ဟော်လန်နည်းပြတစ်ဦးဖြစ်သူ ဆရီနာဝီမန်က တာဝန်ယူသွားမှာ ဖြစ်ပေမယ့် ၂၀၂၂ ယူရိုချန်ပီယံရှစ်နဲ့ ၂၀၂၃ ကမ္ဘာ့ဖလားခြေစစ်ပွဲစဉ်တွေမတိုင်ခင်မှာပဲ စတင်တာဝန်ယူမှာ ဖြစ်ပါတယ်။ မန်ယူ နောက်ခံလူဟောင်း တစ်ဦးလည်းဖြစ်သူ နဗီးလ်ဟာ  အင်္ဂလန်အမျိုးသမီးအသင်းကို SheBieleiveCup ဖိတ်ခေါ်ပြိုင်ပွဲမှာ ချန်ပီယံဖြစ်အောင် ဦးဆောင်ခဲ့ကာ ကမ္ဘာ့ဖလားမှာ ဆီမီးဖိုင်နယ် တက်ရောက်နိုင်ခဲ့ပြီး အိုလံပစ်ပြိုင်ပွဲခြေစစ်ပွဲလည်း အောင်မြင်သွားခဲ့တာ ဖြစ်ပါတယ်။
1 month Ago
More News
Up