နည်းပြကလော့ပ်

A d v e r t i s e m e n t With Us

July 15, 2020

မန်စီးတီး အယူခံအောင်မြင်မှု ဘောလုံးလောကအတွက် မကောင်းဟု နည်းပြကလော့ပ် သုံးသပ်

မန်စီးတီးအသင်းရဲ့ ဥရောပလိဂ်ဘောလုံးပြိုင်ပွဲ ဝင်ခွင့် ပိတ်ပင်ခံထားရမှု အယူခံ အောင်မြင်ခဲ့တာဟာ ဘောလုံးလောကအတွက် မကောင်းမွန်တဲ့အကြောင်း လီဗာပူး နည်းပြ ကလော့ပ်က ဝေဖန်လိုက်ပါတယ်။ မန်စီးတီးအသင်းဟာ ဥရောပဘောလုံးအဖွဲ့ချုပ်က ချမှတ်ထားတဲ့ ဘဏ္ဍာရေးစည်းမျဉ်းကို ချိူးဖောက်ခဲ့တာကြောင့် ချန်ပီယံလိဂ် ၂ နှစ်ကစားခွင့် ပိတ်ပင်ခံခဲ့ရပြီး ယူရိုသန်း ၃၀ လည်း ဒဏ်ငွေ ချမှတ်ခံခဲ့ရတာပါ။  ဒါပေမဲ့ အားကစားဆိုင်ရာခုံရုံးကို အယူခံတင်သွင်းခဲ့ရာမှာတော့ ပြစ်ဒဏ်ကို ပယ်ဖျက်ပေးခဲ့ပြီး ယူရို ၁၀ သန်းလောက်သာ ဒဏ်ရိုက်ဖို့ ပြောင်းလဲ ဆုံးဖြတ်ခဲ့တာပါ။  မန်စီးတီးအသင်းကို ချန်ပီယံလိဂ် ကစားခွင့်ရစေချင်ပေမဲ့ သတ်မှတ်ထားတဲ့ ဘဏ္ဍာရေးစည်းမျဉ်းဟာ ကောင်းမွန်တဲ့ဥပဒေဖြစ်ပြီး ဘယ်အသင်းကမှ ငွေကြေးကို ကြိုက်သလို အသုံးပြုခွင့်မပေးတာကြောင့် ဖြစ်တယ်လို့ နည်းပြ ကလော့ပ်က ပြောပါတယ်။  အာဆင်နယ်နည်းပြ အာတေတာကတော့ မန်စီးတီးအသင်းဟာ ချန်ပီယံလိဂ်မှာ ကစားဖို့ ထိုက်တန်တဲ့အသင်းဖြစ်တယ်လို့ ပြောပါတယ်။ အာဆင်နယ်နဲ့ လီဗာပူးအသင်းတို့ဟာ ဇူလိုင် ၁၆ ရက် မနက်ပိုင်းမှာ ယှဉ်ပြိုင်ကစားရမှာ ဖြစ်ပြီး အဲဒီပွဲမတိုင်ခင် သတင်းစာရှင်းလင်းပွဲမှာ နည်းပြ ၂ ဦးက မှတ်ချက်ပေးသွားခဲ့တာ ဖြစ်ပါတယ်။
8 months Ago

March 27, 2020

နည်းပြကလော့ပ်ကို ခေါ်ယူရန် ရီးရဲလ်နှင့် ဘာစီလိုနာ ကြိုးပမ်းလာနိုင်ဟု ဟတ်စကီးပြော

လီဗာပူးနည်းပြ ကလော့ပ်ကို ခေါ်ယူဖို့အတွက် ရီးရဲလ်မက်ဒရစ်နဲ့ ဘာစီလိုနာအသင်းတွေဘက်က ကြိုးပမ်းလာနိုင်တယ်လို့ အင်္ဂလန် တိုက်စစ်မှူးဟောင်း ဟတ်စကီးက ပြောပါတယ်။  ဂျာမန်နိုင်ငံသား ကလော့ပ်ဟာ လီဗာပူးအသင်းမှာ အကောင်းဆုံးစွမ်းဆောင်ထားလို့ ၂၀၂၄ ခုနှစ်အထိလည်း စာချုပ် သက်တမ်းတိုးထားတာပါ။  ဒါပေမဲ့ ရီးရဲလ်မက်ဒရစ်နဲ့ ဘာစီလိုနာအသင်းတွေဘက်က ကလော့ပ်ကို ခေါ်ယူဖို့အတွက် ကြိုးပမ်းလာနိုင်တာကြောင့် နည်းပြကလော့ပ်အနေနဲ့ အသင်းကနေ ထွက်ဖို့ ရှိလာနိုင်တယ်လို့ ဟတ်စကီးက သုံးသပ်ပါတယ်။  ဒါ့အပြင် ကလော့ဟာ လီဗာပူးအသင်းမှာ အဆင်ပြေနေတာကြောင့် အမြန်ဆုံး ပြောင်းရွှေ့သွားဖို့တော့ မဖြစ်နိုင်သေးဘူးလို့ ဟတ်စကီးက ဆိုပါတယ်။ လီဗာပူး ကစားသမားဟောင်းလည်းဖြစ်တဲ့ ဟတ်စကီးကတော့ ကစားသမားဟောင်း ကော်တင်ဟို လီဗာပူးကို ပြန်လာမယ်ဆိုရင် သူ့အတွက် နေရာမရှိတော့ကြောင်းလည်း သုံးသပ်ခဲ့ပါတယ်။
11 months Ago
Up