ဓားဖြင့်တိုက်ခိုက်

A d v e r t i s e m e n t With Us

October 30, 2020

ပြင်သစ်တွင် ဓားဖြင့်တိုက်ခိုက်ခံရမှုကြောင့် ၃ ဦးသေဆုံး

ပြင်သစ်နိုင်ငံ နီးစ်မြို့က ခရစ်ယာန် ဘုရားကျောင်းနားမှာ အောက်တိုဘာ ၂၉ ရက်က ဓားနဲ့ တိုက်ခိုက်မှုအတွင်း ခေါင်းဖြတ်ခံရတဲ့ အမျိုးသမီးတယောက် အပါအဝင် လူ ၃ ယောက် သေဆုံးပြီး အတော်များများ ဒဏ်ရာရတယ်လို့ ရဲက ပြောပါတယ်။ “ဒါဟာ အကြမ်းဖက်ဝါဒ လုပ်ရပ်ပဲ၊ တိုက်ခိုက်သူဟာ အလ္လာဟူ အက္ကဘာလို့ ထပ်ခါတလဲ အော်ခဲ့တယ်” လို့ နီးစ်မြို့တော်ဝန်က ပြောပါတယ်။ နာမည်ကျော် နိုထရီဒိမ်း ခရစ်ယာန်ဘုရားကျောင်းနားမှာ တိုက်ခိုက်ခံရတာဖြစ်ပြီး ရဲတွေက တိုက်ခိုက်သူကို ဖမ်းထားပြီလို့ မြို့တော်ဝန်က ပြောပါတယ်။ ဒီလအစောပိုင်းကလည်း ကျောင်းသင်ခန်းစာအတွင်း လွတ်လပ်စွာ ပြောဆိုခွင့်အကြောင်း သင်ကြားချိန်မှာ တမန်တော် မိုဟာမဒ်ရဲ့ ကာတွန်းပုံကို ကျောင်းသားတွေကို ပြခဲ့လို့ ပြင်သစ် အလယ်တန်းကျောင်း ဆရာတယောက်ကို ချေချင်း တိုင်းရင်းသား အမျိုးသားတယောက်က သတ်ခဲ့ပါသေးတယ်။ ဒီကိစ္စနဲ့ ပတ်သက်ပြီး အစ္စလာမ္နစ် ခွဲထွက်ရေး ဝါဒကို တိုက်ဖျက်မယ်လို့ ပြင်သစ်သမ္မတ က ပြောခဲ့တဲအတွက် ကမ္ဘာတလွှား မွတ်စလင် နိုင်ငံတွေက ဒေါသထွက်ခဲ့ပြီး ကျယ်ကျယ်ပြန့်ပြန့် ဆန္ဒပြခဲ့ကြပါတယ်။ တမန်တော်ရဲ့ ကာတွန်းပုံကြောင့် ဒေါသထွက်နေတဲ့ မွတ်စလင် လူများစုနိုင်ငံတွေမှာ ခရီးသွားနေကြတဲ့ ပြင်သစ် နိုင်ငံသားတွေ လုံခြုံရေးသတိ ပိုရှိကြဖို့ ပြင်သစ်အစိုးရက သတိပေး ထားပါတယ်။
4 months Ago

September 26, 2020

ပဲရစ်မြို့တွင် လူနှစ်ယောက်ထက်မနည်း ဓားဖြင့်တိုက်ခိုက်ခံရ

ပဲရစ်မြို့က ရှာလီဟတ်ဒိုသတင်းစာတိုက် ရုံးဟောင်းအနီးမှာ စက်တင်ဘာ ၂၅ ရက်က လူ နှစ်ယောက်ထက်မနည်း ဓားနဲ့တိုက်ခိုက်ခံရပြီး ဒဏ်ရာရခဲ့ပါတယ်။ တိုက်ခိုက်မှုနဲ့ပတ်သက်လို့ အဓိကသံသယရှိသူကို ဖမ်းဆီးရမိထားပြီး ဒုတိယ သံသယရှိသူကိုလည်း ထိန်းသိမ်းထားတယ်လို့ အကြမ်းဖက်မှုတိုက်ဖျက်ရေး စုံစမ်းရေးမှူးက ပြောပါတယ်။ အဲဒီသတင်းစာတိုက်ဟာ လွန်ခဲ့တဲ့ ၅ နှစ်က အိုင်အက်စ် စစ်သွေးကြွတွေရဲ့ တိုက်ခိုက်တာကို ခံခဲ့ရပြီး  လူ  ၁၂ ယောက် သေဆုံးခဲ့ဖူးပါတယ်။ အဲဒီတိုက်ခိုက်ခဲ့မှုနဲ့ပတ်သက်လို့ စက်တင်ဘာ ၂ ရက်ကပဲ လူ ၁၄ ယောက်ကို ရုံးတင် စစ်ဆေးခဲ့ပါတယ်။ အခုတိုက်ခိုက်မှုကို မျက်မြင်တွေ့ခဲ့သူတဦးကလည်း ဒါဟာ ရှာလီဟတ်ဒိုကို ဒုတိယအကြိမ်  တိုက်ခိုက်တာဖြစ်ကြောင်း ပြောခဲ့ပါတယ်လို့ ရိုက်တာက တင်ပြပါတယ်။
5 months Ago
Up