ဓာတ်ခွဲစစ်ဆေး

August 22, 2020

ရခိုင်တွင် ကိုဗစ်-၁၉ ရောဂါ ရှိ၊ မရှိ တရက်ကို လူ ၁၂ ဦးသာ စစ်ပေးနိုင်

ရခိုင်ပြည်နယ် စစ်တွေမြို့ ပြည်သူ့ဆေးရုံကြီးမှာရှိတဲ့ ကိုဗစ်-၁၉ ရောဂါပိုး စစ်ဆေးတဲ့စက် ၂ လုံးရှိပြီး တရက်ကို လူ ၁၂ ဦးထိသာ စစ်ဆေးနိုင်တာကြောင့် သံသယလူနာတွေရဲ့ ဓာတ်ခွဲနမူနာတွေကို ရန်ကုန် အမျိုးသားကျန်းမာရေးဓာတ်ခွဲဌာနကို ပေးပို့ စစ်ဆေးနေရတယ်လို့ ပြည်နယ်ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာစိုးဝင်းပိုင်က ဒီဗွီဘီကို ပြောပါတယ်။ “စစ်တွေမှာက စစ်လို့ရတာ နည်းတယ်၊ ဆရာတို့ အဓိကရန်ကုန်ကိုပဲ ပို့စစ်နေတယ်။ အခုကတော့ ၂ လုံးရပြီ၊ ဆရာတို့ ဒီမှာ စစ်တာတွေလည်း စစ်တယ်။ ရန်ကုန် NHL ကို လေယာဉ်နဲ့ ပို့တာတွေလည်းပို့တယ်၊ စက်ကြောင့်ပေါ့၊ ၁‌၂ ယောက်ထိ စစ်လို့ရပြီ” လို့ ပြောပါတယ်။ သြဂုတ် ၁၆ ရက်ကနေ ဒီနေ့မနက်အထိ ရခိုင်ပြည်နယ်၊ စစ်တွေမြို့မှာ ကိုဗစ်-၁၉ အတည်ပြုလူနာ ၄၄ ဦး တွေ့ရှိခဲ့ပြီး မြောက်ဦးမှာ ၁ ဦး တွေ့ရှိခဲ့ပါတယ်။ သူတို့အားလုံးဟာ ပြည်ပခရီးသွားရာဇဝင်မရှိဘူးလို့ သိရပါတယ်။
1 year Ago

June 4, 2020

လူနာအမှတ် ၂၃၃ နှင့် ထိတွေ့ခဲ့သူ ၇၀ ကျော်ကို ဓာတ်ခွဲစစ်ဆေး

ပဲခူးတိုင်းဒေသကြီး၊ ညောင်လေးပင်မြို့နယ်က ကိုဗစ် ၁၉ ဓာတ်ခွဲအတည်ပြု လူနာအမှတ် ၂၃၃ နဲ့ ထိတွေ့ခဲ့သူ ၇၀ ကျော်ကို ဓာတ်ခွဲစစ်ဆေးနေတယ်လို့ မြို့နယ်ကျန်းမာရေးဦးစီးဌာနက ပြောပါတယ်။ လူနာအမှတ် ၂၃၃ နဲ့ ထိတွေ့ခဲ့သူတွေကို ကိုဗစ် ၁၉ ဗိုင်းရပ်ပိုး ရှိမရှိ သိရှိနိုင်ဖို့ ဇွန်လ ၃ ရက်နေ့မှာ ၄၉ ယောက်နဲ့ ဇွန် ၄ ရက်နေ့မှာ ၂၇ ယောက်တို့ကို လည်ချောင်းတိဖတ်ရယူပြီး ဓာတ်ခွဲစစ်ဆေးနိုင်ဖို့ ပို့ဆောင်ခဲ့တာလို့ မြို့နယ်ဆေးရုံအုပ်ကြီး ဒေါက်တာသောင်းဒန်ဦးက ပြောပါတယ်။ လူနာအမှတ် ၂၃၃ ဟာ မေ ၂၅ ရက်နေ့မှာ ထိုင်းနိုင်ငံက ပြန်လာခဲ့တာဖြစ်ပြီး ပဲခူးမြို့နယ်၊ ဘုရာကြီး​မြို့ Quarantine စင်တာမှာ ၄ ရက်နေထိုင်ခဲ့တာ​ပါ။ ညောင်လေးပင်မြို့အမှတ် အထက(၂)ကျောင်း Faciliity Quarantine စင်တာမှာ မေ ၂၉ ရက်နေ့ တညအိပ်ခဲ့ပြီး ပြွန်တန်ဆာမြို့ သီတဂူမျက်စိအထူကုဆေးရုံ Facility Quarantine ကို မေ ၃၀ ရက်နေ့မှာ ရောက်ရှိခဲ့တာပါ။ လူနာအမှတ် ၂၃၃ နဲ့ ထိတွေ့ခဲ့သူတွေထဲမှာ ကျန်းမာရေးဝန်ထမ်း ၁၅ ဦး၊ Volunteer ၃ ဦး၊ ယာဉ်မောင်း ၁ ဦးနဲ့ လူနာအမှတ် ၂၃၃ ရဲ့ ဖခင်တို့ ပါဝင်ခဲ့တယ်လို့ မြို့နယ်ဆေးရုံအုပ်ကြီးက ဆိုပါတယ်။ လူနာအမှတ် ၂၃၃ ဟာ ပဲခူး​မြို့ ကလိ​ဆေးရုံမှာ တက်​ရောက်ကုသ​နေ​ပြီး လက်ရှိမှာ ဖျားနတာမရှိဘဲ အခြေအနေကောင်းမွန်နေတယ်လို့ မြို့နယ်ဆေးရုံအုပ်ကြီး ဒေါက်တာသောင်းဒန်ဦးက ပြောပါတယ်။ "ထိတွေ့ခဲ့သူတွေအားလုံးရဲ့ ဓာတ်ခွဲအဖြေက ခုရက်ပိုင်း ထွက်လာမှာပါ။ သူတို့ကိုလည်းသီ ခြားစောင့်ကြည့်ထားပါတယ်။" ညောင်လေးပင်​မြို့နယ် Facility Quarantine စင်တာ ၁၆ ခုမှာ ပြည်ပက ပြန်လာသူ ၂၄၀ ကျော်ရှိပြီး ထိုင်းနိုင်ငံက ပြန်ရောက်လာတဲ့ ​ရွှေ့​ပြောင်းလုပ်သားက ၃၀ ကျော်ရှိတယ်လို့ သိရပါတယ်။
1 year Ago
Up