ဓာတ်လှေကားတံခါးနှင့်ညပ်ပြီး သေဆုံးခဲ့ရသည့် ဆရာဝန်၏ ထိတ်လန့်ဖွယ်ရုပ်သံ ထွက်ပေါ်

June 7, 2017

ဓာတ်လှေကားတံခါးနှင့်ညပ်ပြီး သေဆုံးခဲ့ရသည့် ဆရာဝန်၏ ထိတ်လန့်ဖွယ်ရုပ်သံ ထွက်ပေါ်

ထိုင်ဝမ်တက္ကသိုလ်တခုမှာ ဓာတ်လှေကားထဲမှအထွက် တံခါးနဲ့ညပ်မိပြီး သေဆုံးခဲ့ရတဲ့ ဆရာဝန်အမျိုးသားတဦးရဲ့ ထိတ်လန့်ဖွယ် နောက်ဆုံးအခိုက်အတန့် ရုပ်သံဗွီဒီယိုဖိုင် ထွက်ပေါ်ခဲ့ပါတယ်။ ကယ်ဆယ်ရေးသမားတွေဟာ သူ့ကိုကယ်တင်ဖို့ အချိန် ၁ နာရီကြာအောင် ကြိုးစားခဲ့ကြပေမယ့် မအောင်မြင်ခဲ့ဘဲ သေဆုံးသွားခဲ့တယ်လို့ ဒေးလီးမေးလ်သတင်းမှာ ဇွန်လ ၆ ရက်နေ့က ဖော်ပြပါတယ်။ သတင်းအစီရင်ခံစာတွေရဲ့ အဆိုအရ အဲဒီအမျိုးသားဟာ ဓာတ်လှေကားတွင်း စတင်ဝင်ရောက်ခဲ့ချိန်မှာ သာမန်အခြေအနေအတိုင်း ရှိနေခဲ့တယ်လို့ ဆိုပါတယ်။ ဒါပေမယ့် သူဟာ ဓာတ်လှေကားထဲက အထွက်မှာတော့ သူ့တကိုယ်လုံး အပြင်မရောက်ခင် တံခါးပိတ်သွားခဲ့ပြီး ခြေထောက်တွေ ညပ်သွားခဲ့တာပါ။ ဓာတ်လှေကားကတော့ ဆက်ရွေ့လျားနေခဲ့တာကို တွေ့ရပြီး သူဟာ အရေးပေါ် အကူအညီအတွက် သူ့ရဲ့ မိုဘိုင်းဖုန်းနဲ့ ဆက်ခေါ်ဖို့ ထိတ်လန့်တကြား ကြိုးစားခဲ့တာကို တွေ့ရပါတယ်။ အသက် ၄၅ နှစ်အရွယ် အဲဒီအမျိုးသားဟာ ပထမထပ် တက္ကသိုလ် အားကစားအဆောင်ကနေ ဒုတိယထပ်ဆီသွားဖို့ ဓာတ်လှေကားကို အသုံးပြုခဲ့တာပါ။ အဲဒီဓာတ်လှေကားဟာ ၁၉၉၉ ခုနှစ်ကတည်းက တည်ဆောက်ခဲ့တာဖြစ်ပြီး မကြာခဏ ပြုပြင်ထိန်းသိမ်းတာတွေ လုပ်လေ့ရှိတယ်လို့ တက္ကသိုလ်တာဝန်ရှိသူတဦးက ပြောပါတယ်။
4 years Ago
Up