ဓာတ်ငွေ့ယိုစိမ့်

July 10, 2019

ကနေဒါ မိုတယ်တခုတွင် ကာဗွန်မိုနောက်ဆိုဒ် ဓာတ်ငွေ့ယိုစိမ့်၊ လူ ၄၆ ဦး ဆေးရုံတင်ပို့

ကနေဒါနိုင်ငံ မန်နီတိုဘာပြည်နယ် ဝင်နီပတ်မြို့က မိုတယ်တခုမှာ ကာဗွန်မိုနောက်ဆိုဒ် ဓာတ်ငွေ့ ယိုစိမ့်တာကြောင့် လူ ၄၆ ယောက်ကို ဆေးရုံပို့ခဲ့ရပြီး အဲဒီထဲက ၁၅ ယောက်ကတော့ စိုးရိမ်ရတဲ့ အခြေအနေ ရှိတယ်လို့ ဝင်နီပတ်မြို့ အာဏာပိုင်တွေက ဇူလိုင် ၉ ရက်နေ့မှာ ပြောပါတယ်။ ဓာတ်ငွေ့ယိုစိမ့်တာကြောင့် Super 8 မိုတယ်မှာ တည်းခိုနေတဲ့ ဧည့်သည်တွေနဲ့ ဝန်ထမ်းတွေကို ဘေးလွတ်ရာ ရွှေ့ပြောင်းခဲ့ရပါတယ်။ ဝင်နီပတ်မြို့ မီးသတ်နဲ့ ဆေးဘက်အကူဌာန အကြီးအကဲက အခင်းဖြစ်တဲ့မိုတယ်ကို ကယ်ဆယ်ရေးအဖွဲ့ဝင် အယောက် ၃၀ စေလွှတ်ခဲ့တယ်လို့ ပြောပါတယ်။ မန်နီတိုဘာ ဟိုင်ဒရိုဓာတ်ငွေ့ကုမ္ပဏီက အဲဒီမိုတယ်ကို ပို့လွှတ်ပေးတဲ့ ဓာတ်ငွေ့လိုင်းကို ပိတ်ချလိုက်ပြီး အဆောက်အဦတခုလုံး လေဝင်လေထွက်ကောင်းအောင် ပြုလုပ်ပေးခဲ့တယ်လို့ ကုမ္ပဏီရဲ့ တွစ်တာစာမျက်နှာမှာ ဖော်ပြခဲ့ပါတယ်။ လက်ရှိမှာတော့ ဓာတ်ငွေ့ယိုစိမ့်တဲ့ အကြောင်းရင်းကို စုံစမ်းစစ်ဆေးနေပါတယ်။
3 years Ago

May 23, 2019

ချီလီရှိ တိုက်ခန်းတခုတွင် ဓာတ်ငွေ့ယိုစိမ့်၊ ဘရာဇီးနိုင်ငံသား ၆ ဦး သေဆုံး

ချီလီနိုင်ငံ ဆန်တီယာဂိုမြို့မှာ မေလ ၂၂ ရက်နေ့က ဓာတ်ငွေ့ယိုစိမ့်တာကြောင့် ဘရာဇီးနိုင်ငံသား ခြောက်ယောက် သေဆုံးခဲ့ပါတယ်။ ဓာတ်ငွေ့ယိုစိမ့်တာကနေတဆင့် ကာဗွန်မိုနောက်ဆိုက်ဓာတ်ငွေ့ အဆိပ်သင့်ပြီး ၆ လွှာ တိုက်ခန်းတခုမှာ လူကြီးလေးယောက်နဲ့ ကလေးနှစ်ယောက် သေဆုံးခဲ့တယ်လို့ ရိုက်တာသတင်းက ဖော်ပြပါတယ်။ သေဆုံးသူအားလုံးဟာ ဘရာဇီးနိုင်ငံသားတွေ ဖြစ်တယ်လို့ သိရပေမယ့် ဘယ်သူဘယ်ဝါဆိုတာ အာဏာပိုင်တွေက စစ်ဆေးနေဆဲပါ။ လက်ရှိမှာတော့ ချီလီအာဏာပိုင်တွေက ဓာတ်ငွေ့ယိုစိမ့်တဲ့ အကြောင်းရင်းကို စုံစမ်းစစ်ဆေးနေကြပါတယ်။
3 years Ago
Up