ဓာတ်လိုက်သေဆုံး

January 6, 2018

တယ်လီဖုန်းအင်တာနာသံပိုက်လုံးထောင်ရာမှ လူ ၅ ဦး ဓာတ်လိုက်သေဆုံး

ကရင်ပြည်နယ်၊ ဘားအံမြို့နယ်၊ သာမညကျေးရွာမှာ တယ်လီဖုန်းအင်တင်နာ သံပိုက်လုံးထောင်ရာကနေ ဓာတ်လိုက်ပြီး လူ ငါးယောက် သေဆုံးခဲ့ပါတယ်။ သာမညကျေးရွာ၊ ရေတံခွန်ရပ်ကွက်က ဦးမောင်ပါးရဲ့ နေအိမ်မှာ ဒီနေ့ မနက်ပိုင်းက ဖြစ်ခဲ့တာပါ။ အရှည်ပေ ၄၀ ရှိတဲ့ တယ်လီဖုန်းအင်တင်နာ သံပိုက်လုံးထောင်ရာကနေ နေအိမ်ဘေးမှာ ရှိတဲ့ သာမညရွာနဲ့ ဝင်းစိန်ရွာကို ဆက်သွယ်ထားတဲ့ KV-660 ဓာတ်ကြိုးပေါ်ကိုကျပြီး ဓာတ်လိုက်ခဲ့တာပါ။ “ကျနော် တွေ့ရသလောက်ကတော့ သုံးယောက်က သံတိုင်နားမှာ စုနေတာ၊ အဲဒီမှာ ဖုန်းတိုင်ဆိုင်းကြိုးတွေဖြုတ်ရင်းနဲ့ မထိန်းနိုင်တော့ ကော့ဒ်လက်စ်တိုင်က လျှပ်စစ်မိန်းကြိုးနဲ့ထိပြီး ဓာတ်လိုက်တယ်​။ ဘေးက နှစ်ယောက်က ဆွဲတာလား၊ ဘာလားမသိဘူး။ သေတာ ငါးလောင်း” လို့ သာမညကျေးရွာ အုပ်ချုပ်ရေးမှူး ဦးခွန်ချစ်က ပြောပါတယ်။ အိမ်ရှင်ဖြစ်သူ ဦးမောင်ပါးနဲ့ ဇနီး၊ သားဖြစ်သူ ခွန်သိန်းဝင်း၊ တူဖြစ်သူမိုးကျော်၊ သားမက်ဖြစ်သူ လခိုတို့ ငါးယောက်ဟာ နေရာမှာပဲ သေဆုံးခဲ့တယ်လို့ ဆိုပါတယ်။ ဓာတ်​လိုက်​​သေဆုံးမှုကို အိန္ဒုနယ်မြေရဲစခန်းက သေမှု သေခင်း အမှတ် ၁/၂၀၁၈ နဲ့ အမှုဖွင့်လှစ်ထားတယ်လို့ သာယာ ကုန်းရဲကင်း စခန်းမှူး ရဲအုပ်လှဝေက ဒီဗွီဘီကို ပြောပါတယ်။ သတင်း- ရဲမင်းခေါင် ဓာတ်​ပုံ-sawmu yunt
3 years Ago
Up