ဓာတုအနံ့ရော စားသုံးဆီ ၈၀ ရာခိုင်နှုန်း ပြည်ပက၀င်နေဟု ဆီစက်အသင်းဒု ဥက္ကဋ္ဌပြော

March 7, 2019

ဓာတုအနံ့ရော စားသုံးဆီ ၈၀ ရာခိုင်နှုန်း ဈေးကွက်တွင် နေရာရနေ

ပြည်ပက ဝင်လာတဲ့ စာအုန်းဆီတွေထဲ ပြည်တွင်း ရောင်းသူအချို့က ဓာတုအနံ့ရောနှော ရောင်းချနေပြီး စာသုံးဆီဈေးကွက်မှာ ၈၀ ရာခိုင်နှုန်းထိ နေရာရနေတယ်လို့ မြန်မာနိုင်ငံ ဆီစက်ပိုင်ရှင်များအသင် ဒုတိယ ဥက္ကဋ္ဌ ဦးထွန်းထွန်းဦးက ပြောပါတယ်။ "ဆီ ဈေးကွက်ထဲမှာက စားသုံးဆီကို ဓာတု အနံ့ထည့်ပြီး ဖမ်းစားတယ်။ ဓာတုအနံ့က မြေပဲ အစိမ်း အကျက် အနံ့စုံရလာတယ်။ ဒါတွေထာည့်ပြီး စားသုံးသူကို ဖမ်းစားတယ်။ ဈေးကွက်ထဲမှာ စားသုံးဆီကို တချို့က လိမ်လည်ရောင်းချတယ်။ စာသုံးဆီထဲမှာ ပဲဆီ အနံ့ နှမ်းဆီအနံ့ ထည့်ပြီး ရောင်းတယ်။ ပဲဆီယောင်ယောင် နှမ်းဆီယောင်ယောင် လုပ်ပြီးတော့ စားသုံးသူကို ရောင်းချတဲ့ ဈေးကွက်ကြီးက တအားကို ကြီးသွားတယ်။ တနိုင်ငံလုံးရဲ့ ၈၀ ရာခိုင်နှုန်းက ဒီဆီတွေချည်း ဖြစ်သွားတဲ့အတွက် ပြည်တွင်းက ဆီစက်တွေက မရပ်တည်နိုင်တော့ဘူး။" မြန်မာနိုင်ငံမှာ လွန်ခဲ့တဲ့ ၂၀၁၃-၁၄ စပြီး အနံ့ဆီတွေ တနိုင်ငံလုံး ပျံ့နှံ့ခဲ့ပြီး တရုတ် ယိုးဒယား စတဲ့ နယ်စပ်ထွက်ပေါက်တွေကနေ မြောင်းဆီလို့ခေါ်တဲ့ ပြန်ကြော်ဆီတွေ ဝင်ရောက်မှုနဲ့အတူ မမှန်ကန်တဲ့ ပြည်တွင်း ရောင်းဝယ်သူတွေကတဆင့် အနံ့တွေ ရောစပ်ပြီး ပဲဆီရောင်ရောင် နှမ်းဆီရောင်ရောင် ရောင်းချနေကြတယ်လို့ ဆိုပါတယ်။ "နယ်စပ်ပေါက်ဆိုတာကတော့ တော်တော်လေး ထိန်းချုပ်နိုင်ဖို့ ခက်ပါတယ်။ အဓိကတော့ တရုတ်၊ ယိုးဒယားနယ်စပ်ရှိတယ်။ အဲ့ဒီကနေမှ ၀င်နေတဲ့ ဆီတွေကတော့ မမြင်နိုင်ဘူး။ ဒါတွေ ထိန်းချုပ်ဖို့ ခက်တယ်။ ကျန်းမာရေးဆိုးကျိုးတွေကို လုပ်ငန်းရှင်အသင်းက စစ်တမ်းကောက်ထားတာတော့ မရှိဘူး။ နယ်စပ်က ၀င်တာက အတိုင်းအတာ မသိရဘူး။ အဲ့ဒါတွေ စားသုံးရန် မသင့်ဘူးဆိုတာကတော့ ပြန်ကြော်ဆီတွေ ရှိတယ်။ လုပ်ငန်းသူဆီတွေ လုပ်ငန်းကြီးတွေကနေ တခါ ကြော်ပြီး ထွက်လာတဲ့ ဆီတွေကို နယ်စပ်မှာတော့ မြောင်းဆီလို့ ခေါ်ကြတာပေါ့။ ဒါတွေကို ပြန်လည်သန့်စင် ဘူးသွပ်ပြီးမှ နယ်စပ်ကနေ ၀င်လာတယ်ဆိုတဲ့ အင်ဖော်မေးရှင်းလောက်ပဲ သိရတယ်။ ဒါကတော့ နယ်စပ်ကုန်သွယ်ရေးကနေ အတိအကျ ကိုင်တွယ်ပြီးတော့ ဆောင်ရွက်မှသာ စားသုံးသူအတွက် ဘေးအန္တရာယ်ကင်းရှင်းမယ်" လို့ ဦးထွန်းထွန်းဦးက ပြောပါတယ်။ လတ်တလော ဒါတွေကို ထိန်းချုပ်ဖို့ အမျိုးသား အစားသောက်ဥပဒေ တခုကိုလည်း ရေးဆွဲနေပြီး အဲ့ဒီဥပဒေမတိုင်ခင် စားသုံးသူကာကွယ်ရေးဥပဒေကိုလည်း ပြဋ္ဌာန်းနိုင်ခဲ့ပြီး အမှတ်တံဆိပ်ကပ်ခြင်းဆိုင်ရာ ဥပဒေကိုလည်း မူကြမ်း နောက်ဆုံးအဆင့်ရေးဆွဲပြီးဖြစ်ပါတယ်။   မင်းရဲစစ်နိုင်
2 years Ago
Up