ဓနုဖြူ

May 21, 2022

ဓနုဖြူ ခမရတပ်ရင်း ၁၀၈ တွင် မိုင်း ၆ လုံးပေါက်ကွဲ

ဧရာဝတီတိုင်း၊ ဓနုဖြူမြို့နယ်မှာရှိတဲ့ စစ်ကောင်စီလက်အောက်ခံ ခမရ အမှတ် ၁၀၈ တပ်ရင်းထဲမှာ မေလ ၂၀ ရက် ညပိုင်းက မိုင်း ၆ လုံးပေါက်ကွဲခဲ့တယ်လို့ ဒေသခံကာကွယ်ရေးတပ်ဖွဲ့တွေထံက သိရပါတယ်။ 

ခမရ ၁၀၈ ဂိတ်မှာ မိုင်း ၂ လုံးဖောက်ခွဲပြီး စစ်ကောင်စီတပ်သားတွေအလာကိုစောင့်ကာ ဝင်ပေါက် ထွက်ပေါက်မှာနောက်ထပ် မိုင်း ၄ လုံး တပြိုက်နက်တည်းဖောက်ခွဲခဲ့တာလို့ ဧရာနဂါးညီနောင်အဖွဲ့က သတင်းထုတ်ပြန်ပါတယ်။

ဧရာနဂါးညီနောင်အဖွဲ့ဝင်တယောက်က “၆ လုံးခွဲတာ ၂ လုံးကအရင်ခွဲတာ ပြီးမှ နောက် ၄ လုံးထပ်ခွဲတာ အစောင့်ဂိတ်ကတော့ ထိခိုက်မှုရှိတယ် ကျန်တဲ့ နေရာတွေက မှောင်နေတော့ သေချာမမြင်လိုက်ရဘူး”လို့ ပြောပါတယ်။ 

ခမရ ၁၀၈ တပ်ရင်းကို မိုင်းခွဲချိန်မှာ စစ်ကောင်စီတပ်သား တချို့ထိခိုက်ဒဏ်ရာရတာမျိုးရှိပြီး ပြီးတာနဲ့ အားလုံးဘေးကင်းအောင်ပြန်လည်ဆုတ်ခွာခဲ့လို့ ထိခိုက်တဲ့စာရင်းကို အတည်အကျ မသိရသေးဘူးလို့လည်းဆိုတယ်။

အခုလိုတိုက်ခိုက်မှုနဲ့ပတ်သက်ပြီး ဒေသခံတွေကို စစ်တပ်က စွပ်စွဲဖမ်းဆီးတာတွေ ပြုလုပ်နိုင်တာကြောင့် သတိထားနေထိုင်ဖို့နဲ့ ပြည်သူတွေအနေနဲ့ စစ်ကောင်စီတပ်တွေနဲ့  နီးစပ်တဲ့နေရာတွေကို မသွားဖို့လည်း သတိပေးထားပါတယ်။

3 months Ago

April 1, 2022

ဓနုဖြူတွင် စစ်ကောင်စီအရာရှိက လောင်းကစားဝိုင်းဝင်ဖမ်းပြီး ငွေ ၄ သိန်းတောင်း

ဧရာဝတီတိုင်း၊ ဓနုဖြူမြို့နယ်မှာ စစ်ကောင်စီတပ်က အရာရှိနဲ့အဖွဲ့က မတ်လ ၂၆ ရက်နေ့က လောင်းကစား ဝိုင်း ဝင်ဖမ်းကာ ငွေ ၄ သိန်းတောင်းယူသွားတယ်လို့ သိရပါတယ်။

ထောက်ရှားရိုးရွာမှာ အပိုင်နယ်ထိန်းကို လိုင်းကြေးပေးပြီးပြုလုပ်နေတဲ့ လောင်းကစားဝိုင်းကို စစ်ကောင်စီ တပ်သားတွေနဲ့ ရဲစခန်းမှူးက ဝင်ရောက်ဖမ်းဆီးပြီး ဝိုင်းထဲက ပိုက်ဆံတွေကို သိမ်းတဲ့အပြင် ငွေ ၄ သိန်းပါ တောင်းသွားတာလို့ ဒေသခံတွေက ပြောပါတယ်။

“ဝင်ဖမ်းတော့ ရွာကအပိုင်နယ်ထိန်းမပါဘူး၊ စခန်းမှူးနဲ့ စစ်တပ်ကကောင်တွေလာတာ။ အင်အား မနည်း များတယ်၊ သေနတ်တွေလည်း ပါတယ်။ ဖမ်းပြီးတော့ ဝိုင်းထဲက ပိုက်ဆံတွေပါအကုန်ယူတာ၊ လူမဖမ်းသွားတာတောင်ကျေးဇူးတင်ရမယ်”လို့ ဒေသခံတဦးက ပြောပါတယ်။

ဓနုဖြူမြို့မှာ ရဲနဲ့စစ်တပ်က လောင်းကစာဝိုင်းတွေနဲ့ပတ်သက်ပြီး ခွဲတမ်းယူတာမှာ အဆင်မပြေတာတွေ ရှိတာကြောင့် စစ်ကောင်စီတပ် အရာရှိက ရဲစခန်းမှူးကိုခေါ်ပြီး ခုလိုဝင်ဖမ်းတာလို့ ဆိုပါတယ်။

လောင်းကစားဝိုင်းထဲက ငွေတွေကို သူနဲ့အတူပါလာတဲ့သူတွေအား ပေးပြီး KTV သွားဖို့ဆိုကာ ဒိုင်လုပ်တဲ့သူဆီက ငွေ ၄ သိန်းထပ်မံတောင်းယူသွားတာလို့ သိရပါတယ်။

5 months Ago
More News
Up