ဒေးဗစ်မိုယက်စ်

A d v e r t i s e m e n t With Us

January 21, 2021

တိုက်စစ်မှူး ၂ ဦး  ခေါ်ယူပေးရန် ဝက်စ်ဟမ်းနည်းပြ ဒေးဗစ်မိုယက်စ် တောင်းဆို

ဝက်စ်ဟမ်းအသင်းဟာ တိုက်စစ်မှူး ဟော်လာကို အေဂျက်ဇ်အသင်းဆီ ရောင်းချခဲ့တာ ကြောင့် အစားထိုးအသုံးပြုနိုင်မယ့် တိုက်စစ်စားသမားသစ် တစ်ဦး ရှာဖွေနေပါတယ်။ လက်ရှိအချိန်မှာတော့  ချန်ပီယံရှစ်ကလပ် ဘုန်းမောက်တိုက်စစ်မှူး ဂျိုရူအာကင်းနဲ့ ဘလက်ဘန်းတိုက်စစ်ကစားသမား အဒမ်အမ်းစတောင်းတို့ကို ခေါ်ယူပေးဖို့ နည်းပြ မိုယက်စ်က တောင်းဆိုထားတာပါ။  ဝက်စ်ဟမ်းအသင်းဟာ ပွဲစဉ် ၁၉ ပွဲအပြီးမှာ ၉ ပွဲနိုင် ၅ ပွဲ သရေ ၅ပွဲ ရှုံးနိမ့်ထားပြီး အဆင့်၇ နေရာမှာ ရပ်တည်နေတာ ဖြစ်ပါတယ်။  တိုက်စစ်မှူး တစ်ဦးခေါ်ယူချင်သလားဆိုရင်တော့ တစ်ဦးခေါ်ယူဖို့ စိတ်ဝင်စားပြီး သေချာ ရွေးချယ်သွားရမှာ ဖြစ်တယ်လို့ မိုယက်စ်က ပြောပါတယ်။  ဝက်စ်ဟမ်းအသင်းဟာ မနှစ်က ဘွန်ဒက်စ်လီဂါမှာ ခြေစွမ်းပြနေတဲ့ ဖရန့်ဖတ်တိုက်စစ်မှူး လာကာဂျိုဗစ်ကို ထုတ်ဖော်ချီးကျူးခဲ့ပါတယ်။ 
2 months Ago

January 17, 2021

ဒက်ကလန်ရိုက်ကို ချဲလ်ဆီးနှင့် မန်ယူ မကမ်းလှမ်းထားဟု ဝက်စ်ဟမ်းနည်းပြပြော

ကွင်းလယ်လူ ဒက်ကလန်ရိုက်အတွက် ချဲလ်ဆီးနဲ့ မန်ယူအသင်းတွေက ကမ်းလှမ်းထားတာ မရှိကြောင်း ဝက်စ်ဟမ်းနည်းပြ ဒေးဗစ်မိုယက်စ်က အတည်ပြုပါတယ်။  အင်္ဂလန်လက်ရွေးစင် ကွင်းလယ်လူ ဒက်ကလန်ရိုက်ကို ချဲလ်ဆီးက ပြန်လည်ခေါ်ယူဖို့ ကြိုးပမ်းခဲ့ဖူးပြီး ဒီနှစ်ရာသီမှာ မန်ယူအသင်းကလည်း ခေါ်ယူဖို့ စိတ်ဝင်စားလာခဲ့တာပါ။  ဒက်ကလန်ရိုက်အတွက် ချဲလ်ဆီးနဲ့ မန်ယူအသင်းဆီက ကမ်းလှမ်းမှု တစ်စုံတစ်ရာ မရှိကြောင်းနဲ့ သတင်းမှားတွေသာ ဖြစ်တယ်လို့ ဝက်စ်ဟမ်းနည်းပြ မိုယက်စ်က ပြောပါတယ်။ ဒက်ကလန်ရိုက်ဟာ အသင်းအတွက် ခမ်းနားတဲ့ စွမ်းဆောင်မှုတွေ လုပ်ဆောင်ထားပြီး အသင်းခေါင်းဆောင် မာ့ခ်နိုဘယ်လ်ပါဝင် ကစားနိုင်ခြင်းမရှိတဲ့ ကွင်းလယ်မှာ ကြီးမားတဲ့ ခေါင်းဆောင်တစ်ဦးဖြစ်တယ်လို့ နည်းမိုယက်စ်က ပြောပါတယ်။  ဝက်စ်ဟမ်းအသင်းဟာ အသက် ၂၂ နှစ်ရှိ ဒက်ကလန်ရိုက်အတွက် ပေါင်သန်း ၇၀ သတ်မှတ်ထားတယ်လို့ သိရပါတယ်။
2 months Ago
More News
Up