ဒေးဒရဲ

A d v e r t i s e m e n t With Us

March 8, 2021

ဒေးဒရဲဆန္ဒပွဲတွင် ဖမ်းဆီးခံရသူ ၃ ဦး ပြည်သူများ ဝိုင်းဝန်းတောင်းဆိုသဖြင့် ပြန်လွတ်

ဒေးဒရဲမြို့မှာ ဒီနေ့မနက် စစ်အာဏာရှင်ဆန့်ကျင်ရေး ဆန္ဒပြသူ ၃ ဦး ဖမ်းဆီးခံခဲ့ရပြီး ဆန္ဒပြည်သူတွေ ဝိုင်းဝန်း တောင်းဆိုတာကြောင့် ပြန်လွတ်လာပြီလို့  သိရပါတယ်။

ဒီနေ့ဆန္ဒပြပွဲကို မျိုးဆက်သစ်လူငယ်တွေ၊ ၈၈ ကျောင်းသားဟောင်းတွေ၊ ကျန်းမာရေး၊ ပညာရေးဌာန ဝန်ထမ်းတွေနဲ့ ပြည်သူအင်အား သောင်းနဲ့ချီ မြို့တွင်းလမ်းတွေဖြစ်တဲ့ လမ်းမတော်လမ်း၊ ပြည်တော်သာလမ်းနဲ့ ကမ်းနားလမ်းအတိုင်း ချီတက်ဆန္ဒပြခဲ့ကြတာလို့ ဆန္ဒပြသူတွေက ပြောပါတယ်။

ကမ်းနားလမ်းထောင့်မှာ ရဲနဲ့စစ်သားတွေ တားဆီးထားတာကြောင့် ဖွင့်ပေးဖို့ ညှိနှိုင်းစဉ် ရဲတွေက ပြည်သူ ၃ ဦးကို အကြမ်းဖက် ဖမ်းဆီးခဲ့တာလို့ ဆိုပါတယ်။

ဒီနောက် ဖမ်းဆီးထားသူတွေကို ပြန်လွှတ်ပေးဖို့ ဗိုလ်ချုပ်လမ်းမပေါ်ရှိ ဒေးဒရဲမြို့နယ် ရဲစခန်းအနီးမှာ ဆက်လက်ဝန်းရံတောင်းဆိုခဲ့ရာ နေ့လယ်ပိုင်းမှာ ပြန်လွှတ်ပေးခဲ့တာကြောင့် ဝန်းရံပြည်သူတွေ အေးချမ်းစွာ လူစုခွဲခဲ့ကြတယ်လို့ သိရပါတယ်။

59 mins Ago

June 19, 2020

ဒေးဒရဲမြို့နယ် လေးကျေးရွာ ကျောင်းဆရာအမှု စွဲချက်တင် အမိန့်ချ

ဧရာဝတီတိုင်း၊ ဒေးဒရဲမြို့နယ်၊ လေးကျေးရွာရှိ ကျောင်းမြေ လန ၃၉ ကို လိမ်လည် လျှောက်ထားတယ်ဆိုပြီး တရားစွဲဆိုထားတဲ့ ကျောင်းဆရာနဲ့ အကျိုးတော်ဆောင်တွေရဲ့အမှုကို ဇွန် ၁၈ ရက်နေ့က ၄၆ ကြိမ်မြောက် ရုံးထုတ်စစ်ဆေးခဲ့ပြီး စွဲချက်တင်အမိန့် ချမှတ်ခဲ့ပါတယ်။ အမှုနဲ့ ပတ်သက်ပြီး စွပ်စွဲခံရတဲ့ ကျောင်းဆရာနှင့် အကျိုးတော်ဆောင်တွေကို မနေ့က ရုံးထုတ် စစ်ဆေးချိန်မှာ တရားစွဲဆိုခံထားရမှုနဲ့ပတ်သက်ပြီး စွဲချက်တင်တဲ့အမိန့်ချမှတ်ခဲ့တယ်လို့ စွပ်စွဲခံထားရသူတွေဘက်က လိုက်ပါဆောင်ရွက်ပေးနေတဲ့ တရားလွှတ်တော်ရှေ့နေ ဦးခင်မောင်လွင်က DVB ကို ပြောပါတယ်။ "တဖက်က တရားလိုစစ်ဆေးပြီးရင်တော့ စွဲချက်အမိန့်ချရတယ်၊ စွဲချက်တင်တာရှိတယ် မတင်တာရှိတယ်။ စွဲချက်တင်တယ်ဆိုတာကတော့ ဖြေရှင်းဖို့တာဝန်ပေးတာ၊ စွဲချက်မတင်ရင်တော့ တရားရှင်လွှတ်တာ။ စွဲချက်တင်တယ်ဆိုတာကတော့ စွပ်စွဲခံရသူတွေကို ပြန်စစ်ဆေးဖို့အတွက် အမိန့်ချတဲ့သဘောဖြစ်တယ်။" လာမယ့် ဇူလိုင်လ ၂ ရက်နေ့ ရုံးချိန်မှာ တရားလိုဘက်က စစ်ပြီးသား သက်သေ ၂ ဦးနဲ့ စွပ်စွဲ ခံထားရတဲ့ ကျောင်းဆရာနဲ့ ကျောင်းအကျိုးတော်ဆောင်ကော်မတီဝင် ၁ ဦးကို ထပ်မံစစ်ဆေး သွားဖို့ရှိတာကြောင့် အမှုကတော့ ၃ လ ၄ လလောက်ကြာနိုင်သေးတယ်လို့ ဆိုပါတယ်။ လေးကျေးရွာက ကျောင်းဆရာနဲ့ အကျိုးတော်ဆောင်ကော်မတီကို လန ၃၉ ကို လိမ်လည် လျှောက်ထားတယ်ဆိုပြီး ၂၀၁၈ ခုနှစ် သြဂုတ်လ ၂ ရက်နေ့မှာ ပုဒ်မ ၄၂၀၊ ၄၆၈ တို့နဲ့ တရားစွဲဆိုကာ ပထမဆုံးအကြိမ်ရုံးထုတ်စစ်ခဲ့တာပါ။ အမှုနဲ့ပတ်သက်ပြီး ကျောင်းဆရာနဲ့ အကျိုးတော်ဆောင်တွေကို တရားစွဲဆိုတဲ့အပေါ် မတရား တရားစွဲဆိုခြင်းသာဖြစ်တယ်ဆိုပြီး ၂၀၁၈ ခုနှစ် သြဂုတ်လ ၁၂ ရက်နေ့မှာ ပညာရေးဝန်ထမ်းတွေနဲ့ ဒေသခံပြည်သူ ၅၀၀ နီးပါးက မြို့နယ်အတွင်းမှာ ဆန္ဒဖော်ထုတ်တာတွေ ပြုလုပ်ခဲ့ကြပါတယ်။ မင်းထက်မုန်း (ပုသိမ်)
9 months Ago
Up