ဒေါ်လာ ၂ ဘီလီယံ

May 19, 2020

COVID-19 တုံ့ပြန်ရေးကူညီရန် ဒေါ်လာ ၂ ဘီလီယံ ထည့်ဝင်မည်ဟု တရုတ်သမ္မတ ကတိပေး

COVID-19 တုံ့ပြန်ရေးမှာ ကူညီဖို့ နှစ်နှစ်အတွင်း အမေရိကန်ဒေါ်လာ ၂ ဘီလီယံ ထည့်ဝင်သွားမယ်လို့ တရုတ်သမ္မတရှီကျင့်ဖျင်က ကမ္ဘာ့ကျန်းမာရေးညီလာခံ ဗွီဒီယိုကွန်ဖရင့် အစည်းဝေးမှာ ကတိပြုပြောပါတယ်။ တရုတ်အစိုးရရဲ့ ကိုရိုနာဗိုင်းရပ်စ် ကိုင်တွယ်ပုံကို ကာကွယ်ပြောဆိုပြီး ကမ္ဘာ့ကျန်းမာရေးအဖွဲ့ ကြီးကြပ်မှုနဲ့ ကမ္ဘာလုံးဆိုင်ရာ ကပ်ရောဂါတုံ့ပြန်ရေးကို သုံးသပ်ဖို့ တရုတ်သမ္မတရှီကျင့်ဖျင်က မေ ၁၈ ရက်မှာ တိုက်တွန်းလိုက်ပါတယ်။ နှစ်ရက်ကြာ အစည်းအဝေးအတွင်း ကမ္ဘာတဝန်းက ကျန်းမာရေးဝန်ကြီးတွေဟာ  ကမ္ဘာ့ကျန်းမာရေးအဖွဲ့ WHO ရဲ့ စွမ်းဆောင်ရည်အပေါ် လွတ်လပ်စွာ အကဲဖြတ်မယ့်  ဆုံးဖြတ်ချက်တွေကို ထောက်ခံသွားမယ်လို့ မျှော်လင့်ရပါတယ်။  အမေရိကန်သမ္မတ ဒေါ်နယ်ထရမ့် ဦးဆောင်ပြီး WHO ရဲ့ စွမ်းဆောင်ရည်အပေါ်   ဝေဖန်ထားကြပါတယ်။ ဒီညီလာခံမှာ ဒေါက်တာတက်ဒရိုလက်ထက် WHO ရဲ့ စွမ်းဆောင်ရည်အပေါ်  လွတ်လပ်စွာ အကဲဖြတ်ဖို့ တောင်းဆိုထားတဲ့ ဥရောပသမဂ္ဂကနေ တင်ပြတဲ့ ဆုံးဖြတ်ချက်ကို  ဆွေးနွေးသွားဖွယ်  ရှိပါတယ်။    ရိုက်တာက မြင်တွေ့ရတဲ့ မူကြမ်းဆုံးဖြတ်ချက်ဆိုင်ရာ နာမည်တွေကို WHO အဖွဲ့ဝင်  နိုင်ငံပေါင်း ၁၉၄ နိုင်ငံအနက် ၁၁၆ နိုင်ငံက ထောက်ခံထားပါတယ်။
2 years Ago

March 12, 2020

ဆိုင်ကလုန်းဒဏ်သင့် နိုင်ငံများ ထူထောင်ရေး ကန်ဒေါ်လာ ၂ ဘီလီယံကျော် လိုအပ်

လူပေါင်း ၆၈၀ ကျော် သေဆုံးခဲ့တဲ့ ဆိုင်ကလုန်း အိုင်ဒါ ဝင်ရောက်ခဲ့တာ မတ် ၁၄ ရက် ဆိုရင် တနှစ်ပြည့်တော့မှာပါ။  တောင်အာဖရိကနိုင်ငံ ၃ ခုဖြစ်တဲ့ မိုဇမ်ဘစ်၊ ဇင်ဘာဘွေနဲ့ မာလာဝီနိုင်ငံတွေမှာ ဆိုင်ကလုန်း အိုင်ဒါ ဝင်ရောက်ခဲ့တဲ့အတွက် အပျက်အစီး အများအပြားဖြစ်ခဲ့ပြီး လူပေါင်းသိန်းချီ နေရပ်စွန့်ခွာခဲ့ရပါတယ်။ ဆိုင်ကလုန်းဒဏ် အဆိုးရွားဆုံးခံရတဲ့ မိုဇမ်ဘစ်နိုင်ငံ ဘေးရာဆိပ်ကမ်းဟာ ဥရောပတိုက်က လူဇင်ဘတ်နိုင်ငံ အရွယ်အစားလောက် ရှိပါတယ်။  ကုလသမဂ္ဂ ထုတ်ပြန်ချက်အရ ဆိုင်ကလုန်း အိုင်ဒါကြောင့် လူပေါင်း ၁ သန်းကျော် ထိခိုက်ခဲ့ပါတယ်။  ဆိုင်ကလုန်း အိုင်ဒါကို  မိုးလေဝသနဲ့ဆိုင်တဲ့ အဆိုးရွားဆုံး ဘေးအန္တရာယ်တွေထဲက တခုလို့ သတ်မှတ်ထားပြီး ဆိုင်ကလုန်းဒဏ်သင့် နိုင်ငံတွေ ပြန်ထူထောင်ရေးအတွက် အမေရိကန်ဒေါ်လာ ၂ ဘီလီယံကျော် လိုအပ်မယ်လို့ ကမ္ဘာ့ဘဏ်က ခန့်မှန်းထားပါတယ်။  ရာသီဥတု ပြောင်းလဲမှုဟာ မိုးလေဝသဖြစ်စဉ် တခုတည်းကြောင့် မဟုတ်ဘဲ ကမ္ဘာကြီး ပူနွေးလာတာကြောင့် ကမ္ဘာအနှံ့ မိုးကြီးတာတွေ၊ မုန်တိုင်းဝင်တာတွေ၊ အပူလှိုင်းဖြတ်တာတွေ၊ ရိတ်သိမ်းချိန် လျော့နည်းတာနဲ့ ရေပြတ်လပ်တာတွေကို ပိုမိုဖြစ်စေတယ်လို့ သိပ္ပံပညာရှင်တွေက ပြောနေကြပါတယ်။  
2 years Ago
Up