ဒေါ်နွယ်နွယ်အောင်

March 29, 2022

မော်လမြိုင် NLD ပါတီအမတ် ကျန်းမာရေး အာမခံ ပယ်ချခံရ

အကျဉ်းထောင်ထဲမှာ နှလုံးရောဂါခံစားနေရတဲ့ ဖမ်းဆီးခံ မော်လမြိုင် NLD ပါတီအမတ် ဒေါ်နွယ်နွယ်အောင်ရဲ့ ကျန်းမာရေး အာမခံလျှောက်ထားမှု ပယ်ချခံလိုက်ရတယ်လို့ တရားရုံးနဲ့ နီးစပ်သူတွေက ဒီဗွီဘီကို ပြောပါတယ်။

ဒေါ်နွယ်နွယ်အောင် နှလုံးရောဂါ ခံစားနေရတာကြောင့် ပြီးခဲ့တဲ့ မတ် ၂၂ ရက်နေ့ ရုံးချိန်းမှာ သူရဲ့ ရှေနေ့အဖွဲ့က ကျန်းမာရေး အာမခံ လျှောက်ထားခဲ့ပါတယ်။

ကျန်းမာရေး အာမခံ လျှောက်ထားမှုကို ဒီကနေ့ မတ်လ ၂၉ ရက်‌နေ့ ရုံးချိန်းမှာ မော်လမြိုင်မြို့နယ်တရားရုံးက ပယ်ချလိုက်တာပါ။

မော်လမြိုင်မြို့နယ် အမျိုးသားဒီမိုကရေစီအဖွဲ့ချုပ် (NLD) ပါတီ အမတ် ဒေါ်နွယ်နွယ်အောင်ကို စစ်ကောင်စီက အကြမ်းဖက်အဖွဲ့အစည်းနဲ့ ပူးပေါင်းဆောင်ရွက်တာ၊ ငွေကြေး ထောက်ပံ့တယ်ဆိုတဲ့ စွပ်စွဲချက်တွေနဲ့ ဖမ်းဆီးပြီးနောက် အကြမ်းဖက်မှု တိုက်ဖျက်ရေး ဥပဒေ ပုဒ်မ ၅၂ (က) နဲ့ အမှုဖွင့်ထားတာပါ။

ဒေါ်နွယ်နွယ်အောင်ဟာ စစ်ကောင်စီက စွဲဆိုထားတဲ့ အကြမ်းဖက် ဥပဒေ ပုဒ်မ ၅၂ (က) အရ ပြစ်မှုထင်ရှားရင် ထောင်ဒဏ် ၇ နှစ်ထိဖြစ်စေ ငွေဒဏ်ပါ ချမှတ်ခံရနိုင်ပါတယ်။

တရားလွှတ်တော် ရှေနေ့တဦးလည်းဖြစ်တဲ့ NLD ပါတီအမတ် ဒေါ်နွယ်နွယ်အောင်ကို အာဏာသိမ်း စစ်ကောင်စီက ကျိုက်မရောဗဟိုအကျဉ်းထောင်မှာ ဖမ်းဆီးထိန်းသိမ်းထားတာပါ။

3 months Ago

March 23, 2022

ဖမ်းဆီးခံ မော်လမြိုင်အန်အယ်လ်ဒီအမတ်၏ ကျန်းမာရေးအာမခံလျှောက်ထားမှု အမိန့်ချမည်

အကျဉ်းထောင်ထဲမှာ နှလုံးရောဂါခံစားနေရတဲ့ ဖမ်းဆီးခံ မော်လမြိုင် အန်အယ်လ်ဒီပါတီအမတ် ဒေါ်နွယ်နွယ်အောင်ကို လာမယ့် ရုံးချိန်းမှာ ကျန်းမာရေးအာမခံ ပေး၊ မပေး တရားရုံးက အမိန့်ချမှတ်ဖို့ ရှိတယ်လို့ တရားရုံးနဲ့ နီးစပ်သူတွေက  ဒီဗွီဘီကို ပြောပါတယ်။

မော်လမြိုင်မြို့နယ် အမျိုးသားဒီမိုကရေစီအဖွဲ့ချုပ် အန်အယ်လ်ဒီပါတီ အမတ် ဒေါ်နွယ်နွယ်အောင်ကို အကြမ်းဖက်အဖွဲ့အစည်းနဲ့ ပူးပေါင်းဆောင်ရွက်တာ၊ ငွေကြေး ထောက်ပံ့တယ်ဆိုတဲ့ စွပ်စွဲချက်တွေနဲ့ စစ်ကောင်စီက  ဖမ်းဆီးပြီးနောက် အကြမ်းဖက်မှု တိုက်ဖျက်ရေး ဥပဒေ ပုဒ်မ ၅၂ (က) နဲ့ အမှုဖွင့်ထားတာပါ။

လွှတ်တော်အမတ် ဒေါ်နွယ်နွယ်အောင်ဟာ အခုအခါမှာတော့ ကျိုက်မရော ဗဟိုအကျဉ်းထောင်ထဲမှာ နှလုံးရောဂါ ခံစားနေရတာ ဖြစ်ပါတယ်။

ဒါကြောင့် မတ်လ ၂၂ ရက်နေ့က ရုံးချိန်းမှာ သူရဲ့ ရှေ့နေအဖွဲ့က ကျန်းမာရေး အာမခံပေးဖို့ လျှောက်ထားခဲ့ပြီးနောက် နှစ်ဖက် လျှောက်လဲချက်ပေးထားတာ ဖြစ်ပါတယ်။

နှလုံးရောဂါခံစားနေရတဲ့ ဒေါ်နွယ်နွယ်အောင်ကို လာမယ့် မတ်လ ၂၉ ရက်နေ့ ရုံးချိန်းမှာ ကျန်းမာရေး အာမခံ ပေး မပေး အမိန့်ချမှတ်ဖို့ ရှိနေတာပါ။

ဒေါ်နွယ်နွယ်အောင်ဟာ မော်လမြိုင်မြို့နယ် အမျိုးသားဒီမိုကရေစီအဖွဲ့ပါတီ ဥက္ကဋ္ဌလည်း ဖြစ်သလို ၂၀၁၅ ၊ ၂၀၂၀ အထွေထွေရွေးကောက်ပွဲတွေမှာ အနိုင်ရရှိခဲ့တဲ့ ကိုယ်စားလှယ်တစ်ဦးလည်း ဖြစ်ပါတယ်။

3 months Ago
More News
Up