ဒေါက်ဂလပ်ကော်စတာ

October 6, 2020

တောင်ပံတိုက်စစ်မှူး  ဒေါက်ဂလပ်ကော်စတာကို ဘိုင်ယန်အသင်း ပြန်ခေါ်ယူ

ဘိုင်ယန်မြူးနစ်အသင်းဟာ ဂျူဗင်တပ်စ်က  တောင်ပံတိုက်စစ်မှူး ဒေါက်ဂလပ်ကော်စတာကို တစ်နှစ် အငှားစာချုပ်နဲ့ ပြန်လည်ခေါ်ယူလိုက်ပါတယ်။ ကော်စတာဟာ ၂၀၁၅ ခုနှစ်က ယူကရိန်းကလပ် ရှက်တာဒိုးနက်အသင်းကနေ ဘိုင်ယန်အသင်းဆီ ပြောင်းရွှေ့ခဲ့ပြီး ၂ နှစ်ကြာ ကစားခဲ့ဖူးတာပါ။  ၂၀၁၇ ခုနှစ်မှာ ဂျူဗင်တပ်စ်အသင်းဆီ အငှားပြောင်းရွှေ့ခဲ့ပြီး ၂၀၁၈ ခုနှစ်မှာ အပြီးသတ်ပြောင်းရွှေ့ခဲ့တာ ဖြစ်ပါတယ်။ ဂျူဗင်တပ်စ်နဲ့ နှစ်ရာသီ ကြာကာလအတွင်း စုစုပေါင်း ၁၀၃ ပွဲကစားခဲ့ပြီး ၁၀ ဂိုး သွင်းခဲ့ပါတယ်။  အသက် ၃၀ ရှိ တောင်ပံတိုက်စစ်မှူး ဒေါက်ဂလပ်ကော်စတာဟာ ၂၀၁၅ ခုနှစ်ကနေ ၂၀၁၇ ခုနှစ်အထိ ဘိုင်ယန်မြူးနစ်အတွက် စုစုပေါင်း ၇၇ ပွဲ ကစားခဲ့ပြီး ၁၄ ဂိုး သွင်းယူပေးခဲ့ပါတယ်။  ဘိုင်ယန်မြူးနစ်အသင်းဟာ  မာဆေး နောက်ခံလူ ဘွန်နာဆား၊ ပီအက်စ်ဂျီတိုက်စစ်မှူး ချူပိုမော့တီး၊ အက်စ်ပန်ညိုကွင်းလယ်လူ မာ့ရိုကာတို့ကိုလည်း ခေါ်ယူနိုင်ခဲ့ပါတယ်။
7 months Ago

September 23, 2020

ဒေါက်ဂလပ်ကော်စတာ ဝုဗ်အသင်းဆီ ပြောင်းရွှေ့ရန် စီစဉ်

ဂျူဗင်တပ်စ် တောင်ပံကစားသမား ဒေါက်ဂလပ်ကော်စတာဟာ ဝုဗ်ဗာဟမ်တန်အသင်းကို အမှတ်မထင် ပြောင်းရွှေ့နိုင်တယ်လို့ သတင်းထွက်ပေါ်နေပါတယ်။ ကော်စတာဟာ နည်းပြသစ် ပီယာလိုလက်ထက်မှာ ပွဲထွက်ခွင့်ရဖို့ အခြေအနေ မကောင်းတာကြောင့် အသင်းပြောင်းဖို့ ရှိနေတာပါ။ ကော်စတာရဲ့ အေးဂျင့်ဖြစ်သူ ဂျော့စ်မန်ဒက်စ်ဟာလည်း ကော်စတာအတွက် အသင်းသစ် ရှာဖွေနေပြီး ဝုဗ်ဗာဟမ်တန်အသင်းဆီ ပြောင်းရွှေ့ဖို့ ဆွေးနွေးနေတယ်လို့ ဆိုပါတယ်။ ဝုဗ်အသင်းဟာလည်း တိုက်စစ် ကစားသမား ဒီယေဂိုဂျိုတာကို လီဗာပူးအသင်းဆီ ရောင်းချခဲ့တာကြောင့် တိုက်စစ်ကစားသမားတစ်ဦး ပြန်လည်ခေါ်ယူလိုနေတယ်လို့ သိရပါတယ်။ ကော်စတာဟာ ဆမ်ဒိုးရီးယားကို ၃ ဂိုး ဂိုးမရှိနဲ့ အနိုင်ရခဲ့တဲ့ စီးရီးအေပွဲစဉ်မှာ ၈ မိနစ်သာ လူစားဝင်ကစားခဲ့ရတာ ဖြစ်ပါတယ်။ အသက် ၃၀ ရှိ ဘရာဇီးကစားသမား ဒေါက်ဂလပ်ကော်စတာဟာ ရှက်တာဒိုးနက်နဲ့ ဘိုင်ယန်မြူးနစ်အသင်းတွေ ကစားခဲ့ပြီးနောက် ၂၀၁၈ ခုနှစ်မှာ ဂျုဗင်တပ်စ်အသင်းဆီ အပြီးသတ် ပြောင်းရွှေ့ခဲ့တာ ဖြစ်ပါတယ်။
7 months Ago
Up