ဒုသမ္မတ ဦးဟင်နရီဗန်ထီးယူ၏ အိမ်ရှေ့မှ တိုက်ရိုက်သတင်းပို့ချက် (ရုပ်သံ)

September 17, 2017

ဒုသမ္မတ ဦးဟင်နရီဗန်ထီးယူ ကုလသမဂ္ဂညီလာခံ တက်ရောက်ရန် ထွက်ခွာ

ဒုတိယသမ္မတ ဦးဟင်နရီဗန်ထီးယူဟာ အမေရိကန်နိုင်ငံ နယူးယောက်မြို့မှာ ကျင်းပမယ့် ၇၂ ကြိမ်မြောက် ကုလသမဂ္ဂအထွေထွေညီလာခံ အထွေထွေမူဝါဒရေးရာ ဆွေးနွေးပွဲ တက်ရောက်ဖို့ စက်တင်ဘာ ၁၆ ရက်ညက ရန်ကုန်မြို့ကနေ လေကြောင်းခရီးနဲ့ ထွက်ခွာသွားပါတယ်။ ဒုသမ္မတ ဦးဟင်နရီဗန်ထီးယူဟာ စက်တင်ဘာ ၂၀ ရက်နေ့ ၇၂ ကြိမ်မြောက် ကုလသမဂ္ဂအထွေထွေညီလာခံမှာ အထွေထွေမူဝါဒရေးရာဆွေးနွေးပွဲကို တက်ရောက်ဖို့ရှိပြီး  မြန်မာနိုင်ငံအကြောင်းကို  ရှင်းလင်းပြောကြားမှာဖြစ်ပါတယ်။ အရင်တုန်းက အထွေထွေညီလာခံကို နိုင်ငံခြားရေးဝန်ကြီးတွေ သွားတာများပေမယ့် အခုအခါ ရခိုင်ကိစ္စနဲ့ ငြိမ်းချမ်းရေးကိစ္စတွေနဲ့ပတ်သက်ပြီး ရှင်းလင်းပြောကြားမှာဖြစ်တဲ့အတွက် ဒုတိယသမ္မတအဆင့် သွားရောက်တာ ဖြစ်ပါတယ်။ ဒုတိယသမ္မတ ဦးဟင်နရီဗန်ထီးယူနဲ့အဖွဲ့ကို ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း၊ တိုင်းဒေသကြီးဝန်ကြီးတွေ၊ မြန်မာနိုင်ငံဆိုင်ရာ အမေရိကန်နိုင်ငံ သံအမတ်ကြီးနဲ့ တာဝန်ရှိသူတွေက ပို့ဆောင်ခဲ့ကြတယ်လို့ အစိုးရက သတင်းထုတ်ပြန်ပါတယ်။ ဒုတိယသမ္မတနဲ့အတူ အမျိုးသားလုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်း၊ နိုင်ငံခြားရေးဝန်ကြီးဌာန ဒုတိယဝန်ကြီး ဦးကျော်တင်နဲ့ တာဝန်ရှိသူတွေ လိုက်ပါသွားတယ်လို့ ဆိုပါတယ်။
4 years Ago

April 20, 2017

ဒုသမ္မတ ဦးဟင်နရီဗန်ထီးယူ နယ်သာလန်နိုင်ငံသွားရောက် - ဓာတ်ပုံ

မြန်မာ ဒုသမ္မတ ဦးဟင်နရီဗန်ထီးယူ ဦးဆောင်တဲ့ မြန်မာကိုယ်စားလှယ်အဖွဲ့ဟာ နယ်သာလန်နိုင်ငံ ဒုဝန်ကြီးချုပ် လိုဒီဝီဂ်ျ အက်စ်ချာ ရဲ့ ဖိတ်ကြားချက်အရ နယ်သာလန်နိုင်ငံသို့ အလုပ်သဘော ခရီးစဉ်သွားရောက်နေတယ်လို့ နိုင်ငံတော်သမ္မတရုံး လူမှုကွန်ရက်မှာ သတင်းထုတ်ပြန်ထားပါတယ်။ ဒုသမ္မတနဲ့ အတူ ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင်မောင်နဲ့ ဝန်ကြီးဌာနတွေက တာဝန်ရှိသူတွေ လိုက်ပါသွားကြပြီး နယ်သာလန်နိုင်ငံ စကစ်ပိုလေဆိပ်ကို ဧပြီ ၁၉ရက် ဒေသစံတော်ချိန် ညနေ ၄ နာရီခွဲတွင် ရောက်ရှိသွားတယ်လို့ ဆိုပါတယ်။
5 years Ago
More News
Up