ဒုတိယနေရာ

December 30, 2020

မန်ယူနိုက်တက်က ဝုဒ်ကို (၁-၀) ဂိုးဖြင့်နိုင်ပြီး အမှတ်ပေးဇယား ဒုတိယနေရာကို တက်လာ

မနေ့ညကကန်သွားတဲ့ ပရီးမီးယားလိဂ်ပွဲစဉ်မှာ မန်ချက်စတာယူနိုက်တက်အသင်းက ဝုဗ်အသင်းကို ၁ ဂိုး ဂိုးမရှိနဲ့ အနိုင်ရရှိပြီး အမှတ်ပေးဇယား ဒုတိယနေရာကို တက်လာခဲ့ပါတယ်။ ဒီပွဲအနိုင်ရတာဟာ  ကံကြမ္မာရဲ့ ဖေးမမှု အနည်းငယ် ပါဝင်ခဲ့တယ်လို့ ယူနိုက်တက်နည်းပြ ဆိုးလ်ရှားက ဝန်ခံပါတယ်။  ဒါပေမဲ့ အသင်းရဲ့အစဉ်အလာ တစ်ခုဖြစ်တဲ့ နောက်ဆုံးမိနစ်မှာအနိုင်ဂိုး သွင်းယူနိုင်ခဲ့ခြင်း အတွက်လည်း ဝမ်းမြောက်မိတယ်လို့ ပြောပါတယ်။  မားကပ်ရက်ရှ်ဖို့ဒ်ရဲ့ နာကျင်အချိန်ပိုကန်ချက်ဟာ ဝုဗ်နောက်ခံလူနဲ့ထိပြီး လမ်းကြောင်း ပြောင်းကာ ဂိုး ဝင်သွားခဲ့ပါတယ်။  ဒီဂိုးကြောင့်ယူနိုက်တက်အသင်းဟာ အမှတ်ပေးဇယားကို  ဦးဆောင်နေတဲ့ လီဗာပူးအသင်း နဲ့ ၂ မှတ်အကွာကို ရောက်ရှိလာခဲ့ပြီ ဖြစ်ပါတယ်။  “ကံကောင်းမှုပါပဲ။ ပွဲပြီးခါနီးမှ ရရှိခဲ့တဲ့ဂိုးတွေကြောင့် အမှတ်ရရှိတာမျိုး များများ စားစားမရှိပါဘူး။ ကျနော်တို့ အရင်တုန်းက ဒီလိုပုံစံမျိုးနဲ့ အနိုင်ရရှိခဲ့တာမျိုးတွေ ရှိပါတယ်။ ဒါဟာအသင်းအတွက် စိတ်ပိုင်း၊ ရုပ်ပိုင်း နှစ်ခုစလုံးနဲ့သက်ဆိုင်နေပါတယ်။ နှစ်ခုစလုံး ပိုအားကောင်းလာပါတယ်။ ကျနော်တို့ ခက်ခဲတဲ့ လေ့ကျင့်ခန်းအစီစဉ်တွေ အများကြီးလုပ်ကာ ပွဲတွေ အများကြီးကစားခဲ့ရပြီးနောက် ကစားသမားတွေဟာ အံဝင်သထက်အံဝင်လာပါတယ်” လို့ ဆိုးလ်ရှားကပြောပါတယ်။  ဒီလိုအံဝင်လာလေ လုပ်နိုင်စွမ်းတွေ ပိုမြင့်တက်လာလေဖြစ်ပြီး စိတ်ပိုင်းဆိုင်ရာအရလည်း နောက်ဆုံးမှာ နိုင်ကို နိုင်မယ်ဆိုတဲ့ ယုံကြည်မှုကိုဖြစ်စေတယ်လို့ သူကပြောပါတယ်။  ယူနိုက်တက်အသင်းဟာ နောက်ပိုင်းပွဲစဉ်တွေမှာ ဝုဗ်အသင်းနဲ့တွေ့တိုင်း ရုန်းကန်ခဲ့ ရတာကြောင့် နူနိုဆန်းတို့စ်ရဲ့အသင်းကို ပထမဆုံးအဖြစ် လိဂ်ပွဲမှာအနိုင်ရရှိခဲ့တဲ့အပေါ် ဝမ်းမြောက်မိတယ်လို့ ဆိုးလ်ရှားက ပြောပါတယ်။
5 months Ago

November 3, 2019

‌ဒေါ့မွန်က ဝု့စ်ဘက်ကို ၃ ဂိုးပြတ်အနိုင်ရပြီး အမှတ်ပေးဇယား ဒုတိယနေရာတက်လှမ်း (ရုပ်သံဟိုက်လိုက်)

မနေ့ညက ယှဉ်ပြိုင်သွားတဲ့ ဂျာမန် ဘွန်ဒတ်စ်လီဂါမှာပဲ ဒေါ့မွန်က ဝု့စ်ဘက်ကို ၃ ဂိုးပြတ် အနိုင်ရသွားပါတယ်။  ဒီပွဲမှာ ဒေါ့မွန်က ဘောလုံးပိုင်ဆိုင် အသာစီးယူနိုင်သလို ဂိုးပေါက် ကန်သွင်းခွင့်လည်း ပိုရခဲ့ပါတယ်။ ဒေါ့မွန်အတွက် ဦးဆောင်ဂိုးကို ၅၂ မိနစ်မှာ ဟာဇက်က သွင်းယူခဲ့ပြီး ဒုတိယဂိုးကို ၅၈ မိနစ်မှာ ဂရူယိုက သွင်းယူပါတယ်။  အိမ်ရှင် ဒေါ့မွန်အတွက် တတိယဂိုးကို တဖက်လူ လက်ထိဘောဖြစ်တာကြောင့် ပင်နယ်တီရရှိခဲ့ပြီး ဂေါ်ဇီက အမှားအယွင်း မရှိ သွင်းယူပါတယ်။  ဒီပွဲနိုင်လိုက်လို့ ဒေါ့မွန်အသင်းဟာ အမှတ်ပေးဇယားရဲ့ ဒုတိယနေရာကို တက်လှမ်းသွားပြီး ဇယားထိပ်က မွန်ချန်ဂလတ်ဘတ်နဲ့ ၃ မှတ်အကွာမှာ ရပ်တည်နေပါတယ်။
2 years Ago
Up