ဒုက္ခသည်စခန်း

A d v e r t i s e m e n t With Us

October 5, 2018

ရခိုင်ပြည်နယ်ရှိ ဒုက္ခသည်စခန်း ၁၈ ခုအနက် ၁ခု ပိတ်သိမ်း

ရခိုင်ပြည်နယ်မှာဖွင့်လှစ်ထားတဲ့ ဒုက္ခသည်စခန်း ၁၈ ခုအနက် ၁ ခုကိုပိတ်သိမ်းပြီး ကျန်စခန်းတွေပိတ်သိမ်းဖို့ စနစ်တကျ ဆက်လက်လုပ်ဆောင်နေတယ်လို့ ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆောင်ရွက်ရေးကော်မတီရဲ့ အစီရင်ခံစာမှာ ဖော်ပြပါတယ်။ ကော်မတီရဲ့ ၂ဝ၁၈ ခုနှစ် မေလကနေ သြဂုတ်လအထိ လုပ်ငန်းဆောင်ရွက်မှုတွေနဲ့ စပ်လျဉ်းတဲ့ ပြည်သူသို့ အစီရင်ခံစာအရ ကျောက်တော်၊ နိဒင်ဒုက္ခသည်စခန်းကို ပိတ်သိမ်း ခဲ့တာ ဖြစ်ပါတယ်။ စစ်တွေမြို့နယ်မှာ ဒုက္ခသည်စခန်း (၁၂) ခု၊ ပေါက်တောမြို့နယ်မှာ (၄)ခု၊ မြေပုံမြို့နယ်မှာ (၁)ခု၊ ကျောက်ဖြူမြို့နယ်မှာ (၁) ခု စုစုပေါင်း (၁၈)ခု ဖွင့်လှစ်ထားတာပါ။ မြေပုံမြို့နယ်ရှိ တောင်ပေါ်ဒုက္ခသည် စခန်းကို ပိတ်သိမ်းနေပြီး စစ်တွေမြို့နယ်ရှိ သက္ကယ်ပြင် စခန်း၊ ခေါင်းဒုက္ခာ (၁) နဲ့ (၂) စခန်း၊ ကျောက်ဖြူမြို့နယ်ရှိ ကျောက်တစ်လုံး IDP စခန်းတွေ ပိတ်သိမ်းနိုင်ဖို့  ညှိနှိုင်းဆောင်ရွက်နေတယ်လို့ သိရပါတယ်။ ရခိုင်ပြည်နယ်အတွင်းက ဒုက္ခသည်စခန်းတွေ ပိတ်သိမ်းရေးကို ဆောင်ရွက်နေရာမှာ မြေပုံမြို့၊ တောင်ပေါ်စခန်းမှာ နေသူတွေကို ပြန်လည်နေရာချထားဖို့အတွက် နယ်စပ်ရေးရာ ဝန်ကြီးဌာန ရန်ပုံငွေနဲ့  နေအိမ်အလုံး ၁ဝဝ ကို ဆောက်လုပ်နေရာချထားပေးပြီး ဖြစ်ပါတယ်။ အဲ့ဒီစခန်းမှာ နေအိမ်အလုံး ၁ဝဝ ထပ်မံ ဆောက်လုပ်နေပြီး  စခန်းတွေပိတ်သိမ်းရာမှာ စနစ်တကျဆောင်ရွက်နိုင်ဖို့ စခန်းများပိတ်သိမ်းရေး မဟာဗျူဟာစီမံချက်(မူကြမ်း) ရေးဆွဲနေ တယ်လို့လည်း အစီရင်ခံစာမှာ ဖော်ပြထားပါတယ်။
2 years Ago

April 3, 2018

ဘင်္ဂလားဒေ့ရ်ှဒုက္ခသည်စခန်းကို မြန်မာတာဝန်ရှိသူများ သွားရောက်လေ့လာမည်

  ဘင်္ဂလားဒေ့ရ်ှဘက်က ဒုက္ခသည်စခန်းတွေကို ဧပြီ ၁၁ရက်နေ့လောက်မှာ သွားရောက်ပြီး မိုးရာသီမှာ နေထိုင်ဖို့အဆင်မပြေတဲ့ ဒုက္ခသည်တွေကို ဦးစားပေး ပြန်လည်ခေါ်ယူနိုင်အောင် လုပ်ဆောင်သွားမယ်လို့ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီး ဒေါက်တာဝင်းမြတ်အေးက ပြောပါတယ်။ “မိုးရာသီကလည်း လာတော့မယ်။ မိုးရာသီဆိုရင် ဒုက္ခရောက်နိုင်တဲ့ နေရာတွေရှိတယ်။ လူကများနေတာ ဆိုတော့လေ။ ဟိုဘက်မှာက မိုးရွာလို့ရင် ရေအိုင်တဲ့ နေရာတွေလည်း ရှိတယ်လို့လည်း သတင်းကြားရတော့ အဲဒီလူတွေကို အရင်ဆုံး ဒီဘက်ကို ပြန်ရောက်လာနိုင်ရင် ကောင်းတာပေါ့။ သူတို့အတွက်လည်း ကောင်းတာပေါ့။ ဘာဖြစ်ဖြစ် ကျနော်တို့က ညှိနှိုင်းဖို့ လိုတယ်။ စာပို့နေရတာ ကြာလို့လေ။ အဲဒါကြောင့် လူကိုယ်တိုင်သွားဖို့ စီစဉ်တာ။ လူကိုယ်တိုင် သွားတဲ့အခါကျတော့ ဟိုဘက်က စီစဉ်ပေးလို့ ကျနော်တို့ ကန့်တွေ ဘာတွေအထိ သွားလို့ ရတယ်ဆိုရင်လည်း၊ ကန့်တွေမှာက သူတို့ သေချာမသိဘူးလေ။ ကျနော်တို့ ဒီဘက်မှာ စီစဉ်နေတဲ့ အနေအထားတွေကို မသိတာတွေရှိမှာပေါ့။ အဲဒါတွေလည်း သူတို့ သိသွားတာပေါ့။ မြန်အောင် လုပ်ချင်တာပေါ့။ အောင်မြင်အောင်ပေါ့။ ခန့်မှန်းခြေကတော့ လာမယ့် ၁၁ ရက်နေ့လောက်ပေါ့။” ပြီးခဲ့တဲ့နှစ် ရခိုင်ပြည်နယ်ပဋိပက္ခကြောင့် ဘင်္ဂလားဒေ့ရ်ှနိုင်ငံဘက်ကို ထွက်ပြေးသွားတဲ့ ဒုက္ခသည်တွေ ပြန်လည်နေရာချထားရေးအတွက် နှစ်နိုင်ငံအစိုးရချင်း ပူးပေါင်း လုပ်ဆောင်နေပေမယ့် လက်ရှိအချိန်ထိတော့ အကောင်အထည်မဖော်နိုင်သေးပါဘူး။ ထွက်ပြေးသွားသူတွေရဲ့ အထောက်အထားဆိုင်ရာ အချက်အလက်တွေကို စာပေးစာယူစနစ်နဲ့ အပြန်အလှန် စစ်ဆေးမှုတွေက ဒီလုပ်ငန်းစဉ်အတွက် နှောင့်နှေးကြံ့ကြာ နေတာဖြစ်ပါတယ်။ အဲဒီအတွက် ဘင်္ဂလားဒေ့ရ်ှဘက်ထွက်ပြေးသွားသူတွေကို ပြန်လည်လက်ခံရေးအတွက် နှစ်နိုင်ငံသဘောတူစာချုပ်နဲ့ Working ကော်မတီလည်း ဖွဲ့စည်းထားပြီး တာဝန်တွေလည်း ခွဲဝေလုပ်ဆောင်နေပြီလို့လည်း ဆိုပါတယ်။ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီး ဦးသိန်းဆွေက"မနေ့ကပဲ ဆွေးနွေးဖြစ်ပါတယ်။ အခုအချိန်ထိ မြန်မာနိုင်ငံထဲက ထုတ်ပေးတဲ့ စာရင်း ၈၀၀၀ ထဲကနေမှ ၈၀၀ ကျော်ကို စစ်ဆေးပြီးပြီ။ အဲဒီလူတွေကို မြန်မာနိုင်ငံမှာ နေတယ်ဆိုတဲ့ အထောက်အထားတွေ အခိုင်အမာတွေ့တယ်။ အဲ့ဒီလူတွေကို စေလွှတ်မယ်ဆိုရင်တော့ လက်ခံနိုင်ပါတယ်ဆိုတာကို အလုပ်သမားဝန်ကြီးဌာနကနေတဆင့် တဖက်နိုင်ငံကို အကြောင်းကြားထားပြီး ဖြစ်ပါတယ်။”လို့ ပြောပါတယ်။ ပြန်လည်လက်ခံရေးအတွက် နှစ်နိုင်ငံနယ်စပ်ရှိ ငါးခူရနဲ့ တောင်ပြိုလက်ဝဲ ဒေသတို့မှာ တည်ဆောက်ထားတဲ့ စိစစ်ရေးစခန်းတွေကနေ စိစစ်လက်ခံသွားမှာ ဖြစ်ပါတယ်။ ပြန်လည်လက်ခံရေးလုပ်ငန်းအတွက် မြန်မာနိုင်ငံအနေနဲ့ ပြီးခဲ့တဲ့ ဇန်နဝါရီလကနေ အဆင်သင့်ရှိနေပြီ ဖြစ်တယ်လို့ သိရပါတယ်။ ၂၀၁၇ သြဂုတ်လမှာ ဖြစ်ပွားခဲ့တဲ့ အကြမ်းဖက်မှုဖြစ်စဉ်တွေအပြီးမှာ ဘင်္ဂလားဒေ့ရှ် နိုင်ငံဘက်ကို သိန်းနဲ့ချီတဲ့ မွတ်စလင်တွေ နေရပ်စွန့် ထွက်ပြေးသွားခဲ့ကြတာပါ။ ဘင်္ဂလားဒေ့ရှ် - မြန်မာနှစ်နိုင်ငံ ညှိနှိုင်းဆောင်ရွက်မှုတွေပြုလုပ်ခဲ့ပြီး ထွက်ပြေးတိမ်းရှောင် သူတွေကို စိစစ်လက်ခံဆောင်ရွက်နိုင်ဖို့အတွက် မြန်မာနိုင်ငံဘက်က ဇန်န၀ါရီလပိုင်းကတည်းက အသင့် ဆောင်ရွက်ထားခဲ့ပြီးဖြစ်ပါတယ်။ သတင်း- အောင်ဆန်းဦး၊ အောင်ကိုကိုလတ် (နေပြည်တော်)
3 years Ago
Up