ဒီယေဂိုဂျိုတာ

A d v e r t i s e m e n t With Us

December 13, 2020

ဒူးဒဏ်ရာရခဲ့သည့် လီဗာပူး တိုက်စစ်မှူး ဒီယေဂိုဂျိုတာ ၂ လခန့် အနားယူရနိုင်

လီဗာပူး တိုက်စစ်ကစားသမား ဒီယေဂိုဂျိုတာဟာ ဒဏ်ရာကြောင့် ၂ လလောက် အနားယူရတော့မယ်လို့ သိရပါတယ်။ ဂျိုတာဟာ ဒိန်းမတ်ကလပ် မစ်ဂျယ်လန်းနဲ့ ကစားခဲ့တဲ့ ချန်ပီယံလိဂ်ပွဲစဉ်မှာ ၈၇ မိနစ်အထိ ကစားခဲ့ပြီး ဒူးဒဏ်ရာရခဲ့တာပါ။  ပြန်လည်သက်သာလာခြင်း မရှိတာကြောင့် ဒီကနေ့ည ကစားမယ့် ဖူဟမ်နဲ့ ပွဲစဉ်ကို လွဲချော်မယ်လို့ သိရပါတယ်။  ဒါ့အပြင် ၂ လလောက် အနားယူရနိုင်တာကြောင့် ဖေဖော်ဝါရီလအထိ အနားယူရမှာဖြစ်ပြီး မန်ယူ၊ စပါးနဲ့ မန်စီးတီးအသင်းတွေနဲ့ ပွဲစဉ်တွေ အပါအဝင် ၁၀ ပွဲလောက် လွဲချော်နိုင်တယ်လို့ သိရပါတယ်။  အခုနှစ် နွေရာသီအပြောင်းအရွှေ့ကမှ ဝုဗ်အသင်းကနေ ပြောင်းရွှေ့လာတဲ့ ဒီယေဂိုဂျိုတာဟာ အသင်းမှာ ခြေစွမ်းပြသနေပြီး ပြိုင်ပွဲစုံ ၁၇ ပွဲမှာ ၉ ဂိုးအထိ သွင်းယူထားပါတယ်။  လီဗာပူးအသင်းမှာ ဗန်ဒိုက်၊ ဂျိုးဂိုမက်ဇ်၊ သီယာဂို၊ ဂျိမ်းစ်မီနာနဲ့ ရှာကီရီတို့လည်း ဒဏ်ရာကြောင့် အနားယူနေရပါတယ်။
3 months Ago

November 2, 2020

ဒီယေဂိုဂျိုတာက ဖေမီနို၏ပွဲထွက်ခွင့်ကို ခြိမ်းခြောက်နိုင်ဟု ဆောင်းနက်စ်နှင့်ကာရေဂါ သုံးသပ်

အနိုင်ဂိုးတွေသွင်းနေတဲ့ ဒီယေဂိုဂျိုတာဟာ ဖေမီနိုရဲ့ ပွဲထွက်ခွင့်အပေါ် ခြိမ်းခြောက်လာနိုင်တယ်လို့ ဂရေမီဆောင်းနက်စ်နဲ့ ကာရေဂါတို့က သုံးသပ်ပါတယ်။  အခုနှစ် အပြောင်းအရွှေ့ကမှ ဝုဗ်ဗာဟမ်တန်အသင်းကနေ ပြောင်းရွှေ့လာခဲ့တဲ့ ပေါ်တူဂီ တိုက်စစ်မှူး ဂျိုတာဟာ ဝက်စ်ဟမ်းကို ၂ ဂိုး ၁ဂိုးနဲ့ အနိုင်ရတဲ့ပွဲမှာ အနိုင်ဂိုးသွင်းပေးခဲ့တာပါ။  ရှက်ဖီးနဲ့ ပရီးမီးယားလိဂ်ပွဲမှာတုန်းကလည်း အနိုင်ဂိုးသွင်းပေးခဲ့တဲ့ ဂျိုတာဟာ မစ်ဂျယ်လန်းနဲ့ ချန်ပီယံလိဂ်ပွဲမှာလည်း အနိုင်ဂိုး ၁ ဂိုး သွင်းခဲ့ပါသေးတယ်။  ဂျိုတာက ဂိုးတွေ သွင်းယူနိုင်ပြီး တိုးတက်မှုတွေရှိလာလို့ အဓိကတိုက်စစ်မှူး ဖေမီနိုရဲ့ ပွဲထွက်ခွင့်အပေါ် စိန်ခေါ်လာနိုင်ပြီး အသက် ၂၃ နှစ်ပဲ ရှိသေးတာကြောင့် အခုထက် ပိုမိုကောင်းမွန်လာဖို့ရှိသေးတယ်လို့ ဆောင်းနက်စ်က ချီးကျူးခဲ့တာပါ။  လီဗာပူး နောက်ခံလူဟောင်း ကာရေဂါကလည်း ဂျိုတာကို ချီးကျူးခဲ့ပြီး လီဗာပူး ပေးချေခဲ့တဲ့ ပြောင်းရွှေ့ကြေး ပေါင် ၄၁ သန်းနဲ့ ထိုက်တန်အောင် ပေးဆပ်နိုင်သူဖြစ်တယ်လို့ ကာရေဂါက သုံးသပ်ပါတယ်။
4 months Ago
More News
Up