ဒီမိုကရေစီအမတ်

A d v e r t i s e m e n t With Us

May 22, 2020

တရုတ်အစိုးရ၏ လုံခြုံရေးဥပေဒေသစ်ကို ဟောင်ကောင်ဒီမိုကရေစီအမတ်များ ပြစ်တင်ရှုတ်ချ

ဟောင်ကောင်ဒေသမှာ တရုတ်အစိုးရ ပြဋ္ဌာန်းမယ့် လုံခြုံရေး ဥပဒေသစ်ကို ဒီမိုကရေစီ ထောက်ခံတဲ့ လွှတ်တော်အမတ်တွေနဲ့  အရပ်ဘက်အဖွဲ့တက်ကြွလှုပ်ရှားသူတွေက  မေလ ၂၂  ရက်မှာ ပြစ်တင်ရှုတ်ချခဲ့ပါတယ်။   ဒီမိုကရေစီထောက်ခံသူ  လွှတ်တော်အမတ် တစ်ဒါဇင် ကျော်နဲ့ တခြားတက်ကြွလှုပ်ရှားသူ တွေဟာ  ရဲစခန်းတစ်ခုမှာ စုဝေးခဲ့ပြီးနောက်  အနီးဝန်းကျင် ရှိ  တရုတ်အစိုးရ  ပြည်သူ့ဆက်ဆံရေး ရုံးရှိရာ  ချီတက် ကန့်ကွက်ခဲ့ကြပါတယ်။  “ဟောင်ကောင်ဟာ  ရှင်းကျန်းပြည်နယ် ဖြစ်လာပြီ” လို့ ကြွေးကြော်  ချီတက်ကြသူတွေကို  ရဲတပ်ဖွဲ့ဝင်တွေက တားဆီးခဲ့ပါတယ်။   ပထမတော့ ရဲတွေက ချီတက်သူတွေကို လူစုခွဲဖို့ ပြောခဲ့ပေမယ့် သူတို့ဘယ်သူဘယ်ဝါ ဆိုတဲ့ စာရွက်စာတမ်းတွေကို ပြသပြီးနောက်မှာ ရဲတွေက ၈ ယောက် တဖွဲ့ ချီတက်ခွင့်ပြုခဲ့တယ်လို့ ရိုက်တာသတင်းမှာ ဖော်ပြထားပါတယ်။   ဟောင်ကောင်လုံခြုံရေးဥပဒေသသစ်ဟာ  “တစ်နိုင်ငံ  စနစ်နှစ်မျိုး”  ကို အဆုံးသတ်သွားစေမယ်လို့ သတင်းစာရှင်းလင်းပွဲမှာ အတိုက်အခံအမတ်တွေနဲ့ အရပ်ဘက်လူမှုရေး အဖွဲ့တွေက  ပြောဆိုခဲ့ပါတယ်။   ဒီစနစ်ဟာ ဟောင်ကောင်ကို တရုတ်အစိုးရထံ ပြန်လွှဲပြောင်းချိန်က အာမခံချက် ပေးထားတဲ့ နည်းစနစ်တခု ဖြစ်တယ်လို့ ဆိုပါတယ်။
8 months Ago

May 18, 2020

ဟောင်ကောင်လွှတ်တော်တွင် တရုတ်အစိုးရလိုလားသူများနှင့်ဒီမိုကရေစီအမတ်များ ရုန်းရင်း ဆန်ခတ်ဖြစ်

ဟောင်ကောင်လွှတ်တော်မှာ ဒီမိုကရေစီလိုလားသူအမတ်တွေနဲ့ တရုတ်အစိုးရလိုလားသူ အမတ်တွေကြား မေလ ၁၈ ရက် လွှတ်တော်တွင်း အငြင်းအခုံတရပ်မှာ ရုန်းရင်းဆန်ခတ်ဖြစ်ခဲ့ ပါတယ် ။  အဓိက ကော်မတီတခု ဖွဲ့စည်းရေးမှာ ခေါင်းဆောင်မှုနဲ့ ပတ်သက်တဲ့ လုပ်ထုံးလုပ်နည်းတွေကို မကျေလည်လို့ အငြင်းအခုံ ဖြစ်ခဲ့ရတာပါ။  တဦးနဲ့တဦး ထိုးကြိတ်မလို ရုန်းရင်းဆန်ခတ် ဖြစ်နေတဲ့အထဲက ဒီမိုကရေစီလိုလားသူ အမတ်နှစ်ဦးကို လုံခြုံရေးဝန်ထမ်းတွေက လွှတ်တော်ခန်းမထဲက ဆွဲထုတ်ပေးခဲ့ရပါတယ်။ လွှတ်တော်ကော်မတီရဲ့တာဝန်က ဥပဒေပြုကောင်စီမှာ စာရင်းတွေကို ဒုတိယအကြိမ် တင်သွင်းဖတ်ကြားစဉ် ဆန်းစစ်ပေးဖို့ ဖြစ်ပါတယ်။ ပြီးတော့ ကော်မတီရဲ့ဥက္ကဋ္ဌကို တင်မြှောက်ဖို့ ကိစ္စဟာလည်း ပြီးခဲ့တဲ့နှစ်ကတည်းက မဖြစ်သေးပါဘူး။  အငြင်းအခုံဖြစ်တဲ့အထဲမှာ တရုတ်နိုင်ငံတော်သီချင်းကို အလွဲသုံးစားလုပ်ရင် ပြစ်မှု မြောက်တယ်ဆိုတဲ့ ဥပဒေကြမ်းတခုလည်း ပါဝင်တယ်လို့ ရိုက်တာသတင်းမှာ ဖော်ပြထားပါတယ်။
8 months Ago
Up