ဒီမာရီယာ

August 13, 2021

မက်ဆီနှင့် အမြဲအတူကစားချင်ခဲ့ကြောင်း ဒီမာရီယာ ပြော

နိုင်ငံအသင်းဖော် လီယွန်နယ်မက်ဆီနဲ့ ကလပ်အသင်းမှာ အတူကစားချင်တဲ့စိတ် အမြဲတမ်းဖြစ်ခဲ့ တယ်လို့ ပီအက်စ်ဂျီတောင်ပံကစားသမား ဒီမာရီယာက ပြောပါတယ်။ 

ဒီမာရီယာနဲ့ မက်ဆီတို့ဟာ အာဂျင်တီး နားအသင်းမှာ အတူတွဲဖက်ကစားခဲ့ကြပေမယ့် စပိန်လာလီဂါမှာတုန်းက ပြိုင်ဘက်တွေအနေနဲ့ ရင်ဆိုင်ခဲ့ကြရတာပါ။ 

ဒီမာရီယာက မက်ဒရစ်ကနေ မန်ယူ၊ ပီအက်စ်ဂျီအသင်းတွေဆီ ပြောင်းရွှေ့ကစားခဲ့ပြီး မက်ဆီကလည်း ပီအက်စ်ဂျီအသင်းဆီ ပြောင်းရွှေ့လာတာကြောင့် အတူ တွဲဖက်ကစားရတော့မှာဖြစ်ပါတယ်။ 

တစ်လအတွင်းမှာ မက်ဆီနဲ့အတူ ကိုပါအမေရိကဖလားချန်ပီယံ ဆုရယူနိုင်ခဲ့သလို ကလပ်အသင်းမှာလည်း အတူကစားခွင့်ရမယ့် အခြေအနေက တခြားသူတွေထက်ပိုပြီး ပျော်ရွှင်ကျေနပ်စရာဖြစ်တယ်လို့ ဒီမာရီယာက ပြောပါတယ်။ 

ဒါ့အပြင် မက်ဆီပြောင်းရွှေ့လာပြီးနောက် တိုက်စစ်မှူး အမ်ဘာပေ ထွက်ခွာနိုင်တယ်ဆိုတဲ့ သတင်းတွေဟာ မဟုတ်မှန်ကြောင်းနဲ့ အမ်ဘာပေက အသင်းမှာ ဆက်ရှိမယ်လို့ ဒီမာရီယာက ပြောပါတယ်။ 

အမ်ဘာပေက အသင်းတိုင်းက လိုချင်တဲ့ တိုက်စစ်မှူးဖြစ်ပေမယ့် လက်ရှိ အသင်းထက်ပိုကောင်းတဲ့ အသင်းမရှိတာကြောင့် ပြောင်းရွှေ့မှာမဟုတ်ကြောင်း ဒီမာရီယာက သုံးသပ်ခဲ့ပါတယ်။ 

6 months Ago

November 10, 2020

ကမ္ဘာ့ဖလားခြေစစ်ပွဲကစားရန် အာဂျင်တီးနားအသင်း လေကျင့်

အာဂျင်တီးနားအသင်းရဲ့ လေ့ကျင့်ရေးကွင်းဆီကို မက်ဆီ၊ ဒီမာရီယာနဲ ပါရီဒက်စ်တို့ အစောဆုံး ရောက်လာခဲ့ပါတယ်။  အာဂျင်တီးနားအသင်းဟာ ကမ္ဘာ့ဖလားခြေစစ်ပွဲစဉ်တွေအဖြစ် ပါရာဂွေး၊ ပီရူး အသင်းတွေနဲ့ ယှဉ်ပြိုင်ကစား ရဖို့ရှိပါတယ်။ အသင်းရဲ့ လေ့ကျင့်ရေးကွင်းက မြို့တော် ဘရူနိုအေးရိစ်ရဲ့ အပြင်ဘက်မှာရှိပါတယ်။ နိုဝင်ဘာ ၉ ရက်နေ့မှာ ကစားသမားတွေ အားလုံးရောက်ရှိဖို့ အကြောင်းကြားထားတာဖြစ်ပြီး နိုဝင်ဘာ ၁၀ ရက်နေ့ကစပြီး လေ့ကျင့်မှုတွေ စတင်မှာဖြစ်ပါတယ်။ အာဂျင်တီးနားအသင်းဟာ တောင်အမေရိကဇုန် ကမ္ဘာ့ဖလားခြေစစ်ပွဲအဖွင့် ၂ ပွဲမှာ အီကွေဒေါနဲ့ ဘိုလီးဗီးယားအသင်းတွေကို အနိုင်ရထားပြီး ဘရာဇီးအသင်းနဲ့အတူ အုပ်စုထိပ်ဆုံးမှာ ပူးတွဲရပ်တည်နေပါတယ်။  ကမ္ဘာ့အဆင့် ၈ သတ်မှတ်ခံထားရတဲ့ အာဂျင်တီးနားအသင်းဟာ နိုဝင်ဘာ ၁၃ ရက်မှာ ပါရာဂွေးနဲ့ အိမ်ကွင်းပွဲစဉ် ကစားအပြီးမှာ ပီရူးအသင်းနဲ့ နိုဝင်ဘာ ၁၈ ရက်နေ့ အဝေးကွင်းပွဲစဉ်အနေနဲ့ သွားရောက်ရင်ဆိုင်ရမှာ ဖြစ်ပါတယ်။
1 year Ago
More News
Up