ဒီဘားလား

November 24, 2020

တိုက်စစ်မှူး ၃ ဦးကို ပထမဆုံးအကြိမ် တပြိုင်နက် အသုံးပြုချင်ကြောင်း ဂျူဗင်တပ်စ်နည်းပြ ပြော

ဟန်ဂေရီချန်ပီယံ ဖာရန်ဗားရို့စ်အသင်းနဲ့ကစားရမယ့်ပွဲစဉ်ဟာ စီရော်နယ်ဒို၊ ဒီဘားလားနဲ့ မိုရာတာတို့ တိုက်စစ်မှူး ၃ ဦး ပထမဆုံးအကြိမ် အတူကစားရမယ့်ပွဲ ဖြစ်တယ်လို့ ဂျူဗင်တပ်စ် နည်းပြ ပီယာလိုက ပြောပါတယ်။  ဂျူဗင်တပ်စ်အသင်းဟာ နိုဝင်ဘာ ၂၄ ရက်မှာ ပထမအကျော့တုန်းက ၄ ဂိုး ၁ ဂိုးနဲ့ အနိုင်ရခဲ့တဲ့ ဖာရန်ဗားရို့စ်နဲ့ အိမ်ကွင်းမှာ ပြန်လည်ယှဉ်ပြိုင်ရမှာပါ။  ပထမအကျော့က ဂိုးပြတ်အနိုင်ရခဲ့ပေမယ့် ဒီပွဲမှာတော့ ပုံစံတစ်မျိုးနဲ့ ချဉ်းကပ်ကစားနိုင်ဖို့ လိုပြီး ခက်ခဲတဲ့ပွဲ ဖြစ်လာလိမ့်မယ်လို့ နည်းပြ ပီယာလိုက ပြောပါတယ်။  အသင်းတိုက်စစ်ပိုင်းမှာတော့ အခုနှစ်ရာသီမှာ အဓိကတိုက်စစ်မှူး ၃ ဦးစလုံး ပါဝင်ကစားမယ့် ပထမဆုံးပွဲ ဖြစ်လာလိမ့်မယ်လို့ ပီယာလိုက ပြောပါတယ်။  ဂျူဗင်တပ်စ် တိုက်စစ်မှာ စီရော်နယ်ဒို၊ ဒီဘားလားနဲ့ ကစားသမားသစ် မိုရာတာတို့ ၃ ဦး အတူတွဲဖက် ကစားရခြင်း မရှိသေးတာ ဖြစ်ပါတယ်။
5 months Ago

October 8, 2020

အာဂျင်တီးနားအသင်းတွင် မက်ဆီနှင့် ဒီဘားလားတို့ စတင်လေ့ကျင့်

တိုက်စစ်မှူး မက်ဆီနဲ့ဒီ ဘာလားတို့ဟာ အောက်တိုဘာ ၇ ရက်က အာဂျင်တီးနားအသင်းနဲ့ စတင်ပူးပေါင်းလေ့ကျင့်ခဲ့ပါတယ်။  အာဂျင်တီးနားအသင်းဟာ ကမ္ဘာ့ဖလားခြေစစ်ပွဲတွေအနေနဲ့ အောက်တိုဘာ ၈ ရက်မှာ အီကွေဒေါနဲ့ အိမ်ကွင်းပွဲစဉ်ကစားရမှာဖြစ်ပြီး နောက် ၅ ရက်အကြာမှာ ဘိုလီးဗီးယားအသင်းနဲ့ ဆက်လက်ယှဉ်ပြိုင်ရမှာပါ။  ၂၀၂၂ ကာတာကမ္ဘာ့ဖလားပြိုင်ပွဲဝင်ခွင့်အတွက် ခြေစစ်ပွဲတိုင်းက အရေးပါနေပြီး ၁၉၉၃ ခုနှစ်က ကိုပါအမေရိကဖလားရယူနိုင်ခဲ့ပြီးနောက် အဓိကပြိုင်ပွဲတွေမှာ ချန်ပီယံဆုနဲ့ ဝေးကွာနေ တဲ့ အာဂျင်တီးနားအသင်းက ဖိအားတွေနဲ့ ရင်ဆိုင်နေရတာပါ။  နည်းပြ စကယ်လိုနီအနေနဲ့ လူရွေးချယ်မှာ ပီအက်စ်ဂျီတောင်ပံကစားသမား ဒီမာရီယာကို မခေါ်ယူခဲ့လို့ ဝေဖန်မှုတွေနဲ့ ရင်ဆိုင်ခဲ့ရပါတယ်။  အသင်းခေါင်းဆောင် မက်ဆီအတွက်လည်း ၂၀၂၂ ကမ္ဘာ့ဖလားက သူ့ရဲ့နောက်ဆုံးပြိုင်ပွဲ ဖြစ်လာဖွယ်ရှိနေတယ်လို့ သိရပါတယ်။ 
6 months Ago
More News
Up