ဒီဂီယာ

December 3, 2020

ဂိုးသမား ဒီဂီယာကို နံပါတ် ၁ နေရာထားသည့် နည်းပြ ဆိုးလ်ရှား မှန်ကန်ကြောင်း နဗီးလ်သုံးသပ်

ဂိုးသမား ဒီဂီယာကို နံပါတ်တစ်နေရာမှာ ဆက်ထားခဲ့တဲ့ နည်းပြဆိုးလ်ရှားရဲ့ ဆုံးဖြတ်ချက် မှန်ကန်တယ်လို့ ဂယ်ရီနဗီးလ်ကပြောပါတယ်။  မန်ယူအသင်းဟာ ဂိုးသမား ဒီဂီယာနဲ့ လူငယ်ဂိုးသမား ဒီးဟန်ဒါဆန်တို့က ပွဲထွက်ခွင့်အတွက် အပြိုင်အဆိုင်ဖြစ်လာခဲ့တာပါ။  အင်္ဂလန်လက်ရွေးစင်မှာလည်း ရွေးချယ်ခံခဲ့ရတဲ့ ဟန်ဒါဆန်ဟာ ဆောက်သမ်တန်နဲ့ ပရီးမီးယားလိဂ်ပွဲစဉ်မှာ ဒီဂီယာအစား လူစားဝင် ကစားခဲ့ပါသေး တယ်။  ပီအက်စ်ဂျီကိုရှုံးခဲ့တဲ့ ချန်ပီယံလိဂ်ပွဲမှာတော့ ဒီဂီယာက ပွဲထွက်ကစားခဲ့တာပါ။ ဒီဂီယာက နံပါတ်တစ်နေရာမှာရှိနေဆဲဖြစ်ပြီး ဒီးဟန်ဒါဆန်အနေနဲ့ လုပ်ပြစရာတွေအများ ကြီး ရှိနေသေးတယ်လို့ နောက်ခံလူဟောင်း ဂယ်ရီနဗီးလ်က ပြောပါတယ်။  လွန်ခဲ့တဲ့ ၂၅ နှစ်တာကာလကို ပြန်ကြည့်ရင် ယူနိုက်တက်အသင်းမှာ လူငယ်ဂိုးသမားကောင်း များစွာရှိခဲ့ပေမယ့် ဗန်ဒါးဆားနဲ့ ပီတာရှမိုက်ကယ်တို့သာ  လက်စွမ်းပြ နိုင်ခဲ့ပြီး လက်ရှိအချိန်မှာတော့ ဒီဂီယာဖြစ်တယ်လို့ နဗီးလ်ကပြော ပါတယ်။  ဟန်ဒါဆန်လို ဂိုးသမား တစ်ဦးထွက်ပေါ်လာတာက ယူနိုက်တက်အတွက် စိတ်လူပ်ရှားစရာ ဖြစ်ပေမဲ့ နောက် ၁၀ နှစ်အတွင်းမှာ ယူနိုက်တက် နံပါတ်တစ်ဂိုးသမား ဘယ်သူဖြစ်မလဲဆိုတာက  ခန့်မှန်းရခက်ခဲကြောင်းလည်း နဗီးလ်က သုံးသပ်ခဲ့ပါတယ်။ 
1 year Ago

September 30, 2020

ဒီဂီယာ နေရာတွင် ဟန်ဒါဆန်ကို ပွဲထွက်ခွင့်ပေးမည်ဟု မန်ယူကစားသမားများ ယုံကြည်

မန်ချက်စတာယူနိုက်တက် ကစားသမားတွေဟာ ဂိုးသမားဒီဂီယာရဲ့ နေရာမှာ ဒီးဟန်ဒါဆန်ကို ပွဲထွက်ခွင့်ပေးလိမ့်မယ်လို့ ယုံကြည်နေကြတယ်လို့ သတင်းထွက်ပေါ်လာပါတယ်။  နံပါတ်တစ် ဂိုးသမား ဒီဂီယာဟာ ပရီးမီးယားလိဂ် ၂ ပွဲမှာ ၅ ဂိုးပေးထားရပြီး သူ့ရဲ့လက်စွမ်းအပေါ်မှာ ဝေဖန်မှုတွေရှိခဲ့တာပါ။ မနှစ်က ရှက်ဖီးအသင်းမှာ လက်စွမ်းပြခဲ့တဲ့ လူငယ်ဂိုးသမား ဟန်ဒါဆန်ဟာ လူတန်နဲ့ ပွဲမှာ ပွဲထွက်ကစားခဲ့ပြီး ပေးဂိုးမရှိအောင် စွမ်းဆောင်နိုင်ခဲ့ပါတယ်။ ဒါကြောင့် မန်ယူကစားသမားတွေအနေနဲ့ ဟန်ဒါဆန်ကိုပဲ ပထမဦးစားပေးဂိုသမားအဖြစ် ပွဲထွက်ခွင့်ပေးလိမ့်မယ်လို့ ယုံကြည်နေကြတယ်လို့ ဆိုပါတယ်။ အင်္ဂလန် ဂိုးသမား ဟန်ဒါဆန်အနေနဲ့လည်း အရန်ခုံမှာထိုင်နေရပြီး ဘောလုံးမကစားရဘူး ဆိုရင် အဆင်မပြေကြောင်းနဲ့ ကစားသမားတိုင်းက အဲဒီလို ခံစားချက်ရှိလိမ့်မယ်လို့ ပြောခဲ့ဖူးပါတယ်။
1 year Ago
More News
Up