ရန်ကုန်တိုင်း၊ ဒလမြို့နယ်မှာ အောက်တိုဘာ ၁ ရက် ည ၈ နာရီလောက်က အားပြင်း ဗုံးတစ်လုံးပေါက်ကွဲခဲ့ပြီး ပစ်ခတ်သံတွေ ထွက်ပေါ်ခဲ့တယ်လို့ မြို့ခံတွေက ပြောပါတယ်။
မြို့ခံတဦးက “ကျန်စစ်သားရပ်ကွက်က အမှိုက်ပုံကြီးမှာ ဗုံးပေါက်ကွဲတာပါ။ အသံအတော်ကျယ်တယ်၊ အိမ်တွေပါတုန်သွားတယ်” လို့ ပြောပါတယ်။
ဗုံးပေါက်ကွဲပြီးမကြာခင် စစ်ကား တွေရောက်လာပြီး ည ၉ နာရီလောက်မှာ သေနတ်သံတွေ ကြားရတယ်လို့ ဆိုပါတယ်။ ဗုံးဖောက်ခွဲမှုကို ဘယ်အဖွဲ့က ပြုလုပ်ခဲ့တယ်ဆိုတာ မသိရသေးပါဘူး။
စစ်အာဏာသိမ်းမှုကိုကန့်ကွက်ကြောင်း ဒလမြို့နယ် ပညာရေးဝန်ထမ်းတွေ ဦးဆောင်ပြီး ဒီနေ့မနက် ၉ နာရီကစတင်ကာ ဆန္ဒဖော်ထုတ်နေကြပါတယ်။
