ဒရုန်းယာဉ်

July 1, 2020

အိန္ဒိယတွင် ကျိုင်းကောင်များကို ဒရုန်းယာဉ်ဖြင့် ပိုးသတ်ဆေးဖျန်း

အာဖရိက ကန္တာရကျိုင်းကောင်တွေ အိန္ဒိယကို ရောက်လာလို့ အာဏာပိုင်တွေက ကောက်ပဲသီးနှံတွေကို ဖျက်ဆီးနေတဲ့ ကျိုင်းကောင်တွေကို ထိန်းချုပ်ရေး ဒရုန်းယာဉ်တွေနဲ့ ပိုးသတ်ဆေးဖျန်းနေပါတယ်။ အမြန်ပြန့်ပွားနေတဲ့ ကျိုင်းကောင်အုပ်ကို အစိုးရက မထိန်းချုပ်နိုင်ခဲ့ရင် ကောက်ပဲသီးနှံတွေ ပျက်စီးကုန်မယ်လို့ ပညာရှင်တွေက သတိပေးပါတယ်။ ကျိုင်းကောင် ထိန်းချုပ်ရေးအဖွဲ့တွေဟာ တာ့ချ်မဟာအဆောက်အဦ တည်ရှိရာ အဂ္ဂရာမြို့ထဲမှာ ကျိုင်းကောင်တွေကို ပိုးသတ်ဆေးဖျန်းဖို့ ဒရုန်းယာဉ်တွေကို သုံးခဲ့ပါတယ်။ ကျိုင်းအုပ်တွေ နွေသီးနှံတွေကို စားမပစ်နိုင်တာ သေချာစေရေး လာမယ့် သီတင်းပတ် နှစ်ပတ်အတွင်း ကျိုင်းကောင်တွေ ကျမယ့်လမ်းကြောင်းက ကျိုင်းတွေကို ဟန့်တားဖို့ နောက်တွဲယာဉ်ပါတဲ့ ဆေးဖျန်းယာဉ်တွေကို အာဏာပိုင်တွေက သုံးနေပြီး အကြံပြုချက်တွေကိုလည်း ထုတ်ပြန်ထားပါတယ်။ အိန္ဒိယဟာ ဆယ်စုနှစ်တွေအတွင်း အဆိုးဆုံး ကန္တာရကျိုင်းကောင်တွေ အုပ်လိုက် ရောက်လာတာကို တိုက်ပွဲဝင်နေရပါတယ်။ အထူးသဖြင့် နိုင်ငံအနောက်ဘက် ပြည်နယ်တွေဖြစ်တဲ့ ဂူဂျာရတ်၊ ရာဂျက်စသမ်၊ မဟာရတ်ရှ်ထျာ၊ မဒယာပရာဒေ့ရှ်နဲ့ ပန်ဂျပ်၊ မြောက်ဘက်မှာတော့ ဟာယာနနဲ့ ဥတ္တာပရာဒေ့ရှ်ပြည်နယ်တွေမှာ ကျိုင်းကောင်တွေ ပြန့်ပွားနေတာကို ကိုင်တွယ် ဖြေရှင်းနေရပါတယ်။
9 months Ago

May 6, 2020

လူလိုက်ပါခြင်းမရှိသည့် တိုက်လေယာဉ်ဆန်ဆန် ဒရုန်းယာဉ်များ ဘိုးရင်း ထုတ်လုပ်နိုင်

လူလိုက်ပါခြင်း မရှိတဲ့ တိုက်လေယာဉ်ဆန်ဆန် ဒရုန်းယာဉ်အမြောက်အမြားကို ဘိုးရင်းက လာမယ့်ဆယ်စုနှစ်လယ်ပိုင်းမှာ ထုတ်လုပ်သွားဖွယ်ရှိတယ်လို့ ကုမ္ပဏီအမှုဆောင်တဦးက ပြောပါတယ်။ Loyal Wingman ဒရုန်းယာဉ် ၁၆  စင်းအထိကို  လူလိုက်ပါတဲ့ လေယာဉ်နဲ့ တွဲဖက်ပြီး မစ်ရှင်တွေ စေလွှတ်ကာ ဒီနှစ်ကုန်ပိုင်းမှာ  ပထမဆုံး ပျံသန်းဖို့ စီစဉ်ထားတယ်လို့  ဘိုးရင်း ပရိုဂရမ် ဒါရိုက်တာက ပြောပါတယ်။  Loyal Wingman ဒရုန်းယာဉ် အခန်းကဏ္ဍမှာ တိုက်ပွဲအတွင်း လက်နက်သယ်ဆောင်ပြီး E-7A Wedgetail ကြိုတင်သတိပေးစနစ်လို အရာတွေကို ကာကွယ်တာ၊ လေယာဉ်ထိန်းချုပ်တာနဲ့  လူလိုက်ပါတဲ့ ဖိုက်တာတိုက်လေယာဉ်တွေကို ကာကွယ်ဖို့ ပစ်မှတ်အနေနဲ့ အသုံးချခံတာတွေ ပါဝင်ပါတယ်။ ကမ္ဘာတဝန်း စစ်တပ်တွေက သူတို့ရဲ့ ရင်းမြစ်တွေကို ချဲ့ထွင်ဖို့ရာ ပိုမိုဈေးသက်သာပြီး ဘေးကင်းတဲ့ နည်းလမ်းကို ရှာဖွေနေတာမို့ ကာကွယ်ရေးပစ္စည်း ကန်ထရိုက်တာတွေဟာလည်း   အလိုအလျောက် နည်းပညာပေါ်မှာ တိုးမြှင့်ရင်းနှီးမြှုပ်နှံနေတယ်လို့ ရိုက်တာသတင်းမှာ ဖော်ပြထားပါတယ်။
11 months Ago
More News
Up