ဒဏ်ခတ်

January 25, 2021

ရုရှားအရာရှိများကို အီးယူက ဒဏ်ခတ်ပိတ်ဆို့မှုအသစ် ပြုလုပ်ဖွယ်ရှိ

ရုရှားသမ္မတအား ဝေဖန်သူ အလက်ဇီ နာဗယ်ညီအား လွှတ်ပေးဖို့ ဇန်နဝါရီ ၂၃ ရက်နေ့က ရုရှားနိုင်ငံတလွှား ဆန္ဒပြခဲ့ကြသူတွေထဲက အယောက် ၃၀၀၀ ကျော်ကို ဖမ်းဆီးခဲ့ပြီးနောက် ရုရှားအရာရှိတွေကို ဒဏ်ခတ်ပိတ်ဆို့မှုအသစ် ပြုလုပ်ဖို့ စဉ်းစားနေတယ်လို့ ဥရောပသမဂ္ဂ (အီးယူ)က ပြောပါတယ်။

အီးယူ ရဲ့ နိုင်ငံခြားရေးဝန်ကြီး ၂၇ ယောက် အစည်းအဝေးကို လာတက်တဲ့ လစ်သူအေးနီးယား နိုင်ငံခြားရေးဝန်ကြီးက “ရုရှားမှာ အပြောင်းအလဲတရပ်ရှိနေပြီ၊ ဒီအပြောင်းအလဲဟာ အီးယူက ထောက်ခံရမယ့် အပြောင်းအလဲပဲ” လို့ ပြောလိုက်ပါတယ်။

အီးယူဟာ ၂၀၁၄ တုန်းက ခရိုင်းမီးယား ကျွန်းဆွယ်ကို ရုရှားက သိမ်းပိုက်အပြီး ရုရှားရဲ့ စွမ်းအင်၊ ဘဏ္ဍာရေးနဲ့ လက်နက်ကဏ္ဍတွေမှာ စီးပွားရေး ဒဏ်ခတ်ထားပြီးသားပါ။

ဒါ့အပြင် သြဂုတ်လက နာဗယ်ညီ အဆိပ်ခတ်ခံရအပြီးမှာ ရုရှသမ္မတ ဗလာဒီမီယာ ပူတင်နဲ့ နီးစပ်တဲ့ အရာရှိတွေကို ဒဏ်ခတ်ပြီးပါပြီ။ 

လစ်သူအေးနီးယားလိုပဲ လတ်ဗီယာနဲ့ အက်စ်တိုးနီးယားတို့လို ဘောလ်တစ် ပင်လယ်ကမ်းခြေ နိုင်ငံတွေကလည်း ရုရှားအရာရှိတွေအပေါ် EU က ပိုတိုးဒဏ်ခတ်ဖို့ ထောက်ခံ ခဲ့ကြပါတယ်။

အီတလီ နိုင်ငံခြားရေးဝန်ကြီးကလည်း ပိုင်ဆိုင်မှု ထိန်းသိမ်းတာတွေနဲ့ ခရီးသွား ပိတ်ပင်ချက်တွေ ပိုလုပ်ရေး ထောက်ခံဖို့ အသင့်ပဲလို့ ပြောပါတယ်။ ရိုမေးနီးယား အစိုးရကလည်း ဒဏ်ခတ်ဖို့ ထောက်ခံတယ်လို့ ပြောပါတယ်။

ဂျာမန် နိုင်ငံခြားရေး ဝန်ကြီး ဟိုက်ခိုမားစ်က နာဗယ်ညီကို လွှတ်ပေးဖို့ အစွန်းရောက် အအေးဒဏ်ကို အန်တုပြီး တောင်းဆိုခဲ့တဲ့ ဆန္ဒပြသူတွေကို ချက်ချင်းလွှတ်ပေးဖို့ တောင်းဆိုခဲ့ပါတယ္။

4 months Ago

January 19, 2021

ဟောင်ကောင်၊ ထိုင်ဝမ်နှင့်ပတ်သက်ပြီး အမေရိကန်အရာရှိများကို ဒဏ်ခတ်မည်ဟု တရုတ်ပြော

ဟောင်ကောင်နဲ့ ထိုင်ဝမ်အရေးနဲ့ပတ်သက်ပြီး ကသိကအောက်ဖြစ်စရာ အမူအကျင့်ရှိတဲ့ အမေရိကန်အရာရှိတွေကို ဒဏ်ခတ်မယ်လို့ တရုတ် နိုင်ငံခြားရေးဝန်ကြီးဌာနက ဇန်နဝါရီ ၁၈ ရက်မှာ ပြောလိုက်ပါတယ်။ အမေရိကန်အစိုးရက အမေရိကန်နဲ့ ထိုင်ဝမ်အရာရှိတွေကြား ဖလှယ်မှုတွေအပေါ် ကန့်သတ်ချက်တွေကို ဖယ်ရှားအပြီးမှာ ခုလို ပြောလိုက်တာပါ။ ဟောင်ကောင်မှာ လတ်တလော လူထုမငြိမ်သက်မှုအတွင်း အမေရိကန်ဟာ တရုတ်ပြည်မကြီးနဲ့ ဟောင်ကောင်က အရာရှိ ၆ ယောက်ကို ဇန်နဝါရီ ၁၅ ရက်က ဒဏ်ခတ် ပိတ်ဆို့ခဲ့လို့ တရုတ်အစိုးရက ဒေါသထွက်ခဲ့ပါတယ်။ အမေရိကန်ရဲ့ မှားယွင်းတဲ့ လုပ်ရပ်ကို တုံ့ပြန်တဲ့အနေနဲ့ တရုတ်က သက်ဆိုင်ရာ အမေရိကန် အရာရှိတွေကို ဒဏ်ခတ်ဖို့ ဆုံးဖြတ်ပြီးပြီလို့ တရုတ် နိုင်ငံခြားရေးဝန်ကြီးဌာန ပြောခွင့်ရ ဟွာချွန်းယဉ်က ပုံမှန်သတင်းစာရှင်းလင်းပွဲအတွင်း မီဒီယာကို ပြောပါတယ်။ ကမ္ဘာ့အကြီးဆုံး စီးပွားရေးနိုင်ငံ အမေရိကန်နဲ့ တရုတ်တို့ကြား ဆက်ဆံရေးဟာ ဆယ်စုနှစ်တွေအတွင်း အနိမ့်ဆုံးအဆင့်ကို ရောက်နေပါတယ်။ ထိုင်ဝမ်၊ ဟောင်ကောင်၊ လူ့အခွင့်အရေး၊ ကိုရိုနာဗိုင်းရပ်စ် ကမ္ဘာ့ကူးစက်ကပ်ဘေး၊ တောင်တရုတ်ပင်လယ်အရေး၊ ကုန်သွယ်ရေးနဲ့ သူလျှိုမှုတွေ အပါအဝင် အရေးကိစ္စ အတော်များများမှာ သဘောမတူတာတွေ ရှိနေတယ်လို့ ရိုက်တာက ဖော်ပြထားပါတယ်။
4 months Ago
Up