ဒဂုံမြို့သစ်အရှေ့ပိုင်း

A d v e r t i s e m e n t With Us

April 22, 2020

ဒဂုံမြို့သစ်အရှေ့ပိုင်းက COVID-19 လူနာနေထိုင်ရာလမ်းကို Lockdown လုပ်၊  မိသားစုဝင် ၃ ဦးကို စောင့်ကြည့်

ရန်ကုန်တိုင်းဒေသကြီး၊ ဒဂုံမြို့သစ်(အရှေ့ပိုင်း)မြို့နယ်က COVID-19 အတည်ပြုလူနာ အမှတ် ၁၂၀  (Case ၁၂၀)ရဲ့ မိသားစုဝင် ၃ ဦးကို လှိုင်မြို့နယ်မှာ Quarantine ထားရှိတယ်လို့ ဒဂုံအရှေ့မြို့နယ် လွှတ်တော် ကိုယ်စားလှယ် ဦးကျော်ကျော်မောင်က  ပြောပါတယ်။ ၂၁ နှစ်အရွယ်ရှိတဲ့ အဆိုပါအတည်ပြုလူနာ အမျိုးသမီးဟာ ကုမ္ပဏီဝန်ထမ်းဖြစ်ပြီး ဧပြီလ ၁၀ ရက်ကစတင်ကာ သင်္ကြန်ပိတ်ရက်ကြောင့် သူ နေထိုင်ရာ ဒဂုံအရှေ့မြို့နယ် ၇ ရပ်ကွက်မှာ ရှိနေရာကနေ ရောဂါလက္ခဏာပြလို့ ဧပြီ ၂၀ ရက်က တာမွေမြို့နယ်ရှိ Fever Clinic ကို သွားပြခဲ့ပါတယ်။ အဲဒီနောက် ရန်ကုန်ဆေးရုံကြီးကို သွားပြခဲ့ရာကနေ သူ့ရဲ့ ရောဂါလက္ခဏာကြောင့် တောင်ဥက္ကလာက မိခင်နဲ့ကလေးဆေးရုံ တိုးချဲ့ဆောင်ကို ဆက်လက်ပို့ဆောင်ခဲ့တာပါ။  လက်ရှိမှာ သူ နေထိုင်တဲ့ အိမ်ရှိရာလမ်းကို Lock down လုပ်ထားပြီး သူ့မိသားစုဝင်တဦး သွားခဲ့တဲ့ ရပ်ကွက်ကစျေးကိုလဲ Lockdown လုပ်ထားပါတယ်။ ဒါ့အပြင် သူ အလုပ်လုပ်တဲ့ လုပ်ငန်းခွင်နဲ့ သူ စီးခဲ့တဲ့တက္ကစီကို ဆက်လက်ရှာဖွေနေဆဲ ဖြစ်တယ်လို့ ဒဂုံမြို့သစ် အရှေ့ပိုင်း COVID-19 ကော်မတီက ပြောပါတယ်။  
11 months Ago

April 21, 2020

COVID-19 လူနာသစ် ၂ ဦးထပ်တွေ့၊ ရောဂါပိုးကင်းစင်သူ ၉ ဦးရှိလာ

ရန်ကုန်နဲ့ တောင်ကြီးမှာ  COVID-19 ဓာတ်ခွဲအတည်ပြုလူနာသစ် ၂ ဦးထပ်တွေ့တဲ့အတွက်  နိုင်ငံတဝန်း အတည်ပြုလူနာ စုစုပေါင်း ၁၂၁ ဦးအထိရှိလာကာ  သေဆုံးသူ ၅ ဦးနဲ့ ရောဂါပိုးကင်းစင်သူ ၉ ဦးရှိတယ်လို့ ကျန်းမာရေးနဲ့ ကျန်းမာရေးနဲ့ အားကစားဝန်ကြီးဌာနက ဒီကနေ့ ည ၈ နာရီမှာ ထုတ်ပြန်ပါတယ်။ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) ရဲ့ ဧပြီ ၂၁ ရက်  ပထမအသုတ် စစ်ဆေးပြီးစီးခဲ့တဲ့ ဓာတ်ခွဲနမူနာ (၁၈၅) ခုအနက် ၂ ဦးမှာ COVID-19 ရောဂါပိုး တွေ့ရှိခဲ့ပြီး  ကျန်သူတွေမှာတော့ ရောဂါပိုးမတွေ့ရှိ ဘူးလို့ ဆိုပါတယ်။ လူနာသစ် ၂ ဦးကတော့ ရန်ကုန်ဆေးရုံကြီးမှာ စောင့်ကြည့်လူနာအဖြစ် ထားရှိတဲ့ ရန်ကုန်တိုင်း ဒဂုံမြို့သစ်အရှေ့ပိုင်းက အသက် ၂၁ နှစ်အရွယ် အမျိုးသမီးတဦးနဲ့  ရှမ်းပြည်နယ် တောင်ကြီးမြို့နယ်က အသွားအလာကန့်သတ်ထားတဲ့ အသက် ၂၁ နှစ်အရွယ်အမျိုးသမီး တဦးတို့ ဖြစ်ပါတယ်။  အဆိုပါလူနာ ၂  ဦးဟာ ရောဂါရှိတဲ့ အတည်ပြုလူနာတွေနဲ့ ထိတွေ့ခဲ့တာမရှိသလို ပြည်ပကို သွားရောက်ခဲ့တဲ့ ခရီးသွားရာဇဝင်လည်း မရှိဘူးလို့သိရပါတယ်။  အဆိုပါလူနာ ၂ ဦးကို သက်ဆိုင်ရာဆေးရုံတွေကို လွှဲပြောင်းပြီး သီးခြားထားရှိကုသမှု ပေးသွားမယ်လို့ ကျန်းမာရေးဌာန ထုတ်ပြန်ချက်မှာ ဖော်ပြပါတယ်။ Photo-MOHS
11 months Ago
Up