ထောင်ဒဏ် ၃ လ

February 11, 2021

တောင်ငူ NLD အလုပ်အမှုဆောင်တစ်ဦးကို ပုဒ်မ ၁၈၈ ဖြင့်ဖမ်းဆီးပြီး ထောင်ဒဏ် ၃ လချ

ပဲခူးတိုင်းဒေသကြီး  တောင်ငူမြို့နယ် NLD အလုပ်မှုဆောင်ကော်မတီဝင် နိုင်ငံရေး တက်ကြွလှုပ်ရှားသူ ကိုမင်းဆွေကို ဖေဖော်ဝါရီ ၁၀ ရက်နေ့က ဖမ်းစီးခဲ့ပြီးနောက် ညနေပိုင်းမှာ တောင်ငူမြို့ နယ်တရားရုံးက ထောင်ဒဏ်သုံးလ ချမှတ်ခဲ့တယ်လို့ နီးစပ်သူတွေဆီက သိရပါတယ်။

“အခုလ ၉ ရက်နေ့က လူမှုကွန်ရက် အိုင်ကွန်ရှေ့မှာ လူစုမယ်ဆိုပြီး စာရေးတင်တာကို ထွေအုပ် အခု‌ စီမံခန့်ခွဲမှုကောင်စီက တရားလိုလုပ်တာပါ။ ဥပဒေဖော်ပြပါအချက်အရ ပြည်သူ့ဝန်ထမ်းက နည်းလမ်းတစ်ကျ ထုတ်ပြန်ကြေညာထားတဲ့ အမိန့်ကိုဖီဆန်တယ်လို့ပါတယ်” လို့ နိုင်ငံရေး တက်ကြွလှုပ်ရှားသူတဦးက ပြောပါတယ်။

တောင်ငူမြို့နယ် NLD  ပါတီအလုပ်အမှုဆောင်ကော်မတီဝင် ကိုမင်းဆွေကို ဖေဖော်ဝါရီ ၁၀ ရက်နေ့ မနက်ပိုင်းမှာ ရဲတပ်ဖွဲ့က လာရောက်ဖမ်းဆီးခေါ်ဆောင်သွားပြီး ချက်ချင်းရုံး တင်တရားစွဲဆို ထောင်ချခဲ့တာလို့ ဆိုပါတယ်။

အမှုကိစ္စနဲပတ်သက်ပြီး မိသားစုဝင်တွေက သွားရောက်စုံစမ်းမေးမြန်းတဲ့အခါ ပြည်သူ့ဝန်ထမ်းက နည်းလမ်းတစ်ကျ ထုတ်ပြန်‌ကြေညာထားတဲ့ အမိန့်ကိုဖီဆန်ခြင်း ဥပဒေပုဒ်မ ၁၈၈(ခ) နဲ့ မြို့နယ်အုပ်ချုပ်ရေးစံမံခန့်ခွဲမှုကောင်စီက တရားလိုလုပ် အမှုဖွင့်လှစ်တိုင်ကြားခဲ့တယ်ဆိုတာ သိရတယ်လို နီးစပ်သူတွေက ပြောပါတယ်။

တောင်ငူမြို့နယ်အတွင်း ပြီးခဲ့တဲ့ ၄ ရက်လောက်ကစတင်ပြီး အာဏာရှင်စနစ်ဆန့်ကျင်ရေး ဆန္ဒပြပွဲတွေ အဆက်မပြတ် လုပ်ဆောင်နေပြီး ဒီနေ့မနက်ကလည်း အင်အား သိန်းနဲ့ချီ လုံခြုံရေးရယူထားတဲ့နေရာတွေကို ရှောင်ကွင်းကာ ဆန္ဒပြခဲ့ကြတယ်လို့ သိရပါတယ်။

ရဲထွဋ်

8 months Ago

May 17, 2020

ရှမ်းပြည်နယ်တွင် ညမထွက်ရအမိန့် ကျူးလွန်သူအယောက် ၁၀၀ ကို‌ ထောင်ဒဏ် ၃ လစီ ချမှတ်

ရှမ်းပြည်နယ်အတွင်း COVID-19 ကာလ ညမထွက်ရအမိန့်ထုတ်ပြန်ထားပေမဲ့ မလိုက်နာလို့ ထောင်ဒဏ် ၃ လစီ ပြစ်ဒဏ်ပေးခံရတဲ့သူဟာ မေလ ၁၆ ရက်ထိ အယောက် ၁၀၀ လောက်ရှိတယ်လို့ ရှမ်းပြည်နယ်ရဲတပ်ဖွဲ့ ဒုရဲမှူးကြီးဝင်းသိန်းက ပြောပါတယ်။ ညမထွက်ရ အမိန့်မလိုက်နာသူတွေကတော့ တောင်ကြီးမြို့နယ်မှာ ကျား ၄၄၊ မ ၁၀ ဦး၊ လင်းခေးမြို့နယ်မှာ ကျား ၁ ဦး၊ လားရှိုးမှာ ကျား ၅ ဦး၊ ကျောက်မဲမှာ ကျား ၁ ဦး၊ ကျိုင်းတုံမှာ ကျား ၂၃ ဦး၊ တာချီလိတ်မှာ ကျား ၁၆ ဦးတို့ ဖြစ်ပါတယ်။ ရှမ်းပြည်နယ်မှာ ည ၁ဝ နာရီကနေ မနက် ၄ နာရီအထိ ညမထွက်ရအမိန့်ကို ဧပြီ ၂၀ ရက် က စတင်ထုတ်ပြန်ခဲ့တာဖြစ်ပါတယ်။ ဒီနောက် မေလ ၁၅ ရက်ကစတင်ပြီး ညမထွက်ရ အမိန့်အား ည ည ၁၂ နာရီကနေ မနက် ၄ နာရီအထိ အချိန်ရွှေ့ပြောင်းထားတယ်လို့ သိရပါတယ်။ COVID-19 ကာလမှာ ညမထွက်ရအမိန့်ထုတ်ပြန်ထားတာကြောင့် မှုခင်းသိသိသာသာ လျော့ကျလာတယ်လို့လည်း ဒုရဲမှူးက ဆိုပါတယ်။ ဒါ့အပြင် COVID-19 ကာလမှာ ရဲတပ်ဖွဲ့ဝင်တွေ အဆင်ပြေစေဖို့ ရှမ်းပြည်နယ် ရဲတပ်ဖွဲ့ပြည်နယ်ရဲမှူးချုပ်တင်ကိုကိုက တပ်ဖွဲ့ဝင်တွေကို မေလ ၁၆ ရက် ပြည်နယ်ရဲတပ်ဖွဲ့ရုံး သိန္တိသုခဓမ္မာရုံမှာ အခြေခံစားသောက်ကုန် ထောက်ပံ့ပေးအပ်ခဲ့ပါတယ်။ အဓိက COVID-19 ကာလ ရဲတပ်ဖွဲ့ဝင်မိသားစုတွေ အိမ်ပြင်ထွက် စျေးဝယ်ထွက်ရတာ သက်သာစေဖို့ စီမံဆောင်ရွက်တာလို့ ဆိုပါတယ်။ ရဲတပ်ဖွဲ့ဝင်အားလုံး၊ အရာရှိ၊ တပ်သား ခွဲခြားမှုမရှိဘဲ တန်းတူထောက်ပံ့ပေးအပ်တာဖြစ်ပြီး ရဲတပ်ဖွဲ့ဝင်တဦးကို ဆန် ၈ ပြည်၊ ကြက်သွန်နီ ၁ ပိဿာ၊ ဆီ ၁ ပိဿာ၊ ဘဲဥ ၁၀ လုံးနဲ့ဆပ်ပြာ စုစုပေါင်း ၁၇၀၀၀ ကျော်ဖိုးစီ စုစုပေါင်း ၅၁ သိန်းဖိုး ထောက်ပံ့ပေးအပ်ခဲ့ပါတယ်။ ခွန်ရာဇာ
1 year Ago

မိတ္ထီလာတွင် Quarantine ဝင်ရန် ငြင်းဆိုသူ ၂ ဦးကို ထောင်ဒဏ် ၃ လချမှတ်

မိတ္ထီလာမှာ Quarantine ဝင်ဖို့ ငြင်းဆိုသူ ၂ ဦးကို ကူးစက်ရောဂါ ကာကွယ်နှိမ်နင်းရေးဥပဒေနဲ့ ထောင်ဒဏ် ၃ လ ချမှတ်ခဲ့တယ်လို့ သိရပါတယ်။ မန္တလေးတိုင်း၊ မိတ္ထီလာမြို့၊ ရတနာမာရ်အောင်ရပ်ကွက် နယ်မြေ ၃ မြသီတာလမ်းနေသူ လင်မယား ၂ ဦးဟာ ရန်ကုန်ကပြန်လာတာကြောင့် Quarantine ဝင်ဖို့ မေ ၁၀ ရက်နေ့က ရပ်ကျေးအုပ်ချုပ်ရေးအဖွဲ့နဲ့ ကျန်းမာရေးဝန်ထမ်းတွေ နှစ်ကြိမ်တိုင် သွားပြောပေမယ့် ငြင်းဆန်တာကြောင့် မိတ္ထီလာခရိုင်ကျန်းမာရေးဦးစီးဌာနက ထုတ်ပြန်တဲ့အမိန့်အရ ကူးစက်ရောဂါများကာကွယ်နှိမ်နင်းရေးဥပဒေနဲ့ အမှုဖွင့်တရားစွဲဆိုခဲ့တာပါ။ မေ ၁၅ ရက်နေ့မှာ မိတ္ထီလာမြို့မရဲစခန်းမှာ ရဲအရေးမပိုင်နဲ့ အမှုဖွင့်လာတာကြောင့် မိတ္ထီလာမြို့နယ်တရားရုံးကို ဦးတိုက်လျှောက်ထားပေးတယ်လို့ မိတ္ထီလာမြို့မ ရဲစခန်းတာဝန်ကျ ရဲဝန်ထမ်းတဦးက ပြောပါတယ်။ မိတ္ထီလာခရိုင် ပြည်သူ့ကျန်းမာရေးဦးစီးဌာန ဒုခရိုင်ကျန်းမာရေးဦးစီးမှူး ဒေါက်တာသန္တာလင်းက “Quarantine ငြင်းဆိုတာကို အမှုဖွင့်လိုက်တယ်၊ ဘယ်လို ပြစ်ဒဏ်ချတယ် ဆိုတာတော့ မသိပါဘူး” လို့ ပြောပါတယ်။ မိတ္ထီလာမြို့နယ်တရားရုံးက သူတို့နှစ်ဦးကို မေ ၁၅ ရက်နေ့မှာ ကူးစက်ရောဂါများ ကာကွယ်နှိမ်နင်းရေးဥပဒေပုဒ်မ ၁၈ နဲ့ ထောင်ဒဏ် ၃ လ ကျခံစေဖို့ အမိန့်ချမှတ်ခဲ့တာပါ။ မိတ္ထီလာခရိုင် မိတ္ထီလာမြို့နယ်မှာ နယ်စပ်ဒေသက ပြန်လာသူ ၁၇၀၀ ကျော်ရှိပြီး ကူးစက်ရောဂါများကာကွယ်နှိမ်နင်းရေးဥပဒေနဲ့ ပြစ်ဒဏ်ချမှတ်တာ ပထမဆုံး ဖြစ်ပါတယ်။  မောင်မောင်လင်း
1 year Ago
More News
Up