ထောက်ပံ့မှု

November 27, 2022

ဟန်ဂေရီတွင် အစိုးရထောက်ပံ့မှုရပ်ဆိုင်းလိုက်သဖြင့် စက်သုံးဆီဆိုင်ပိုင်ရှင်များ ရုန်းကန်နေ

ဟန်ဂေရီအစိုးရက လွတ်လပ်တဲ့ စက်သုံးဆီဆိုင်ပိုင်ရှင်တွေကို ရောင်းချမယ့် ဒီဇယ်နဲ့ဓာတ်ဆီတွေ ထောက်ပံ့ပေးတော့မှာ မဟုတ်ကြောင်း ကြေညာခဲ့တာကြောင့် စက်သုံးဆီဆိုင်တွေ လုပ်ငန်းဆက်လုပ်ဖို့ ရုန်းကန်နေရပါတယ်။ 

အခုဆို ရာနဲ့ချီတဲ့ စက်သုံးဆီဆိုင်တွေကို နိုင်ငံပိုင် MOL ကုမ္ပဏီမှ စက်သုံးဆီ ထောက်ပံ့ ပေးတော့မှာ မဟုတ်လို့ အရောင်းအဝယ်တွေ ပျက်ပြားကုန်ပါတယ်။

"ဒီအတွက်ကြောင့် လောင်စာဆီဆိုင် ၄၀၀ လောက် ပိတ်ရမယ့် အန္တရာယ်ရှိပါတယ်" လို့ ဟန်ဂေရီ နိုင်ငံရဲ့ လွတ်လပ်တဲ့ ဓာတ်ဆီဆိုင်များ မဟာမိတ်အဖွဲ့ဥက္ကဋ္ဌ လာဇလိုဂီပက်ဇ်က ပြောကြား ခဲ့ပါတယ်။ 

ရုရှားနိုင်ငံမှ ရေနံထောက်ပံ့မှု ကျဆင်းနေချိန်ဖြစ်ပြီး ဈေးနှုန်းကန့်သတ်ချက်ကြောင့် ဝယ်လိုအား သိသိသာသာ မြင့်တက်နေချိန်မှာ လွတ်လပ်တဲ့ အရောင်းဆိုင်တွေဆီ လောင်စာဆီ ဖြတ်တောက်ဖို့ လိုအပ်တယ်လို့ ဟန်ဂေရီအစိုးရက ပြောကြားခဲ့ပါတယ်။ 

လွတ်လပ်တဲ့ စက်သုံးဆီဆိုင်ပိုင်ရှင်တွေဆီ ပေးပို့တဲ့ စာထဲမှာ နိုင်ငံပိုင်ကုမ္ပဏီ MOL က သူ့ကိုယ်ပိုင်ဓာတ်ဆီဆိုင်တွေကိုတော့ ဦးစားပေးအဖြစ် သိုလှောင်ထားမယ်လို့ ဆိုပါတယ်။

ဟန်ဂေရီအစိုးရက လောင်စာဆီ ထောက်ပံ့မှု ကန့်သတ်ချက်ကို ဘယ်လောက်ကြာကြာ ဆက်လုပ်ထားမယ်ဆိုတာ မပြောထားလို့ လွတ်လပ်တဲ့ အော်ပရေတာတွေအတွက် ပိုဆိုးရွားစေပါတယ်။ 

အစိုးရနဲ့ MOL တို့ကို ပြန်စဉ်းစားဖို့ တောင်းဆိုထားတဲ့ ဟန်ဂေရီရဲ့ လွတ်လပ်သောဓာတ်ဆီဆိုင်များ မဟာမိတ်အဖွဲ့က အသနားခံစာကို တုံ့ပြန်ခြင်း မရှိပါဘူး။ 

ဟန်ဂေရီရှိ လွတ်လပ်တဲ့စက်သုံးဆီဆိုင် ၁ ထောင်လောက်ဟာ နှစ်စဉ်ဖောက်သည် ၂ သန်း လောက်ကို ဝန်ဆောင်မှုပေးနေတာဖြစ်ပြီး ဓာတ်ဆီဆိုင်အများစုက ကျေးလက်ဒေသတွေမှာ ရှိနေတာပါ။ 

ဓာတ်ဆီဆိုင် လုပ်ငန်းတွေကို ရပ်ပစ်လိုက်တာနဲ့ စိုက်ပျိုးရေး အပါအဝင် ကျေးလက်နေပြည်သူ တွေနဲ့ စီးပွားရေးလုပ်ငန်း အများအပြားကို ကသောင်းကနင်း ဖြစ်စေမှာကြောင့် အစိုးရဖက်က သဘောထားပြောင်းလဲဖို့ကို ဓာတ်ဆီဆိုင်ပိုင်ရှင်တွေ စိတ်ပျက်လက်ပျက် ဖြစ်ခဲ့ရပါတယ်။

2 days Ago

March 11, 2022

NUG ထံမှ ထောက်ပံ့မှုရရှိ၊ ဘဏ္ဍာငွေရှာဖွေရေး ပူးပေါင်းပေးကြရန် နွားထိုးကြီး PDF တိုက်တွန်း

ပြည်သူ့ကာကွယ်ရေးအဖွဲ့တွေအနေနဲ့ အမျိုးသားညီညွတ်ရေးအစိုးရ (NUG) ရဲ့ စီမံကွပ်ကဲ မှုတွေနဲ့ ထောက်ပံ့မှုတွေ ရရှိနေပြီး NUG ရဲ့ ဘဏ္ဍာငွေရှာဖွေရေးလုပ်ငန်းစဥ်တွေမှာ ပူးပေါင်းပေးကြဖို့ နွားထိုးကြီး ပြည်သူ့ကာကွယ်ရေးတပ်ဖွဲ့က ပြောလိုက်ပါတယ်။

ဒါ့အပြင် NUG အစိုးရအနေနဲ့ PDF အဖွဲ့တွေ မရှိလို့မဖြစ်သလို PDF အဖွဲ့တွေ အနေနဲ့လည်း NUG အစိုးရ မရှိလို့မဖြစ်ကြောင်းနဲ့ တော်လှန်ရေးကြီး အမြန်ပြီးစီးဖို့ စည်းစည်းလုံးလုံး ရှိနေဖို့လည်း လိုအပ်တယ်လို့ ဆိုပါတယ်။

ဒေသခံပြည်သူ့ ကာကွယ်ရေးတပ်ဖွဲ့ PDF တွေ များပြားလွန်းတဲ့အခါမှာ လိုအပ်ချက်တွေ ရှိနေဆဲမို့ NUG အစိုးရရဲ့ ဘဏ္ဍာငွေရှာဖွေရေးလုပ်ငန်းစဥ်တွေမှာ ပူးပေါင်းပေးကြဖို့လည်း မေတ္တာရပ်ခံထားတာပါ။

လက်ရှိမှာတော့ မြန်မာနိုင်ငံမှာ အာဏာသိမ်းစစ်အုပ်စုရဲ့ ပြည်သူလူထုအပေါ် အကြမ်း ဖက်ဖိနှိပ်ဖမ်းဆီး တိုက်ခိုက်သတ် ဖြတ်နေမှုတွေကို ပြည်သူလူထုတရပ်လုံးက အသက်ရှင် သန်ရေးအတွက် ခုခံကာကွယ်ပိုင်ခွင့်အရ၊ ပြည်သူ့ခုခံစစ်ကို ဆင်နွှဲနေကြတာပါ။

နိုင်ငံတဝန်းမှာတော့ မြန်မာပြည်သူတွေဟာ စစ်အာဏာရှင်စနစ် မြန်မာ့မြေပေါ်မှ အပြီး တိုင်ချုပ်ငြိမ်းရေးနဲ့ ဖက်ဒရယ်ဒီမိုကရေစီတည်ဆောက်ရေးအတွက် ငြိမ်းချမ်းစွာဆန္ဒပြတဲ့ လူထုသပိတ်တိုက်ပွဲတွေ တိုင်းဒေသကြီးနဲ့ ပြည်နယ်တွေ အနှံ့အပြား ဖြစ်ပွားနေပါတယ်။

လူထုသပိတ်တိုက်ပွဲတွေအနေနဲ့ မနေ့က တရက်တည်းမှာ တနင်္သာရီတိုင်း၊ မန္တလေးတိုင်းနဲ့ မကွေးတိုင်းတွေမှာ ၁ ကြိမ်စီ၊ ကချင်ပြည်နယ်နဲ့ ရန်ကုန်တိုင်းတို့မှာ ၂ ကြိမ်စီ၊ စစ်ကိုင်း တိုင်းမှာ ၁၃ ကြိမ်နဲ့ အများဆုံးဖြစ်ပွားခဲ့တယ်လို့ အမျိုးသားညီညွတ်ရေးအစိုးရ (NUG) က ထုတ်ပြန်ထားပါတယ်။

ဒါ့အပြင် မြန်မာပြည်တွင်း ပြည်သူ့ခုခံတော်လှန်စစ် အရှိန်မြှင့်ဖြစ်ပွားနေပြီး ပြီးခဲ့တဲ့ ဖေဖော်ဝါရီ ၇ ရက်ကနေ မတ် ၆ ရက်အထိ တလအတွင်း စစ်ကောင်စီတပ်ဖွဲ့ဝင် ၂၀၉၅ ယောက် သေဆုံးခဲ့တယ်လို့လည်း NUG က ထုတ် ပြန်ထားပါတယ်။

9 months Ago
Up