ထောက်ပံ့ငွေ

October 28, 2021

ဆူဒန်တွင် စစ်အာဏာသိမ်းပြီးနောက် အမေရိကန်၏ထောက်ပံ့ငွေ ဆိုင်းငံ့

ဆူဒန်နိုင်ငံမှာ အသွင်ကူးပြောင်းရေးအစိုးရကို စစ်တပ်က အာဏာသိမ်းအပြီး ဆူဒန်အတွက် စီးပွားရေး အထောက်အပံ့ အမေရိကန်ဒေါ်လာ သန်း ၇၀၀ ကို မပေးဘဲ ဆိုင်းငံ့ထားလိုက်ပြီလို့ အမေရိကန်နိုင်ငံခြားရေးဝန်ကြီးဌာန ပြောခွင့်ရကို ကိုးကားပြီး အောက်တိုဘာ ၂၆ ရက် ရိုက်တာသတင်းမှာ ဖော်ပြပါတယ်။

ဝန်ကြီးချုပ် ဘယ်ရောက်နေပြီး ဘယ်လို အခြေအနေရှိတယ်ဆိုတဲ့ သတင်းအချက်အလက် မျှဝေစရာ အမေရိကန်အစိုးရမှာ မရှိသေးဘူးလို့လည်း ပြောပါတယ်။

အာဏာသိမ်းဆန့်ကျင်ရေး ဆန္ဒပြပွဲတွေအတွင်း လုံခြုံရေး တပ်ဖွဲ့ဝင်တွေနဲ့ ပဋိပက္ခဖြစ်လို့ လူ ၃ ဦး သေဆုံးခဲ့ပြီး အယောက် ၈၀ လောက် ဒဏ်ရာရခဲ့တာပါ။

နောက်နေ့မှာ မြို့တော်ခါတွန်နဲ့ အမြွှမြို့ အွန်မ်ဒါမန်တို့မှာ အာဏာသိမ်းဆန့်ကျင်ရေး ဆန္ဒပြပွဲတွေ ဆက်လက် ဖြစ်ပွားခဲ့ပါတယ်။

အာဏာသိမ်းခေါင်းဆောင် ဗိုလ်ချုပ်ကြီး အဘ်ဒယ်ဖာတာ အယ်လ်ဘာဟန်က စစ်တပ်နဲ့ အရပ်သားတို့ ပူးပေါင်းဖွဲ့စည်းထားတဲ့ အချုပ်အခြာကောင်စီကို ဖျက်သိမ်းပြီး အရေးပေါ် အခြေအနေ ကြေညာခဲ့ပါတယ်။

၂၀၂၃ ခုနှစ် ဇူလိုင်လမှာ ရွေးကောက်ပွဲတွေ ပြန်ကျင်းပပေးပြီး ရွေးကောက်ခံ အရပ်သားအစိုးရကို အာဏာလွှဲပေးမယ်လို့လည်း ကတိပြုပါတယ်။

စစ်တပ်က အာဏာသိမ်းတာကို ထောက်ခံကြောင်း ကြေညာချက်ထုတ်ပေးဖို့ ငြင်းခဲ့လို့ ဝန်ကြီးချုပ်နဲ့ အကြီးတန်းကုလ အရာရှိဟောင်းဖြစ်သူ စီးပွားရေး ပညာရှင်တို့ကို စစ်တပ်က ဖမ်းထားပြီး ဘယ်နေရာမှန်း မသိတဲ့ဆီကို ခေါ်သွားတယ်လို့ ပြန်ကြားရေးဝန်ကြီးဌာနက ပြောပါတယ်။

ပြန်ကြားရေးဝန်ကြီးဌာနက ဝန်ကြီးချုပ်ကို ထောက်ခံပြီး ခုခံဖို့ တိုက်တွန်းခဲ့တာပါ။

အာဏာသိမ်းမှုကို ဆန့်ကျင်တဲ့ ပြည်သူတွေ ထောင်သောင်းချီ လမ်းပေါ်ထွက်လာကြပြီး ခါတွန်မြို့တော်က စစ်ဌာနချုပ်တွေနားမှာ သေနတ်သံတွေကို ရင်ဆိုင်ခဲ့ကြပါတယ်။

ဗဟိုဘဏ် ဝန်ထမ်းတွေကလည်း အာဏာသိမ်းတာကို ပယ်ချသပိတ်မှောက်ကြောင်း ကြေညာခဲ့ ကြတယ်လို့ ပြန်ကြားရေးဝန်ကြီးဌာနက ပြောပါတယ်။

အစိုးရရုပ်သံရဲ့ သတင်းဆိုင်ရာ ညွှန်ကြားရေးမှူး အဖမ်းခံထားရတယ်လို့ သူ့မိသားစုက ပြောထားပါတယ်။

1 month Ago

March 8, 2021

CDM ဝန်ထမ်းများအတွက် ထောက်ပံ့ငွေကျပ်သိန်းပေါင်းသောင်းချီရရှိထား

စစ်တပ်အာဏာသိမ်းလုပ်ရပ်ကို ကန့်ကွက်ရှုတ်ချတဲ့အနေနဲ့ အာဏာဖီဆန်ရေး လှုပ်ရှားမှု(CDM) မှာ ပါဝင်နေကြတဲ့ တိုင်းနဲ့ ပြည်နယ်အသီးသီးက ဝန်ထမ်းတွေအတွက် ဝိုင်းကြီးချုပ် CDM ထောက်ပံ့ရေးအဖွဲ့အစည်းတွေက ထောက်ပံ့ပေးနိုင်ခဲ့တဲ့ ငွေစာရင်း  အကျဉ်းချုပ်ကို ထုတ်ပြန်ထားပါတယ်။

အဆိုပါ စာရင်းထဲမှာတော့ မတ် ၃ ရက်နေ့အထိ ထောက်ပံ့ပေးနိုင်ခဲ့တဲ့ ပြည်သူ့ဝန် ထမ်းစုစုပေါင်း ၉၇၆၂ ယောက်နဲ့ ကောက်ခံရရှိတဲ့အလှူငွေကျပ်သိန်းပေါင်း ၁၂၇၀၈ သိန်း   ဝန်းကျင်၊ ထောက်ပံ့ငွေကျပ်သိန်းပေါင်း ၁၁၄၆၅ သိန်းဝန်းကျင်ရှိခဲ့ကြောင်း ဖော်ပြထားတာပါ။

CDM ဝန်ထမ်းတွေကို ထောက်ပံ့ကူညီပေးဖို့အတွက် ဝိုင်းကြီးချုပ် မိတ်ဖက်အဖွဲ့ အ စည်းတွေအနေနဲ့ 21 Savage MM ၊ CDM Doctor Network ၊ GO FUND ME ၊ ၂ /၂၀၂၁ ခိုင်မြဲသောလက်များ ၊ Funding 4 #CDM ၊ For Our People ၊ Myanmar Resistance ၊ We Support Heroes ၊ Padamyar Group ၊ GWSM - Get Well Soon Myanmar Platform ၊ ပီတိ - PiTi ၊ Together We Win ၊ Connect 21 ၊ We Pledge CDM ၊ CDM Call Center ၊ Iris for Wisdom, Hope, Trust, Valor ၊ CDM Medium ၊ ရုန်းထွက်စို့ ၊ ထိုးမုန့်လူငယ်များအဖွဲ့စတဲ့ အဖွဲ့ ၁၉ ဖွဲ့ပါဝင်နေတာ ဖြစ်ပါတယ်။

ပြီးခဲ့တဲ့ ဖေဖော်ဝါရီ ၁ ရက်က  နိုင်ငံတော် သမ္မတ ဦးဝင်းမြင့်၊ နိုင်ငံတော် အ တိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အစိုးရခေါင်းဆောင်တွေကို  စစ်တပ်က ဖမ်းဆီး အာဏာသိမ်းယူလိုက်ပြီး နောက်တနေ့မှာပဲ အာဏာဖီဆန်ရေးလှုပ်ရှားမှုကို ဆေးလောကသားတွေက စတင်ခဲ့တာဖြစ်ပြီး လက်ရှိမှာတော့ နိုင်ငံတဝန်းမြို့တွေမှာ ဌာနပေါင်းစုံ ပြည်သူ့ဝန်ထမ်းတွေ၊ အနုပညာရှင်တွေ၊ ပြည်သူတွေကပါ ပူးပေါင်းပါဝင် လှုပ်ရှား နေကြတာ ဖြစ်ပါတယ်။

လတ်တလောမှာတော့ CDM ဝန်ထမ်းတွေကို ထောက်ပံ့ကူညီပေးနိုင်ဖို့ လက်ကျန် ငွေကျပ်သိန်းပေါင်း ၁၂၀၄၂ သိန်း ဝန်းကျင် ထပ်မံထောက်ပံ့ပေး ဖို့ လျာထားငွေကြေးပမာဏကတော့ ကျပ်သိန်းပေါင်း ၁၄၆၄၃  သိန်းဝန်းကျင် ရှိနေတယ်လို့ ဆိုပါတယ်။

လတ်တလောအနေအထားအရ CDM ပြုလုပ်နေတဲ့ ပြည်သူ့ဝန်ထမ်းတွေရဲ့  စာ ရင်းကိုလည်း ဝိုင်းကြီးချုပ်မိတ်ဖက်အဖွဲ့အစည်းတွေက CRPH နဲ့ သက်ဆိုင်ရာ မြို့နယ်အ ဖွဲ့အစည်းတွေကို ချိတ်ဆက်ပြီး စနစ်တကျပြုလုပ်နေတာဖြစ်တဲ့အတွက် စာရင်းထပ်တာ၊ စာရင်းကျန်တာမျိုးတွေအတွက်လည်း အလွန်အမင်း စိုးရိမ်ပူပန်ကြတာမျိုးမပြုလုပ်ကြဖို့ လည်း တောင်းဆိုထားပါတယ်။

9 months Ago
More News
Up