ထိုင်းဘုန်းကြီး

A d v e r t i s e m e n t With Us

November 22, 2018

ချစ်သူခေါင်းတလားရှေ့ ငိုကြွေးခဲ့သည့်ဘုန်းကြီး ပြကွက်ကြောင့် ဆင်ဆာထိခဲ့သည့် ရုပ်ရှင် (ရုပ်သံ)

ထိုင်းရုပ်ရှင်ကားတကားထဲမှာ သေဆုံးသွားတဲ့ ချစ်သူမိန်းကလေးရဲ့ ခေါင်းတလားရှေ့မှာ ရှိုက်ကြီးတငင် ငိုကြွေးနေတဲ့ ဘုန်းကြီးတပါးရဲ့ သရုပ်ဆောင်မှု ပြကွင်းပြကွက်တွေ ပါဝင်နေတဲ့အတွက် ဆင်ဆာစိစစ်မှုတွေ လုပ်ဆောင်နေရတယ်လို့ ခေါင်ဆွတ် သတင်းတပုဒ်မှာ နိုဝင်ဘာ ၂၁ ရက်နေ့က ဖော်ပြပါတယ်။ Thi Baan The Series 2.2 အမည်ရတဲ့ ရုပ်ရှင်ထဲမှာပါတဲ့ အဓိကဇာတ်ကောင် ဘုန်းကြီးရဲ့ ခုလို သရုပ်ဆောင်မှုဟာ ထိရှလွယ်တဲ့ အတွက်ကြောင့်မို့ ခုလို စိစစ်ရတာဖြစ်တယ်လို့ ထိုင်းရုပ်ရှင်ဒါရိုက်တာ အုပ်စုတစုက ဘန်ကောက်အခြေစိုက် အနုပညာနဲ့ ယဉ်ကျေးမှုစင်တာမှာ နိုဝင်ဘာ ၂၁ ရက်နေ့က ပြောလိုက်ပါတယ်။ ထိုင်းရုပ်ရှင်ဒါရိုက်တာများအဖွဲ့က ကိုယ်စားလှယ်တွေကတော့ ဆင်ဆာဘုတ်အဖွဲ့အနေနဲ့ ဒီကားကို ပြန်ပြီး ကြည့်ရှုသုံးသပ်တဲ့အချိန်မှာ သင့်တော်တဲ့စံနှုန်းတွေနဲ့ အကဲဖြတ်ဖို့ တောင်းဆိုနေကြတာပါ။ “တခြား ထိုင်းရုပ်ရှင်ကားတွေ အများကြီးမှာတောင် ထိုင်းဘုန်းကြီးတွေရဲ့ ခုလို အနေအထားထက် ပိုဆိုးဝါးတဲ့ အခန်းတွေ ပါနေတာတောင် ဆင်ဆာအဖွဲ့က ခွင့်ပြုပေးခဲ့သေးတာပဲ” လို့ ဒါရိုက်တာ ဘန်ဒစ်သောင်ဒီးက ပြောပါတယ်။ ထိုင်းရုပ်ရှင်ဒါရိုက်တာများအဖွဲ့မှ ပြောရေးဆိုခွင့်ရှိသူ ဒါရိုက်တာတဦးဖြစ်တဲ့ သနစ် ဂျစ်တ်နူကာလ်က ရုပ်ရှင်ထဲမှာပါတဲ့ ဒီအခန်းတွေကို ဖြတ်တောက်လိုက်ဖို့ အစတည်းက သဘောတူခဲ့ပေမယ့် ပရိသတ်တွေကို တန်ဖိုးထားတဲ့အတွက် ခုလိုထားခဲ့တာလို့ ပြောပါတယ်။ “တကယ်လို့ အဲဒီအခန်းတွေကို ဖြတ်လိုက်တယ်ဆိုရင် ရုံတင်ပြသလို့ ရပြီပေါ့။ ဒါပေမယ့် ပရိသတ်တွေက အကောင်းဆုံးအခန်းတွေ မပါဘူးဆိုရင်တော့ တကြိမ်ပဲပေါ့။ ဒါမျိုးက အရင်တုန်းကလည်း အများကြီး ဖြစ်ခဲ့ဖူးပါတယ်။” လက်ရှိမှာတော့ ဒီရုပ်ရှင်ကားကို ရုံတင်ပြသဖို့ အချိန်ကို ရက်အကန့်အသတ်မရှိ ရွှေ့ဆိုင်းထားလိုက်တာပါ။ ခုလိုမျိုး ဆင်ဆာခွင့်ပြုချက် အပြည့်အဝမရတဲ့ ရုပ်ရှင်ကားဟာ ဒါ ပထမဆုံးတော့ မဟုတ်ပါဘူး။ ပြီးခဲ့တဲ့ ၂၀၁၅ ခုနှစ်ကလည်း သွေးပျက်ထိတ်လန့်ဖွယ်ရုပ်ရှင် Arbat ကို သက်ဆိုင်ရာက ဆင်ဆာပိတ်ခဲ့ပါသေးတယ်။ ရုပ်ရှင်ကားထဲမှာ ပါဝင်တဲ့ ကိုရင်လေးရဲ့ သရုပ်ဆောင်မှုဟာ အမြင်မသင့်တော်တဲ့ အပြုအမူနဲ့ ပုံရိပ်ဖြစ်တယ်ဆိုတဲ့ အကြောင်းပြချက်နဲ့ ရုပ်ရှင်စတူဒီယိုက ပြန်လည်တည်းဖြတ်ပြီးတော့မှ ဆင်ဆာဘုတ်အဖွဲ့ဆီ ပြန်တင်သွင်းခဲ့ရတာ ဖြစ်ပါတယ်။ သနစ်ကတော့ “နောက်ဆုံးမှာတော့ ကျနော်တို့မှာ ကံကောင်းမှုအပေါ်ကို ပုံချထားလိုက်ရုံပဲ ရှိတော့တာပဲ” လို့ ပြောပါတယ်။
2 years Ago

August 9, 2018

ဂျက်လေယာဉ်ပိုင်သည့် ဝရမ်းပြေးဘုန်းကြီး ထောင်ဒဏ် ၁၁၄ နှစ် ပြစ်ဒဏ်ချမှတ်ခံရ

ပြစ်မှုပေါင်းများစွာနဲ့ ထွက်ပြေးတိမ်းရှောင်နေပြီး ဂျက်လေယာဉ်ပိုင်ဆိုင်တဲ့ နာမည်ကြီး ဝရမ်းပြေး ထိုင်းဘုန်းကြီးကို တရားရုံးက ဒီကနေ့မှာ ထောင်ဒဏ် ၁၁၄ နှစ် ချမှတ်လိုက်ပါတယ်။ အသက် ၃၉ နှစ်အရွယ် ဝီရပိုလ် ဆွတ်ခ်ဖိုးလ် အမည်ရတဲ့ အဲဒီဘုန်းကြီးကို တရားရုံးပေါင်း ၄၂ ခုက စွဲချက်တင်ထားပြီး တရားမဝင် ငွေကြေးခဝါချမှုနဲ့ လူပေါင်း ၂၉ ဦးဆီက ဘတ်ငွေ ၂၈ သန်းထက်မနည်း လိမ်လည်ရယူခဲ့တာကို စစ်ဆေးတွေ့ရှိတယ်လို့ ရာဇဝတ်ပြစ်မှုဆိုင်ရာ တရားရုံးက ဆိုပါတယ်။ သူဟာ အဲဒီငွေတွေအားလုံးကို ပြန်ပေးသွားရမှာဖြစ်ပြီး တခြား လိင်ပိုင်းဆိုင်ရာ ပြစ်မှုတွေအတွက်လည်း အရေးယူခံရမှာ ဖြစ်ပါတယ်။ ဝီရပိုလ် ဆွတ်ခ်ဖိုးလ်ဟာ ၂ဝ၁၃ ခုနှစ်က ကိုယ်ပိုင်ဂျက်လေယာဉ်စီးကာ တန်ဖိုးကြီးမားတဲ့ နာမည်ကြီး လက်ကိုင်အိတ်တွေ၊ နေကာမျက်မှန်တွေ ကိုင်ဆောင်သုံးစွဲတာ၊ ဇိမ်ခံကားပေါင်း မြောက်မြားစွာနဲ့ မြေအမြောက်အမြား ပိုင်ဆိုင်မှုတွေကြောင့် နာမည်ပျက်နဲ့ ကျော်ကြားခဲ့တာပါ။ ဒါ့အပြင် အရွယ်မရောက်သေးတဲ့ မိန်းကလေးငယ်တဦးကို ပြန်ပေးဆွဲပြီး လိင်ဆက်ဆံခဲ့တဲ့အတွက် သံဃာအဖြစ်ကနေ လူဝတ်လဲခံခဲ့ရပြီးနောက် အမေရိကန်နိုင်ငံကို ထွက်ပြေးသွားခဲ့တာပါ။ အဲဒီနောက် ထိုင်းအစိုးရက သူ့ကို အရွယ်မရောက်သေးတဲ့ ကလေးသူငယ် မဖွယ်မရာပြုကျင့်မှု၊ ကလေးပြန်ပေးဆွဲမှု၊ ငွေကြေးခဝါချမှု၊ ကွန်ပျူတာအင်တာနက် အလွဲသုံးစားမှု စတဲ့အမှုတွေနဲ့ စွဲချက်တင်ထားခဲ့ပြီး ဖမ်းဝရမ်းထုတ်ထားခဲ့တာ ဖြစ်ပါတယ်။ နောက်ပိုင်းမှာတော့ သူ့ကို အမေရိကန်အာဏာပိုင်တွေက ဖမ်းမိခဲ့ပြီး ထိုင်းနိုင်ငံဆီ ပြန်လည်လွှဲပြောင်းပေးခဲ့တာ ဖြစ်ပါတယ်။ သူ့မှာ တန်ဖိုးကြီး Porsche ကား အပါအဝင် ကား ၁၀ စီးလောက်ရှိနေခဲ့ပြီး လက်ရှိမှာတော့ သူပိုင်ဆိုင်တဲ့ ငွေကြေးတန်ဖိုး ဘတ်ငွေ ၄၃ သန်းကိုလည်း သိမ်းယူခဲ့ပြီဖြစ်တယ်လို့ သတင်းမှာ ဖော်ပြပါတယ်။
3 years Ago
More News
Up