ထိုင်သပိတ်

May 1, 2019

ဆူဒန် ကာကွယ်ရေးဝန်ကြီးရုံးရှေ့တွင် အရံအတားများ ပြုလုပ်ပြီး ထိုင်သပိတ်ဆင်နွှဲ

ဆူဒန်ကာကွယ်ရေးဝန်ကြီးဌာန ရုံးရှေ့မှာ ဧပြီ ၃၀ ရက်နေ့က ဆန္ဒပြသူတွေ ဝင်ပေါက်အားလုံးကို အရံအတားတွေ ပြုလုပ်ပြီး ထိုင်သပိတ် ဆင်နွှဲခဲ့ပါတယ်။ ဆူဒန် စစ်ဘက်ကောင်စီက သူတို့ဟာ အတိုက်အခံနဲ့ ညှိနှိုင်းဖို့ အဆင်သင့်ရှိတယ်လို့ ပြောကြားပြီး မငြိမ်သက်မှုကို အဆုံးသတ်ဖို့ တိုက်တွန်းလိုက်ပါတယ်။ သတင်းစာရှင်းလင်းပွဲမှာ ဆူဒန်စစ်ဘက်က ဧပြီ ၆ ရက်နေ့ကစပြီး ကာကွယ်ရေးဝန်ကြီးဌာန အပြင်မှာ ပြုလုပ်နေတဲ့ ထိုင်သပိတ်ကို ဖြိုခွင်းမှာ မဟုတ်ဘူးလို့ ပြောခဲ့ပါတယ်။ ကောင်စီက ဆူဒန်နိုင်ငံ အနာဂတ်နဲ့ ပတ်သက်ပြီး ညှိနှိုင်းဆောင်ရွက်ဖို့ သန္နိဋ္ဌာန် ချထားတယ်လို့ ပြောကြားပေမယ့် ရထားလမ်းနဲ့ တံတားတွေ ပိတ်ဆို့ဆန္ဒပြတာကို ရည်ညွှန်းပြီး  ဧပြီ ၃၀ ရက်နေ့နောက်ပိုင်း မတည်ငြိမ်တာမျိုး မရှိသင့်ဘူးလို့ ပြောခဲ့ပါတယ်။ အတိုက်အခံအဖွဲ့နဲ့ ဆန္ဒပြသူတွေကတော့ သမ္မတ ဘာရှားအယ်လ်အိုမာ ပြုတ်ကျပြီးနောက်ပိုင်း အရပ်ဘက်အုပ်ချုပ်ရေးကို အမြန်ဆုံးလွှဲပေးဖို့ စစ်ဘက်ကောင်စီကို ဖိအားပေးနေပါတယ်။
2 years Ago
Up