ထိုင်ဝမ်

April 18, 2019

ထိုင်ဝမ်တွင် အင်အား ၆ ဒသမ ၁ ရှိ ငလျင်လှုပ်

ထိုင်ဝမ်ကျွန်းရဲ့ အရှေ့ဘက် ကမ်းရိုးတန်းမြို့ ဟွားလျန်မြို့ကို ဗဟိုပြုပြီး အင်အား ရစ်ခ်ျတာစကေး ၆ ဒသမ ၁ ရှိတဲ့ ငလျင်တရပ် ဒီနေ့မွန်းလွဲ တနာရီလောက်က လှုပ်ခတ်ခဲ့ပါတယ်။ ဒါကြောင့် မြို့တော် တိုင်ပေက မြေအောက်ရထားဝန်ဆောင်မှု ယာယီရပ်သွားခဲ့ပြီး အဆောက်အဦတွေ ယိမ်းခါကုန်ပါတယ်။ ဒါပေမယ့် ဆိုးရွားတဲ့ ပျက်စီးမှုနဲ့ လူအသေအပျောက် စာရင်းကိုတော့ ချက်ချင်း မသိရသေးပါဘူး။ စက်မှုဖွံ့ဖြိုးတဲ့ ထိုင်ဝမ်ကျွန်းမှာ ဒီနှစ်အတွင်း အင်အားအပြင်းဆုံး ငလျင်လှုပ်အပြီး ကျောင်းသူ ကျောင်းသားတွေကို အဆောက်အဦတွေဆီကနေ ဘေးကင်းရာ ရွှေ့ပေးခဲ့တယ်လို့ မိုးလေဝသဗျူရို အရာရှိတဦးက ပြောပါတယ်။ တိုင်ပေမြို့တော်ရဲ့ တချို့မြို့နယ်တွေမှာ လျှပ်စစ်ဓာတ်အား ပြတ်တောက်မှု အသေးစား ဖြစ်ခဲ့တယ်လို့ ဗဟိုသတင်းဌာနက ပြောပါတယ်။ ရေနံချက်စက်ရုံတွေနဲ့ ဝန်ဆောင်မှုလုပ်ငန်းတွေ ပုံမှန်အတိုင်း လည်ပတ်နေတယ်လို့ အစိုးရက ပြောပါတယ်။ ငလျင်အပြီးမှာ ကပ်ဘေးတုံ့ပြန်ရေးဌာနကို ဖွဲ့စည်းခဲ့တယ်လို့ မိုးလေဝသဗျူရိုက ပြောပါတယ်။ လူနေကျဲပါးပြီး တောင်ထူတဲ့ ကျွန်းအရှေ့ပိုင်းတလွှား မြေပြိုမှု တခုထက်မနည်း ဖြစ်ခဲ့တာကို ထိုင်ဝမ်ရုပ်သံတွေက ပြသပါတယ်။
2 years Ago

January 17, 2019

ထိုင်ဝမ် ကြည်း၊ ရေ၊ လေတပ်များ ပူးပေါင်း စစ်ရေးလေ့ကျင့်

ထိုင်ဝမ် လေတပ်၊ ကြည်းတပ်နဲ့ ရေတပ်တို့ ပူးပေါင်းပြီး ဇန်နဝါရီ ၁၇ ရက်က စစ်ရေးလေ့ကျင့်ကြပါတယ်။ တရုတ်စစ်တပ်ရဲ့ ကျူးကျော်မှု ဖြစ်နိုင်ချေကို တုံ့ပြန်ပုံအနေနဲ့ ပုံစံတူဖန်တီးရင်း လေ့ကျင့်တာ ဖြစ်ပါတယ်။ တရုတ်ကွန်မြူနစ်ပါတီ ခေါင်းဆောင် ရှီကျင့်ဖျင်က ထိုင်ဝမ်ကို အင်အားသုံးဖို့ အခွင့်အရေးကို အရန်အင်အားအဖြစ် ထားတယ်လို့ ဒီလအစောပိုင်းက အတည်ပြု ပြောဆိုခဲ့တာပါ။ တရုတ်ပြည်မကြီးနဲ့ ပြန်လည်ပေါင်းစည်းရေးက ရှောင်လွှဲလို့ မရဘူးလို့လည်း ပြောပါတယ်။ ဟောင်ကောင်နဲ့ မကာအိုအပေါ် ကျင့်သုံးနေတဲ့ တနိုင်ငံ စနစ် ၂ မျိုး မူဝါဒဟာ ထိုင်ဝမ်အတွက် နမူနာပဲလို့လည်း ရှီက ပြောပါတယ်။ ထိုင်ဝမ်သမ္မတ ချိုင်အင်းဝမ်ကတော့ သူ့အစိုးရ ဒါမှမဟုတ် ဘယ် ထိုင်ဝမ်နိုင်ငံရေးသမား မဆို ထိုင်ဝမ်ပြည်သူတွေရဲ့ စိတ်ဆန္ဒနဲ့ ယုံကြည်မှုကို သစ္စာဖောက်ပြီး ရှီရဲ့စကားကို လက်ခံဖို့ ဖြစ်နိုင်မှာမဟုတ်ဘူးလို့ တုံ့ပြန် ပြောဆိုခဲ့ပါတယ်။
2 years Ago
More News
Up