ထုတ်ပယ်ခံရ

February 9, 2018

အကျင့်ပျက်လာဘ်စားသည့် ထိုင်းထောင်ဝန်ထမ်း ၁၈ ဦး အလုပ်မှ ထုတ်ပယ်ခံရ

ထိုင်းနိုင်ငံမှာ အကျင့်ပျက်လာဘ်စားတဲ့ အကျဉ်းထောင်ဝန်ထမ်း ၁၈ ဦးဟာ အလုပ်ကနေ  ထုတ်ပယ်ခံခဲ့ရတယ်လို့ ဘန်ကောက်ပို့စ်သတင်းတပုဒ်မှာ ဒီကနေ့ ဖော်ပြပါတယ်။ သူတို့ဟာ လာဘ်ပေးလာဘ်ယူမှုတွေ၊ တားမြစ်ထားတဲ့ မူးယစ်ဆေးဝါးတွေ၊ မို ဘိုင်းဖုန်းတွေနဲ့ တခြားပစ္စည်းတွေကို ထောင်အတွင်း သယ်ဆောင်ခွင့်ပြုကာ စည်းကမ်းဖောက် ဖျက်ခဲ့ကြတယ်လို့ ထိုင်းအကျင့်ပျက်ခြစားမှု တိုက်ဖျက်ရေးဦးစီးဌာနက ပြောပါတယ်။ ခုစစ်ဆေးတွေ့ရှိမှုမှာ တခြားအကျဉ်းထောင်ဝန်ထမ်း ၁၉၃ ဦးကိုလည်း ပြစ်မှုကျူးလွန် ကြောင်းတွေ့ရှိထားပြီး သူတို့ကတော့ အနည်းအကျဉ်းသာ ဖောက်ဖျက်ခဲ့ကြတာလို့ ဆိုပါတယ်။ ဒါဟာ အကျဉ်းထောင် အရာရှိတဦးကို အကျဉ်းသားရဲ့ ဆွေမျိုးတွေဆီက လာဘ်စားခဲ့ တာကို စစ်ဆေးပြီးနောက်မှာ စစ်ဆေးတွေ့ရှိခဲ့ရတာလို့ ထိုင်းအကျင့်ပျက်ခြစားမှု တိုက်ဖျက်ရေး ဦးစီးဌာနမှ ညွှန်ကြားရေးမှူး နရတ်စ် ဆေ့ဗ်စ်တန်နန်က ပြောပါတယ်။ တခြားဖောက်ဖျက်ကျူးလွန်မှုတွေထဲမှာတော့ မိုဘိုင်းဖုန်းတွေကို အပြန်အလှန် ခိုးသွင်း ပေးခဲ့တဲ့ ၀န်ထမ်းတွေ၊ အလုပ်ကို ၁၅ ရက်ထက် ပျက်ကွက်ခဲ့တဲ့ ၀န်ထမ်းတွေ၊ မူးယစ်ဆေးဝါးတွေ ခိုးသွင်းပေးခဲ့တဲ့ ၀န်ထမ်းတွေနဲ့ အကျဥ်းသားတွေကို အပြစ်မရှိဘဲ ဖမ်းချုပ်ထားတာနဲ့ မုဒိမ်းမှု ကျူးလွန်တာတွေလည်း ပါဝင်နေတယ်လို့ သူက ဆိုပါတယ်။ ထိုင်းအကျင့်ပျက်ခြစားမှု တိုက်ဖျက်ရေးဦးစီးဌာနအနေနဲ့ တခြားအနည်းအကျဉ်းပြစ်မှုကျူး လွန်ထားတဲ့ ၀န်ထမ်း ၁၉၃ ဦးကိုလည်း စောင့်ကြည့်စစ်ဆေးမှုတွေ ပြုလုပ်နေကာ လုပ်ခလစာ လျှော့ချတာ၊ အစမ်းခန့်ကာလ သတ်မှတ်တာ၊ အချိန်ပိုဒဏ်ပေး အလုပ်ဆင်းစေတာ၊ ဒဏ်ရိုက် တာတွေ ပြုလုပ်သွားမယ်လို့ ဆိုပါတယ်။
4 years Ago

January 12, 2018

ဆယ်အိမ်မှူးကို ကန့်ကွက်သည့် အိမ်ထောင်စု ၂၅ စု မြို့နယ်အပိုင်မှ ထုတ်ပယ်ခံရ

ပဲခူးတိုင်း၊ ဇီးကုန်းမြို့နယ် ချောင်းစောက်ကျေးရွာအုပ်စုက အိမ်ထောင်စု ၂၅ စုက ကျေးရွာ ဆယ်အိမ်မှူး ရွေးချယ်တာကို ကန့်ကွက်တိုင်ကြားခဲ့လို့ ကျေးရွာအုပ်ချူပ်ရေးမှူးနဲ့ မြို့နယ်အထွေထွေအုပ်ချူပ်ရေးမှူးတို့က ဇီးကုန်းမြို့နယ်အပိုင်ကနေ နတ္တလင်းမြို့နယ်အပိုင်ကို ထုတ်ပယ်ခဲ့တယ်လို့ သိရပါတယ်။ ချောင်းစောက်ကျေးရွာအုပ်စုမှာ အိမ်ထောင်စု ၁၀၈ စုရှိပြီး လူဦးရေ ၃၀၀ ကျော်နေထိုင်ပါတယ်။ လူဦးရေတိုးပွားလာလို့ ပြောင်းရွေ့နေထိုင်ရာကနေ အခုလိုပြဿနာတွေ ဖြစ်ပေါ်နေတာပါ။ ကျေးရွာသားတဦးက “ကျနော်တို့က ဆယ်အိမ်မှူးဦးသန်းနိုင်ကို မကြိုက်လို့ ကန့်ကွက်တာပါ။ သူကရွာမှာ ဆယ်အိမ်မှူး လုပ်လာတာ ၁၇ နှစ်ရှိပြီ။ ကျနော်တို့ ရွာအပေါ်မှာ အမြဲတမ်းအနိုင်ကျင့်တယ်။ မလိုရင်မလိုသလို အုပ်ချူပ်ရေးမှူးတို့ ရဲတို့နဲ့ပေါင်းပြီး ဖမ်းခိုင်းတယ်။ အခုသူကိုအုပ်ချူပ်ရေးမှူးက ဆယ်အိမ်မှူး ပြန်ခန့်တာကို ကျနော်တို့ ရွာသားတွေက ကန့်ကွက်တာ။ မြို့နယ်အုပ်ချူပ်ရေးမှူး ဦးညီညီအောင်က လက်မခံဘူး။ မင်းတို့ပြည်သူတွေမမှန်လို့ မဟုတ်တာ လုပ်လို့ဆိုပြီး တဖက်စောင်းနင်းပြောတယ်။ ပြီးတော့ မင်းတို့က ဇီးကုန်းမြေပေါ်မှာ နေတာမဟုတ်ဘူး။ နတ္တလင်းမြေပေါ်မှာနေတာဖြစ်တဲ့အတွက် ဇီးကုန်းသားတွေ မဟုတ်ဘူးဆိုပြီး ပယ်ထုက်တာပါ” လို့ ပြောပါတယ်။ ဆယ်အိမ်မှူး ဦးလှဝင်းက “ခုကအုပ်ချူပ်ရေးမှူးက သူတို့လူကို ကန့်ကွက်လို့ အခုလိုလုပ်တာပါ။ ၂၀၁၅ ခုနှစ်ကလည်းတခါ အခုအုပ်ချူပ်ရေးမှူးကပဲ မင်းတို့ နတ္တလင်းမြေပေါ်မှာနေလို့ နတ္တလင်းမှာ မဲထည့်ရမယ်ဆိုပြီးလုပ်တော့ ကျနော်တို့ရွာသားတွေ သက်ဆိုင်ရာအထက် အဆင့်ဆင့်ကိုတိုင်မှ ဇီးကုန်းမြို့နယ်မှာ မဲထည့်ခဲ့ရတယ်။ အခု လည်းထပ်ပြီး ကျနော်တို့ကို လုပ်တာပါ” လို့ပြောပါတယ်။ ဇီးကုန်းမြို့နယ်အထွေထွေအုပ်ချူပ်ရေးမှူး ဦးညီညီအောင်က “ဌာနဆိုင်ရာတိုင်းက ကန့်သတ်ချက်သတ်မှတ်ချက် လုပ်ထုံးလုပ်နည်း ဥပဒေတွေရှိပြီးသားပါ။ သူတို့က နတ္တလင်းမြို့နယ်ထဲမှာ နေတဲ့အတွက် အုပ်ချူပ်ရေးပိုင်း၊ ရဲလုပ်ထုံးလုပ်နည်းဌာနဆိုင်ရာပိုင်း၊ တရားဥပဒေပိုင်းတွေကို နတ္တလင်းမြို့နယ်က စီမံခန့်ခွဲရမှာပါ၊ ကျနော်တို့ ဇီးကုန်းမြို့နယ်နဲ့ မဆိုင်ပါဘူး။ ဒီမိသားစု ၂၅ စုက တရားဝင်ဖြစ်ချင်တယ်ဆိုရင်တော့ ကျနော်တို့ဘက်က ကူညီပေးသွားမှာပါ” လို့ပြောပါတယ်။ ထုက်ပယ်ခံရတဲ့ အိမ်ထောင်စု ၂၅ စုက နတ္တလင်းမြို့နယ် အထွေထွေ အုပ်ချူပ်ရေးဦးစီးဌာနကို သွားရောက်မေးမြန်းရာ မြေကတော့ နတ္တလင်းမြေဖြစ်ပေမယ့် လူတွေက ဇီးကုန်းမြို့နယ်အပိုင်က လူတွေဖြစ်တယ်လို့ ပြန်လည်ဖြေကြားခဲ့တယ်လို့ သိရပါတယ်။ မေသွယ်
4 years Ago
Up